Click it and Unblock the Notifications
Just In
Don't Miss
-
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍
ട്രംപിന്റെ യുദ്ധമുറകള്‍ കാണാന്‍ കിടക്കുന്നതേ ഉള്ളൂ!! യുഎന്‍ സമയം കളയാനുള്ള വെറും ക്ലബ്!
ഐക്യരാഷ്ട്രസഭയെ കടന്നാക്രമിച്ച് ഡൊണാള്‍ഡ് ട്രംപ്. സമയം ചിലവഴിക്കാനുള്ള ക്ലബ് മാത്രമാണ് യുഎന്‍ എന്ന് പരിഹാസം.
വാഷിംഗ്ടണ്‍ : നാക്ക് ഡൊണാള്‍ഡ് ട്രംപിനെ ഒട്ടേറെ കുഴികളില്‍ കൊണ്ടുചെന്ന് ചാടിച്ചിട്ടുണ്ട്. ഇത്തവണ ഐക്യരാഷ്ട്രസഭയെയാണ് ട്രംപ് ആക്രമിച്ചിരിക്കുന്നത്. സമയം ചെലവഴിക്കാനുള്ള ഒരു ക്ലബ് മാത്രമാണ് ഐക്യരാഷ്ട്രസഭ എന്നാണ് ട്രംപിന്റെ പരിഹാസം. വെസ്റ്റ് ബാങ്കിലെയും കിഴക്കന്‍ ജെറുസലേമിലെയും ഇസ്രയേലിന്റെ ഇടപെടലിനെതിരെയുള്ള ഐക്യരാഷ്ട്രസഭയിലെ പ്രമേയം സംബന്ധിച്ചാണ് ട്രംപിന്റെ പരിഹാസം.
ട്വിറ്ററിലാണ് ട്രംപിന്റെ പരാമര്‍ശം. ഐക്യരാഷ്ട്ര സഭയ്ക്ക് ഏറെ സാധ്യതകളുണ്ട്. എന്നാലിപ്പോഴത് ആളുകള്‍ക്ക് ഒത്തുകൂടുന്നതിനും സംസാരിക്കുന്നതിനും സമയം ചെലവഴിക്കുന്നതിനും മാത്രമായുള്ള ഒരു ക്ലബ്ബായി രൂപം മാറിയിരിക്കുന്നു എന്നാണ് നിയുകത അമേരിക്കന്‍ പ്രസിഡണ്ട് ട്വിറ്ററില്‍ കുറിച്ചത്.
ഐക്യരാഷ്ട്രസഭയെ ചെറുതായൊന്ന് താക്കീത് ചെയ്യാനും ട്രംപ് മടിച്ചില്ല. ജനുവരി ഇരുപതിന് ശേഷം ഐക്യരാഷ്ട്രസഭയ്ക്ക് കാര്യങ്ങള്‍ വ്യത്യസ്തമായിരിക്കും എന്നാണ് ട്രംപ് പറഞ്ഞിരിക്കുന്നത്. ജനുവരി 20നാണ് ഡൊണാള്‍ഡ് ട്രംപ് അമേരിക്കയുടെ പ്രസിഡണ്ടായി സ്ഥാനമേല്‍ക്കുക.മറ്റൊരു ട്വീറ്റില്‍ തന്റെ വിജയത്തിന് ശേഷം ലോകം ഉണര്‍വിലേക്കാണ് എന്നും ട്രംപ് പറയുന്നുണ്ട്.
അമേരിക്ക വീറ്റോ അധികാരം ഉപയോഗിക്കാതെ വിട്ടുനിന്നതോടെ യു എന്‍ രക്ഷാസമിതിയില്‍ പ്രമേയം പാസ്സായിരുന്നു. 15 അംഗ സമിതിയില്‍ 14 പേരും ഇസ്രയേലിനെതിരെ വോട്ട് ചെയ്തു. ഇസ്രയേലിന്റെയും ഡൊണാള്‍ഡ് ട്രംപിന്റെയും താല്‍പര്യങ്ങള്‍ക്ക് വിരുദ്ധമായിരുന്നു ഇത്. അമേരിക്കന്‍ പ്രസിഡന്റ് തെരഞ്ഞെടുപ്പ് പ്രചാരണങ്ങള്‍ക്കിടെ തന്നെ തന്റെ ഇസ്രയേല്‍ ചായ്വ് ട്രംപ് വ്യക്തമായി പ്രകടമാക്കിയിരുന്നു. ഭാവി അമേരിക്കന്‍ പ്രസിഡണ്ടിന്റെ നിലപാടുകള്‍ ഐക്യരാഷ്ട്രസഭയിലും പുറത്തും ഇസ്രയേലിന് ഗുണകരമാവാനാണ് സാധ്യത.
