Click it and Unblock the Notifications
Just In
Don't Miss
-
പെണ്ണ് പറഞ്ഞാല് സ്വീകാര്യം, പുരുഷന് പറഞ്ഞാല് സെക്സിസം; ജാസ്മിന് ചിന്ത വീട്ടുകാരെപ്പറ്റി മാത്രം? -
മുഖത്തെ ചുളിവുകള് പ്രായമാകല് കൊണ്ട് മാത്രമല്ല, ജീവിതശൈലി പ്രശ്നങ്ങള് കൊണ്ടും വരാം -
മൈലേജ് കുറച്ച് കുറഞ്ഞാലും യാത്ര സുഖം ഗ്യാരണ്ടി! ഇന്നോവ ഹൈക്രോസിന് പുത്തന് പെട്രോള് വേരിയന്റ് -
പറന്നുയർന്ന് സ്വർണം, പവന്റെ വില ഉടൻ 60,000 കടക്കും, ഹൃദയം തകർന്ന് ആഭരണ പ്രേമികൾ -
IPL 2024: 6 തോല്വികള്, ആര്സിബിയുടെ പ്ലേ ഓഫ് സാധ്യത അവസാനിച്ചോ? പരിശോധിക്കാം -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം -
മിന്നൽ വേഗത്തിൽ തലസ്ഥാനത്തെത്താം; മാനന്തവാടി-തിരുവനന്തപുരം മിന്നൽ ബസ്, സമയം റൂട്ട്
മുന്‍ ശ്രീലങ്കന്‍ താരം ദില്‍ഷന്‍ രാഷ്ട്രീയത്തിലേക്ക്.... രജപക്‌സെയുടെ പാര്‍ട്ടിയില്‍ ചേര്‍ന്നു
കൊളംബോ: ക്രിക്കറ്റ് താരങ്ങള്‍ കൂട്ടത്തോടെ രാഷ്ട്രീയത്തില്‍ ഇറങ്ങി കൊണ്ടിരിക്കുകയാണ് ഇപ്പോള്‍. ബംഗ്ലാദേശില്‍ മഷ്‌റഫെ മൊര്‍ത്താസ സ്ഥാനാര്‍ത്ഥിത്വം പ്രഖ്യാപിച്ച് കഴിഞ്ഞു. ഇതിന് പിന്നാലെ മുന്‍ ശ്രീലങ്കന്‍ ക്യാപ്റ്റന്‍ തിലകരത്‌ന ദില്‍ഷനും രാഷ്ട്രീയത്തില്‍ ഇറങ്ങുകയാണ്. മുന്‍ പ്രധാനമന്ത്രി മഹിന്ദ രജപക്‌സെയുടെ പാര്‍ട്ടിയായ ശ്രീലങ്ക പീപ്പിള്‍സ് പാര്‍ട്ടിയില്‍ ചേര്‍ന്നിരിക്കുകയാണ് അദ്ദേഹം. ശ്രീലങ്കയില്‍ ഭരണഘടനാപരമായ പ്രതിസന്ധി നിലനില്‍ക്കെയാണ് അദ്ദേഹം രജപക്‌സെയുടെ പാര്‍ട്ടിയില്‍ ചേര്‍ന്നത്. കഴിഞ്ഞ ദിവസം നടന്ന വിശ്വാസ വോട്ടെടുപ്പില്‍ രജപക്‌സെയുടെ പാര്‍ട്ടി പരാജയപ്പെട്ടിരുന്നു. പീപ്പിള്‍സ് പാര്‍ട്ടി സെക്രട്ടറി സാഗര കാരിയവാസമാണ് ദില്‍ഷന്റെ പാര്‍ട്ടി പ്രവേശനം പ്രഖ്യാപിച്ചത്.
അതേസമയം കാലുതര ജില്ലയില്‍ നിന്ന് ദില്‍ഷന്‍ പാര്‍ലമെന്റിലേക്ക് മത്സരിക്കുമെന്ന് പാര്‍ട്ടി പ്രഖ്യാപിച്ചിട്ടുണ്ട്. പാര്‍ലമെന്റ് പിരിച്ചുവിടാനുള്ള മൈത്രിപാല സിരിസേനയുടെ നീക്കങ്ങള്‍ക്ക് സുപ്രീം കോടതി അടുത്തിടെ തിരിച്ചടി നല്‍കിയിരുന്നു. ഇതോടെ ജനുവരിയില്‍ നടക്കാനിരുന്ന പാര്‍ലമെന്റ് തിരഞ്ഞെടുപ്പും അനിശ്ചിതത്വത്തിലായിരിക്കുകയാണ്. നിലവില്‍ ശ്രീലങ്കയുടെ ലോകകപ്പ് നായകനായ അര്‍ജുണ രണതുംഗ പാര്‍ലമെന്റ് അംഗമാണ്. ദില്‍ഷന്റെ വരവ് പാര്‍ട്ടിക്ക് ഗുണം ചെയ്യുമെന്ന് വിലയിരുത്തല്‍. 330 ഏകദിന മത്സരങ്ങള്‍ കലിച്ച് ദില്‍ഷന്‍ 10290 റണ്‍സും 87 ടെസ്റ്റില്‍ നിന്ന് 5492 റണ്‍സും നേടിയിട്ടുണ്ട്. 80 ട്വന്റി 20 മത്സരങ്ങളില്‍ നിന്ന് 1889 റണ്‍സും ദില്‍ഷന്‍ നേടിയിട്ടുണ്ട്.
