ദുബായ്: മൂന്ന് മാസത്തിനുള്ളില് മരുഭൂമി വിനോദസഞ്ചാരത്തിന് ചട്ടം വരുന്നു
ദുബായ്: ദുബായില് മരുഭൂമി വിനോദസഞ്ചാരത്തിന് പുതിയ ചട്ടം നിലവില് വരുന്നു. മരുഭൂമി വിനോദസഞ്ചാരത്തിനും വിനോദ സഞ്ചാര ക്യാമ്പുകള്ക്കും നിയന്ത്രണങ്ങള് ഏര്പ്പെടുത്തിക്കൊണ്ട് ടൂര് ഓപ്പറേറ്റര്മാര്ക്ക് നിര്ദ്ദേശം നല്കുമെന്നാണ് ദുബായ് വിനോദസഞ്ചാരവകുപ്പിന്റെ പുതിയ അറിയിപ്പ്.
പുതിയ നിയന്ത്രണങ്ങള് നിലവില് വരുന്നതോടെ സന്ദര്ശകരുടെ യാത്രാനുഭവം, ആരോഗ്യം, സുരക്ഷ, ഇന്ഷ്വറന്സ് കവറേജ്, വിപണനം, പരസ്യം, ഗതാഗത സൗകര്യങ്ങള് എന്നീ കാര്യങ്ങള് ടൂര് ഓപ്പറേറ്റര് വിലയിരുത്തേണ്ടതുണ്ട്. വിനോദസഞ്ചാര രംഗത്ത് പ്രകൃതിയോടിണങ്ങിയ സുസ്ഥിര പരിപാടികള് ആരംഭിക്കുന്നതിന്റെ ഭാഗമായി ഏര്പ്പെടുത്തുന്ന നിയന്ത്രണങ്ങള് മൂന്ന് മാസത്തിനുള്ളില് നിലവില്വരും. സന്ദര്ശകരുടെ സുരക്ഷ ഉറപ്പുവരുത്തുന്നതിന്റെ ഭാഗമായുള്ള പദ്ധതിയില് കുട്ടികള്ക്ക് വേണ്ടി പ്രത്യേകം കാര് സീറ്റുകള്, വാഹനപരിശോധനക്കുള്ള മാനദണ്ഡങ്ങള് ശക്തിപ്പെടുത്തുക എന്നീ കാര്യങ്ങള് അവിഭാജ്യഘടകങ്ങളായി പരിഗണിക്കും. എല്ലാ ഡ്രൈവര്മാരും ദുബായ് വിനോദസഞ്ചാരവകുപ്പിന്റെ ടൂര് ഗൈഡ് സര്ട്ടിഫിക്കേഷന് പൂര്ത്തിയാക്കിയിരിക്കണമെന്നും അതിഥികളായെത്തുന്നവര്ക്ക് സുരക്ഷ ഉറപ്പുവരുത്തുന്നതിനുള്ള ആര്ടിഎ ലൈസന്സ് പ്രകാരമുള്ള എല്ലാ നടപടികളും പൂര്ത്തിയാക്കിയിരിക്കണമെന്നും വിനോദസഞ്ചാരവകുപ്പ് മുന്നറിയിപ്പ് നല്കുന്നു.
ദുബായി സഞ്ചരിക്കാനെത്തുന്ന 20 ശതമാനം വരുന്ന ആളുകളും മരുഭൂമി സവാരി ഉള്പ്പെടെയുള്ള പ്രവൃത്തികള് ഇഷ്ടപ്പെടുന്നവരാണ്. അതുകൊണ്ടുതന്നെ അത്തരം പദ്ധതികളുമായെത്തുന്ന വിനോദസഞ്ചാരികള്ക്ക് സുരക്ഷ ഉറപ്പുവരുത്തിക്കൊണ്ട് പുത്തന് അനുഭവം നല്കാനുള്ള ശ്രമത്തിലാണ് വിനോദസഞ്ചാരവകുപ്പ്. വിനോദസഞ്ചാരത്തിനായെത്തുന്നവരില് മരുഭൂമി സവാരിയുള്പ്പെടെയുള്ളവ അവിഭാജ്യഘടകമായി നിലനിര്ത്തുന്നതിന് വേണ്ടി ടൂര് ഓപ്പറേറ്റര്മാര്ക്ക് ലക്ഷ്യങ്ങള് നിര്ണ്ണയിച്ച് നല്കുകയും നിയമങ്ങളടങ്ങിയ പുസ്തകം വിതരണം ചെയ്യുന്നതിനും പദ്ധതിയായിട്ടുണ്ട്. ടൂറിസം ആക്ടിവിറ്റീസ് ആന്ഡ് ക്ലാസിഫിക്കേഷന് സെക്ടര് എക്സിക്യൂട്ടിവ് ഡയറക്ടര് ഖാലിദ് ബിന് തൗക്കാണ് ഇക്കാര്യങ്ങള് അറിയിച്ചിട്ടുള്ളത്.
പുതിയ നിയന്ത്രണങ്ങളോടെ എമിറേറ്റ്സിലെ മരുഭൂമി വ്യവസായത്തിന്റെ സ്ഥിതി സുരഷിതമാക്കാമെന്നും ദുബായിലെ യാത്രാനുഭവങ്ങള്ക്ക് ശക്തിപകരാമെന്നുമാണ് ദുബായ് വിനോദസഞ്ചാരവകുപ്പ് ഇതോടെ കരുതുന്നത്. വിനോദസഞ്ചാര രംഗത്ത് അടിസ്ഥാനസൗകര്യങ്ങള് മെച്ചപ്പെടുത്തുന്നതിനായി വന്തോതിലുള്ള നിക്ഷേപം നടത്തുന്നതിനൊപ്പം ഈ പ്രക്രിയ മെച്ചപ്പെടുത്തുന്നതിനായി ഇ- പെര്മിറ്റ് സംവിധാനവും കുറ്റക്കാരായ ഡ്രൈവര്മാരെയും ടൂര് ഓപ്പറേറ്റര്മാരെയും കണ്ടെത്തുന്നതിനായി പ്രത്യേക പരിശോധനയും വിനോദസഞ്ചാരവകുപ്പ് ആരംഭിച്ചിട്ടുണ്ട്.
-
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം -
ഇറാന്റെ പുതിയ പരമോന്നത നേതാവായി മൊജ്തബ ഖാംനഇ അധികാരമേറ്റു; ഉറ്റുനോക്കി ലോകം
Click it and Unblock the Notifications
Sign in with Google