'കയ്യിൽ പച്ച കുത്തിയ ഓം', തുർക്കി ഭൂകമ്പത്തിൽ കാണാതായ ഇന്ത്യക്കാരന്റെ മൃതദേഹം കണ്ടെത്തി
ഇസ്താംബൂള്: തുര്ക്കിയെ തകര്ത്തെറിഞ്ഞ ഭൂകമ്പത്തില് കാണാതായ ഇന്ത്യക്കാരന് മരിച്ചതായി സ്ഥിരീകരിച്ചു. ഉത്തരാഖണ്ഡ് സ്വദേശിയായ വിജയ് കുമാര് ഗൗഡിന്റെ മൃതദേഹം ശനിയാഴ്ച കണ്ടെത്തിയതായി ഇന്ത്യന് എംബസി അറിയിച്ചു. തുര്ക്കിയിലെ മലാട്യ മേഖലയിലുളള ഒരു 4 സ്റ്റാര് ഹോട്ടലിന്റെ അവശിഷ്ടങ്ങള്ക്കിടയില് നിന്നാണ് വിജയ് കുമാറിന്റെ മൃതദേഹം ലഭിച്ചത്.
വിജയ് കുമാറിന്റെ മുഖം പരിക്കുകള് കാരണം തിരിച്ചറിയാന് സാധിക്കാത്ത അവസ്ഥയില് ആയിരുന്നു. ഇദ്ദേഹത്തിന്റെ കയ്യില് ഓം എന്ന് പച്ച കുത്തിയിരുന്നു. ഇതില് നിന്നാണ് മൃതദേഹം വിജയ് കുമാറിന്റേതാണ് എന്ന് തിരിച്ചറിഞ്ഞത് എന്ന് എംബസി അധികൃതര് പറഞ്ഞു. ഉത്തരാഖണ്ഡിലെ കോട്ദ്വാര് സ്വദേശിയാണ് വിജയ് കുമാര് ഗൗഡ്. ബെംഗളൂരു ആസ്ഥാനമായുളള ഓക്സിപ്ലാന്റ്സ് ഇന്ത്യ പ്രൈവറ്റ് ലിമിറ്റഡ് എന്ന സ്ഥാപനത്തിലായിരുന്നു വിജയ് കുമാര് ജോലി ചെയ്തിരുന്നത്.
ബിസിനസ്സ് ട്രിപ്പിന്റെ ഭാഗമായാണ് വിജയ് കുമാര് തുര്ക്കിയില് എത്തിയത്. ഭൂകമ്പത്തില് തകര്ന്ന ഹോട്ടലില് ആയിരുന്നു വിജയ് കുമാര് താമസിച്ചിരുന്നു. ഫെബ്രുവരി 6 മുതല് വിജയ് കുമാറിനെ കാണാനില്ലായിരുന്നു. ഇദ്ദേഹത്തിന്റെ വസ്ത്രങ്ങള് വെള്ളിയാഴ്ച കണ്ടെത്തിയിരുന്നു. വിജയ് കുമാറിന്റെ മൃതദേഹം ഇന്ത്യയിലേക്ക് എത്തിക്കാനുളള എല്ലാ തയ്യാറെടുപ്പുകളും പൂര്ത്തിയായതായി തുര്ക്കിയിലെ ഇന്ത്യന് എംബസ്സി അറിയിച്ചു. ഹോട്ടല് സ്ഥിതി ചെയ്തിരുന്ന മലാട്യ ഭൂകമ്പം വലിയ തോതില് ബാധിച്ച പ്രദേശമാണ്.
തുര്ക്കിയില് ആകെ മൂവായിരത്തോളം ഇന്ത്യക്കാരാണ് താമസിക്കുന്നത്. അതില് 1800ഓളം പേര് ഇസ്താംബൂളിലും 250 പേര് അങ്കാറയിലും മറ്റുളളവര് രാജ്യത്തിന്റെ മറ്റ് പല ഭാഗങ്ങളിലുമായിട്ടാണ് താമസിക്കുന്നത് എന്നാണ് ഔദ്യോഗിക കണക്കുകള്. തിങ്കളാഴ്ചയാണ് തുര്ക്കിയേയും സിറിയയേയും വിറപ്പിച്ച് കൊണ്ടുളള ഭൂകമ്പം ഉണ്ടായത്. റിക്ടര് സ്കെയിലില് 7.8 തീവ്രതയാണ് ആദ്യത്തെ ഭൂചലനം രേഖപ്പെടുത്തിയത്. പിന്നീട് അഞ്ചോളം തുടര് ചലനങ്ങളുമുണ്ടായി. നിലവില് 25000ത്തോളം പേര് മരണപ്പെട്ടതായാണ് കണക്കുകള്. ഇപ്പോഴും തകര്ന്ന് കിടക്കുന്ന കെട്ടിടങ്ങള്ക്കടിയില് ആളുകള് കുടുങ്ങി കിടക്കുന്നതായാണ് കരുതുന്നത്. കനത്ത മഞ്ഞ് രക്ഷാപ്രവര്ത്തനം ദുര്ഘടമാക്കുന്നുണ്ടെങ്കിലും തിരച്ചില് തുടരുകയാണ്. മരണ സംഖ്യ ഉയരാനാണ് സാധ്യത.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google