Click it and Unblock the Notifications
Just In
Don't Miss
-
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ദാമ്പത്യത്തില് എന്നും കളിയും ചിരിയും ഉണ്ടാകാന് പങ്കാളികള് ശ്രദ്ധിക്കേണ്ട കാര്യങ്ങള് -
പിരീഡ്സ് ആയി എന്നതും ഒരു തന്ത്രമാക്കുന്നു! ബിഗ് ബോസിനകത്ത് നടക്കുന്ന ഡ്രാമകളെ പറ്റി ബിബി ആരാധകര് -
ലോകത്തിലെ ഏറ്റവും 'ആകര്ഷണീയമായ' കാറിന്റെ വില വെറും 7 ലക്ഷം! AI നല്കിയ ഞെട്ടിക്കുന്ന ഉത്തരം -
പണത്തിന് ആവശ്യമുണ്ടോ, 5 ലക്ഷം പേഴ്സണൽ ലോണെടുക്കാം, കുറഞ്ഞ പലിശ ഈ ബാങ്കിലാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും! -
ഈ സെറ്റപ്പൊന്നും ഐഫോണിൽ പോലും ഇല്ലകേട്ടോ! PolarAce ഇമേജിംഗ് സിസ്റ്റവുമായി ടെക്നോ 5G ഫോൺ എത്തി
ദുബായ് വളര്‍ച്ച നിലയ്ക്കുന്നു? ജോലികള്‍ കുറഞ്ഞു, പ്രവാസികളെ ആശങ്കപ്പെടുത്തി പുതിയ വിവരങ്ങള്‍
ദുബായ്: പ്രവാസികളെ ആശങ്കപ്പെടുത്തി യുഎഇയില്‍ നിന്നുള്ള പുതിയ വിവരം. ഗള്‍ഫ് പകിട്ടിന്റെ പ്രതീകമായ ദുബായുടെ ബിസിനസ് വളര്‍ച്ച നിലച്ചിരിക്കുകയാണെന്ന് ഐഎച്ച്എസ് മാര്‍ക്കിറ്റ് പുറത്തുവിട്ട കണക്കില്‍ സൂചിപ്പിക്കുന്നു. ദുബായില്‍ ജോലി അവസരങ്ങള്‍ അതിവേഗം ഇല്ലാതായിക്കൊണ്ടിരിക്കുകയാണ്.
കഴിഞ്ഞ പത്ത് വര്‍ഷത്തിനിടെ ഇത്രയും വേഗം ദുബായില്‍ ജോലികള്‍ ഇല്ലാതാകുന്നത് ആദ്യമാണെന്നാണ് വിലയിരുത്തല്‍. ഗള്‍ഫ് പ്രവാസികളുടെ ഇഷ്ടഗേഹമാണ് ദുബായ്. ഇവിടെ ജോലി അവസരങ്ങളില്‍ പിന്നാക്കം പോകുന്നുവെന്ന വാര്‍ത്ത ആരെയും ആശങ്കപ്പെടുത്തുന്നതാണ്. വിശദാംശങ്ങള്‍...
ജനുവരിയിലെ കണക്കുകള്‍
ജനുവരിയിലെ കണക്കുകള്‍ പ്രകാരം ദുബായിലെ എണ്ണ ഇതര സ്വകാര്യ മേഖലയിലെ പ്രവര്‍ത്തനങ്ങള്‍ മോശമായിട്ടുണ്ട്. കഴിഞ്ഞ മൂന്ന് മാസങ്ങളില്‍ തുടച്ചയായ ഇടിവാണ് സംഭവിക്കുന്നത്. നാല് വര്‍ഷത്തിനിടെ ആദ്യമായിട്ടാണ് ഇങ്ങനെ ഇടിയുന്നത്. എന്നാല്‍ നേരിയ മാറ്റം സമീപ ഭാവിയില്‍ പ്രകടമായേക്കാം.
വിപണിയിലും തളര്‍ച്ച
പര്‍ച്ചൈസിങ് മാനേജേഴ്‌സ് സൂചിക 50.6 ശതമാനമായി താഴ്ന്നിട്ടുണ്ടെന്ന് ഐഎച്ച്എസ് മാര്‍ക്കിറ്റ് പറയുന്നു. മൊത്തവിപണി, ചില്ലറ വിപണി, നിര്‍മാണ മേഖല എന്നിവയെല്ലാം മാറ്റമില്ലാതെ തുടരുന്നു എന്ന മാര്‍ക്കിനേക്കാള്‍ താഴെ എത്തിയെന്നും ലണ്ടന്‍ കേന്ദ്രമായി പ്രവര്‍ത്തിക്കുന്ന ഇന്‍ഫര്‍മേഷന്‍ പ്രൊവൈഡിങ് കമ്പനിയായ ഐഎച്ച്എസ് മാര്‍ക്കിറ്റ് വിശദീകരിക്കുന്നു.
ജോലികള്‍ വെട്ടിക്കുറച്ചു
ദുബായിലെ വലിയ ബാങ്കായ എമിറേറ്റ്‌സ് എന്‍ബിഡി ആയിരത്തിലധികം ജോലികള്‍ വെട്ടിക്കുറച്ചിരിക്കുകയാണ്. ദുബായില്‍ മാത്രമല്ല, യുഎഇയില്‍ മൊത്തം ബിസിനസ് ഇടിഞ്ഞിട്ടുണ്ട്. കഴിഞ്ഞമാസമാണ് ഇത്തരം ഇടിവ് സംഭവിച്ചിരിക്കുന്നത്. ആദ്യമായിട്ടാണ് ഇങ്ങനെ സംഭവിക്കുന്നത്.
സംഘര്‍ഷവും വൈറസും
പശ്ചിമേഷ്യയിലെ രാഷ്ട്രീയ സംഘര്‍ഷ സാഹചര്യമാകാം ദുബായിലെ ടൂറിസം മേഖലയ്ക്ക് മങ്ങലേല്‍പ്പിച്ചതെന്ന് വിലയിരുത്തപ്പെടുന്നു. ഇപ്പോള്‍ ചൈനയില്‍ കൊറോണ വൈറസ് ബാധയുണ്ടായതും ടൂറിസ്റ്റുകളില്‍ ഇടിവുണ്ടാക്കി. എന്നാല്‍ വേള്‍ഡ് എക്‌സ്‌പോ കൂടുതല്‍ വിദേശികളെ ദുബായിലെത്തിക്കുമെന്നാണ് പ്രതീക്ഷ.
