Click it and Unblock the Notifications
Just In
Don't Miss
-
IPL 2024: 3 വിക്കറ്റിനു ഒരു വിലയുമില്ലേ? അവാര്ഡ് അര്ഹിച്ചത് മുകേഷ്! റിഷഭിന് എന്തിന് കൊടുത്തു -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ -
25 തികഞ്ഞ 'ധൂം' ബൈക്കിന്റെ സ്പെഷ്യല് എഡിഷനുമായി സുസുക്കി! വാങ്ങാന് എസ്യുവിയുടെ വിലയാകും -
കെമ്പമ്മ ദേവി നല്കിയ സ്വപ്ന ദര്ശനം; നായയെ ദൈവമായി ആരാധിക്കുന്ന ക്ഷേത്രം -
വെറുപ്പിന്റെ അങ്ങേയറ്റം ജാസ്മിനും ഗബ്രിക്കും സപ്പോര്ട്ട്; വൈല്ഡ് കാര്ഡ് എന്ട്രികളുടെ ശ്രമം പാളുന്നു? -
സൂചിക ഇടിവ് തുടർന്നേക്കും, നേട്ടമുണ്ടാക്കണമെങ്കിൽ ഈ രണ്ട് ഓഹരി വാങ്ങാം, ബ്രോക്കറേജ് ശുപാർശ ഇതാണ് -
തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്!
യമനില്‍ ഡ്രോണ്‍ ആക്രമണം; ആറ് അല്‍ഖാഇദ തീവ്രവാദികള്‍ കൊല്ലപ്പെട്ടു
റിയാദ്: യമനില്‍ അമേരിക്കന്‍ സേന നടത്തിയ ഡ്രോണ്‍ ആക്രമണത്തില്‍ ആറ് അല്‍ഖാഇദ തീവ്രവാദികള്‍ കൊല്ലപ്പെട്ടു. ആളില്ലാവിമാനം ഉപയോഗിച്ച് മധ്യ യമനില്‍ നടത്തിയ ആക്രമണത്തിലാണ് ഇവര്‍ കൊല്ലപ്പെട്ടത്. ഖൈഫ മേഖലയില്‍ അല്‍ ഖാഇദ തീവ്രവാദികള്‍ സഞ്ചരിച്ചിരുന്ന വാഹന വ്യൂഹത്തിനു നേരെയാണ് യു എസ് ഡ്രോണ്‍ ആക്രമണം നടത്തിയതെന്ന് സൈനിക വക്താവ് അറിയിച്ചു. അറേബ്യന്‍ പെനിന്‍സുലയിലെ ഏറ്റവും വലിയ ഭീകരരായാണ് യമനിലെ അല്‍ഖാഇദ തീവ്രവാദികളെ യുഎസ് സൈന്യം വിലയിരുത്തുന്നത്. ട്രംപ് അധികാരത്തില്‍ വന്നതിനു ശേഷം യമനിലെ അല്‍ഖാഇദക്കെതിരെ ഡ്രോണ്‍ ആക്രമണം ശക്തമാക്കിയിരുന്നു.
ഇസ്ലാമിക് സ്റ്റേറ്റ് ഭീകരരെക്കാള്‍ ശക്തമാണ് അറബ് മേഖലയില്‍ അല്‍ഖാഇദയുടെ സ്വാധീനമെന്നാണ് യു.എന്‍ സുരക്ഷാവിദഗ്ധരുടെ വിലയിരുത്തല്‍. ലോകത്തിന്റെ വിവിധ ഭാഗങ്ങളിലുള്ള അള്‍ഖാഇദ സെല്ലുകളെ ഏകോപിപ്പിക്കുന്ന കമ്മ്യൂണിക്കേഷന്‍ ഹബ്ബായാണ് യമന്‍ കേന്ദ്രമായി പ്രവര്‍ത്തിക്കുന്ന അറേബ്യന്‍ പെനിന്‍സുലയിലെ അല്‍ഖാഉ പ്രവര്‍ത്തിക്കുന്നതെന്നും യുഎന്‍ വിലയിരുത്തുന്നു. യമനിലെ ആഭ്യന്തര സംഘര്‍ഷങ്ങളാവട്ടെ ഇവിടെയുള്ള അല്‍ ഖാഇദ പ്രവര്‍ത്തനങ്ങള്‍ക്ക് അനുകൂലമായ അന്തരീക്ഷം സൃഷ്ടിക്കുന്നതായും വിലയിരുത്തപ്പെടുന്നു.
നിലവില്‍ വടക്കന്‍ യമനില്‍ തലസ്ഥാനമായ സനാ അടക്കമുള്ള പ്രദേശങ്ങള്‍ ഇറാന്റെ പിന്തുണയോടെ പ്രവര്‍ത്തിക്കുന്ന ഹൂത്തികളുടെ നിയന്ത്രണത്തിലാണ്. അന്താരാഷ്ട്ര തലത്തില്‍ അംഗീകരിക്കപ്പെട്ട യമന്‍ പ്രസിഡന്റ് അബ്ദുര്‍റബ്ബ് മന്‍സൂര്‍ ഹാദിയാവട്ടെ, സൗദിയില്‍ പ്രവാസ ജീവിതം നയിക്കുകയാണ്. തെക്കന്‍ യമനില്‍ വിഘടനവാദികള്‍ക്കാണ് ആഭിമുഖ്യം. ഹൂത്തികളില്‍ നിന്ന് യമന്‍ മോചിപ്പിക്കാനെന്ന പേരില്‍ സൗദിയുടെ നേതൃത്വത്തില്‍ നടക്കുന്ന യുദ്ധവും ഉപരോധവും പതിനായിരങ്ങളുടെ മരണത്തിനും ലക്ഷങ്ങളെ പട്ടിണിയിലാക്കുന്നതിനുമാണ് ഇടവരുത്തിയത്.
