'ട്രംപ് ജീ കുല്ഫി ബിസിനസ് എങ്ങനെ, ലാഭമാണോ': വൈറലായി ട്രംപ് അപരന്റെ വീഡിയോ
ഇസ്ലാമാബാദ്: ഇന്റര്നെറ്റില് തരംഗമായി മുന് അമേരിക്കന് പ്രസിഡന്റ് ഡൊണാള്ഡ് ട്രംപിന്റെ അപരന്. പാകിസ്ഥാനില് നിന്നുള്ള ഒരു കുല്ഫി വില്പ്പനക്കാരനാണ് ആ താരം. ഡൊണാള്ഡ് ട്രംപിന്റെ രൂപ സാദൃശ്യം മാത്രമല്ല കുല്ഫി വില്പ്പനയ്ക്കൊപ്പം നടത്തുന്ന അതിമനോഹരമായ പാട്ട് കൂടിയാണ് ഈ മധ്യവയസ്കനെ നിമിഷ നേരം കൊണ്ട് വൈറലാക്കിയത്. ഇന്സ്റ്റഗ്രാം, ട്വിറ്റര് ഉള്പ്പടേയുള്ള മാധ്യമങ്ങളില് വന്ന ഈ വീഡിയോയ്ക്ക് താളെ രസകരമായ ഒട്ടനവധി കമന്റുകളും ആളുകള് രേഖപ്പെടുത്തുന്നുണ്ട്.
'അമേരിക്കൻ പ്രസിഡൻറ് തെരഞ്ഞെടുപ്പിൽ ജോ ബൈഡനോട് തോറ്റ ഡോണൾഡ് ട്രംപ് ഇപ്പോൾ പാകിസ്താനിൽ പാട്ട് പാടി കുൽഫി വിൽപ്പന നടത്തുന്നു' എന്നാണ് ഒരാള് പങ്കുവെച്ച രസകരമായ കമറ്റ്. 'ട്രംപ് ജീ പുതിയ കുല്ഫി ബിസിനസൊക്കെ എങ്ങനെ പോകുന്നു, ലാഭമാണോ' എന്നാണ് ഇന്ത്യക്കാരനായ മറ്റൊരു വ്യക്തിയുടെ കമന്റ്. ഒറ്റ നോട്ടത്തിൽ ട്രംപാണെന്ന് തോന്നിക്കുന്ന ഈ വൈറല് മനുഷ്യന് പഞ്ചാബ് പ്രവിശ്യയിലെ സഹിവാല് സ്വദേശിയാണ്.
Recommended Video
ഇന്ധന വില വര്ധനവിനെതിരെ യുഡിഎഫ് എംപിമാരുടെ രാജ്ഭവന് ധര്ണ- ചിത്രങ്ങള്
ട്രംപിന്റെ നിരവധി അപരന്മാര് ഇതിനോടകം വൈറലായിട്ടുണ്ടെങ്കിലും അവരേക്കാളെല്ലാം ഏരെ സാമ്യം ഈ പാകിസ്താന് കാരനുണ്ടെന്നാണ് പലരും അഭിപ്രായപ്പെടുന്നത്. പാട്ട് പാടി കുല്ഫി വില്ക്കുന്ന 'പാകിസ്താന് ട്രംപിന്റെ' വീഡിയോ വൈറലാവുന്നത് പാക്കിസ്ഥാൻ ഗായകനും ഗാനരചയിതാവുമായ ഷെഹ്സാദ് റോയ് തന്റെ ഇന്സ്റ്റഗ്രാം അക്കൗണ്ടില് പങ്കുവെച്ചതോടെയാണ്. "ഈ ഖുൽഫി വാല ഭായ്യെ ആർക്കെങ്കിലും അറിയാമെങ്കിൽ ദയവായി അറിയിക്കുക . ഞാന് അദ്ദേഹത്തെ അന്വേഷിച്ചു കൊണ്ടിരിക്കുകയാണ്' എന്നും ഷെഹ്സാദ് റോയ് വ്യക്തമാക്കിയിട്ടുണ്ട്.
ഓർമ്മകൾ ബാക്കിയാക്കി സുശാന്ത് സിംഗ് രാജ്പുത് വിടവാങ്ങി ഒരു വർഷം- ചിത്രങ്ങൾ കാണാം
Click it and Unblock the Notifications
Sign in with Google