ന്യൂസിലാന്റ് പ്രധാനമന്ത്രിയുടെ അഭിമുഖത്തിനിടെ ഭൂചലനം; പാര്ലമെന്റ് കുലുങ്ങി, പുഞ്ചിരിച്ച് പ്രതികരണം
വെല്ലിങ്ടണ്: ന്യൂസിലാന്റ് പ്രധാനമന്ത്രി ജസീന്ഡ ആന്റേണ് നേരത്തെയും മാധ്യമങ്ങളുടെ സുപ്രധാന തലക്കെട്ടുകളില് ഇടംപിടിച്ച വ്യക്തിയാണ്. ക്രൈസ്റ്റ്ചര്ച്ചിലെ മുസ്ലിം പള്ളിയില് നടന്ന കൂട്ടക്കൊല അവര് കൈകാര്യം ചെയ്ത നടപടിയിലൂടെയാണ് ലോകം അവരെ ആദ്യമായി വാഴ്ത്തുന്നത്. പിന്നീട് പല ഘട്ടങ്ങളിലും അവര് വാര്ത്തകളില് ഇടം നേടി. ഇപ്പോള് വീണ്ടും ജസീന്ഡ തരംഗമായിരിക്കുന്നു.
രാജ്യതലസ്ഥാനത്ത് ഒരു മാധ്യമത്തിന് ഇന്റര്വ്യൂ നല്കുന്നതിനിടെ ശക്തമായ ഭൂചലനം അനുഭവപ്പെട്ടു. പ്രധാനമന്ത്രിയുണ്ടായിരുന്ന പാര്ലമെന്റ് കെട്ടിടം കുലുങ്ങുകയും ചെയ്തു. ഇതിനോടുള്ള പ്രധാനമന്ത്രിയുടെ പ്രതികരണമാണ് വൈറലായിരിക്കുന്നത്....
ജനപ്രിയ പ്രധാനമന്ത്രി
2017ലാണ് ജസീന്ഡ ന്യൂസിലാന്റിന്റെ പ്രധാനമന്ത്രിയായത്. കഴിഞ്ഞ വര്ഷം ക്രൈസ്റ്റ് ചര്ച്ചിലെ മുസ്ലിം പള്ളികളില് നടന്ന വെടിവയ്പ്പും കൂട്ടക്കൊലയും കൈകാര്യം ചെയ്ത അവരുടെ നടപടിയിലൂടെയാണ് ഏറെ ശ്രദ്ധിക്കപ്പെട്ടത്. ഡിസംബറിലെ അഗ്നിപര്വത സ്ഫോടനവും നിലവിലെ കൊറോണ വൈറസ് വ്യാപനവും കൈകാര്യം ചെയ്യുന്നതിലും മികച്ച അംഗീകാരമാണ് അവര്ക്ക് ലഭിച്ചുകൊണ്ടിരിക്കുന്നത്.
ഭൂകമ്പമുണ്ടാകുന്ന വേളയില്
ന്യൂസിലാന്റ് തലസ്ഥാനമാണ് വെല്ലിങ്ടണ്. ഇവിടെ 5.8 തീവ്രതയോടു കൂടിയ ഭൂചലനമാണുണ്ടായത്. തലസ്ഥാനത്തോട് ചേര്ന്നുള്ള ലെവിന് പട്ടണത്തിലെ ഭൂമിക്കടിയില് 30 കിലോമീറ്റര് ആഴത്തിലാണ് ഭൂകമ്പത്തിന്റെ പ്രഭവ കേന്ദ്രം. ഭൂകമ്പമുണ്ടാകുന്ന വേളയില് ഒരു ടെലിവിഷനില് ലൈവ് അഭിമുഖം നല്കുകയായിരുന്നു പ്രധാനമന്ത്രി.
പാര്ലമെന്റ് മന്ദിരത്തില്
പാര്ലമെന്റ് മന്ദിരത്തില് നിന്നാണ് ലൈവ് അഭിമുഖം പ്രധാനമന്ത്രി നല്കിയിരുന്നത്. ഇവിടെ ഒരു ഭൂചലനമുണ്ടായിരിക്കുന്നു എന്ന് അവതാരകനോട് പ്രധാനമന്ത്രി ചിരിച്ചുകൊണ്ട് പറഞ്ഞു. ക്യാമറയും മറ്റു വസ്തുക്കളുമെല്ലാം ഇളകുകയും ചെയ്തു. എന്റെ പിന്നിലുള്ള വസ്തുക്കള് നീങ്ങിയത് കണ്ടോ എന്നും പ്രധാനമന്ത്രി അവതാരകനോട് ചോദിച്ചു.
ഞാന് സുരക്ഷിതയാണ്
ഞാന് സുരക്ഷിതയാണ് എന്ന് പറഞ്ഞ പ്രധാനമന്ത്രി അഭിമുഖം തുടരുകയും ചെയ്തു. എന്നാല് പ്രധാനമന്ത്രി ഭൂചലനത്തിന് സാക്ഷിയായ വീഡിയോ അതിവേഗം വൈറലായി. ഭൂചലനം കാരണം യാതൊരു പ്രയാസവും പ്രധാനമന്ത്രിക്കോ പാര്ലമെന്റ് മന്ദിരത്തിനോ ഉണ്ടായില്ല. ഇക്കാര്യം അവര് പിന്നീട് വാര്ത്താസമ്മേളനത്തില് പറയുകയും ചെയ്തു.
ഭൂചലനം 30 സെക്കന്റ്
വെല്ലിങ്ടണിലുണ്ടായ ഭൂചലനം 30 സെക്കന്റ് അനുഭവപ്പെട്ടു. ഓഫീസുകളിലെയും വീടുകളിലെയും പലരും അതിവേഗം സുരക്ഷിത മാര്ഗം തേടി. പരിഭ്രാന്തരായ പലരും ടേബിളുകള്ക്ക് താഴെ ഒളിക്കുകയാണ് ചെയ്തത്. ഭൂകമ്പ സാധ്യത കൂടുതലുള്ള രാജ്യമാണ് ന്യൂസിലാന്റ്. അഗ്നിപര്വത സ്ഫോടനവും ഇവിടെ പതിവാണ്.
ന്യൂസിലാന്റിനെ നടുക്കിയ ചലനങ്ങള്
2011ല് ക്രൈസ്റ്റ് ചര്ച്ച് നഗരത്തിലുണ്ടായ ഭൂകമ്പത്തില് 185 പേര് മരിച്ചിരുന്നു. 6.3 തീവ്രതയിലാണ് ഇന്ന് ചലനമുണ്ടായത്. ഇന്ന് 5.8 തീവ്രത രേഖപ്പെടുത്തി. 2016ല് 7.8 തീവ്രത രേഖപ്പെടുത്തിയ ചലനം കൈകൂറ നഗരത്തിലുണ്ടായിരുന്നു. അന്ന് രണ്ടു പേര് മരിക്കുകയും വ്യാപക നാശനഷ്ടമുണ്ടാകുകയും ചെയ്തു.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google