സാമ്പത്തിക ശാസ്ത്ര നൊബേല് ക്ലോഡിയ ഗോൾഡിന്: പുരസ്കാരം നേടുന്ന മൂന്നാമത്തെ വനിത
2023 ലെ സാമ്പത്തിക ശാസ്ത്രത്തിനുള്ള നോബൽ സമ്മാനം അമേരിക്കൻ സാമ്പത്തിക ചരിത്രകാരി ക്ലോഡിയ ഗോൾഡിന്. സ്ത്രീകളുടെ തൊഴിൽ വിപണി ഫലങ്ങളെക്കുറിച്ചുള്ള നമ്മുടെ ധാരണ മെച്ചപ്പെടുത്തിയതിനാണ് ക്ലോഡിയ ഗോൾഡിന് പുരസ്കാരമെന്ന് റോയൽ സ്വീഡിഷ് അക്കാദമി ഓഫ് സയൻസസ് പുരസ്കാരം പ്രഖ്യാപിച്ചുകൊണ്ട് വ്യക്തമാക്കി. സാമ്പത്തിക നൊബേല് നേടുന്ന മൂന്നാമത്തെ വനിതയാണ് ക്ലോഡിയ ഗോൾഡിന്.
"തൊഴിൽ വിപണിയിൽ സ്ത്രീകളുടെ പങ്ക് മനസ്സിലാക്കുന്നത് സമൂഹത്തിന് പ്രധാനമാണ്. ക്ലോഡിയ ഗോൾഡിൻ്റെ തകർപ്പൻ ഗവേഷണത്തിന് നന്ദി, അടിസ്ഥാന ഘടകങ്ങളെക്കുറിച്ചും ഭാവിയിൽ ഏതൊക്കെ തടസ്സങ്ങൾ പരിഹരിക്കപ്പെടേണ്ടതുണ്ടെന്നും നമുക്ക് ഇപ്പോള് അറിയാം "സാമ്പത്തിക ശാസ്ത്രത്തിനുള്ള പുരസ്കാരത്തിനുള്ള കമ്മിറ്റിയുടെ അധ്യക്ഷൻ ജേക്കബ് സ്വെൻസൺ പറഞ്ഞു.
11 ദശലക്ഷം സ്വീഡിഷ് ക്രൌണ്സ് ആണ് വിജയിക്ക് സമ്മാനമായി ലഭിക്കുക (999137 ഡോളർ).ആൽഫ്രഡ് നൊബേലിന്റെ സ്മരണയ്ക്കായി സാമ്പത്തിക ശാസ്ത്രത്ത വിഭാഗത്തില് ഏർപ്പെടുത്തിയ, സ്വെരിജസ് റിക്സ്ബാങ്ക് പ്രൈസ് എന്നറിയപ്പെടുന്ന അഭിമാനകരമായ അവാർഡ് ഈ വർഷത്തെ നൊബേൽ സമ്മാനങ്ങളിൽ അവസാനത്തേതുമാണ്.
ആല്ഫ്രണ്ട് നൊബേലിന്റെ വില്പത്രത്തില് സാമ്പത്തിക ശാസ്ത്ര വിഭാഗത്തില് പുരസ്കാരം പറഞ്ഞിട്ടില്ലായിരുന്നു. എന്നാല് 1968-ൽ സ്വീഡിഷ് ബാങ്കായ സ്വെറിഗ്സ് റിൿസ്ബാങ്ക്, അവരുടെ 300-ആം വാർഷികത്തിൽ നോബലിനോടുള്ള ആദരസൂചകമായി നോബലിന്റെ പേരിൽ സാമ്പത്തികശാസ്ത്രത്തിനുള്ള നോബൽ സമ്മാനം കൂടി ചേർക്കുകയായിരുന്നു.
2007-2008 സാമ്പത്തിക പ്രതിസന്ധിയിലെ ബാങ്ക് പരാജയങ്ങളെക്കുറിച്ചുള്ള ഗവേഷണത്തിന് മുൻ ഫെഡറൽ റിസർവ് അധ്യക്ഷന് ബെൻ ബെർനാങ്കെ, ഡഗ്ലസ് ഡബ്ല്യു. ഡയമണ്ട്, ഫിലിപ്പ് ഡൈബ്വിഗ് എന്നിവരായിരുന്നു കഴിഞ്ഞ വർഷത്തെ സാമ്പത്തിക നൊബേല് വിജയികള്.
അതേസമയം, 2023 ലെ സമാധാനത്തിനുള്ള നൊബേൽ സമ്മാനം ഇറാനിയൻ മനുഷ്യാവകാശ പ്രവർത്തകയായ നർഗസ് മുഹമ്മദി കഴിഞ്ഞ ദിവസം കരസ്ഥമാക്കിയിരുന്നു. നർഗീസിനെ വിവിധ കേസുകളിലായി ഇറാനിയന് സർക്കാർ 13 തവണ അറസ്റ്റ് ചെയ്യുകയും അഞ്ച് തവണ ശിക്ഷിക്കുകയും ചെയ്തിട്ടുണ്ട്. 31 വർഷം തടവും 154 ചാട്ടവാറടിയുമാണ് നർഗീസിനെ വിധിച്ചിട്ടുള്ളതെന്നും നൊബേല് സമ്മാന കമ്മിറ്റി വെബ്സൈറ്റിലുടെ അറിയിക്കുന്നു.
സാഹിത്യത്തിനുള്ള ഈ വര്ഷത്തെ നൊബേല് പുരസ്കാരം നോര്വീജിയന് എഴുത്തുകാരനും നാടകപ്രവര്ത്തനുമായ ജോണ് ഫോസെയും കരസ്ഥമാക്കി. നൂതനമായ നാടകങ്ങളിലൂടെയും വരികളിലൂടെയും ശബ്ദിക്കാനാവാത്തവര്ക്ക് ശബ്ദം പകരാന് ഫോസെയ്ക്ക് സാധിച്ചുവെന്നായിരുന്നു പുരസ്താര സമിതിയുടെ വിലയിരുത്തല്.
-
2026ൽ സംഭവിക്കുമെന്ന് ബാബ വംഗ പ്രവചിച്ചതൊക്കെ നടക്കുകയാണോ? യുദ്ധവും സാമ്പത്തിക പ്രതിസന്ധിയും -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇറാന്റെ പരമോന്നത നേതാവാകാന് എന്നെ നിര്ബന്ധിക്കുന്നു; യുദ്ധഭീതിക്കിടെ 'വെടിപൊട്ടിച്ച്' ട്രംപ്: എന്റെ മറുപടി.. -
ഇറാന്റെ അടുത്ത പണി; ബാബ് അല്-മന്ദേബ് കടലിടുക്ക് തടയുമെന്ന് മുന്നറിയിപ്പ് -
കാര്യങ്ങൾ ഗൗരവമായി എടുത്തില്ലെങ്കിൽ വൈകിപ്പോകും';ഇറാനെതിരെ വീണ്ടും ട്രംപ്;യുഎസ് പദ്ധതി തള്ളി ഇറാൻ -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
പശ്ചിമേഷ്യ പ്രതിസന്ധി; മുഖ്യമന്ത്രിമാരുടെ യോഗം വിളിച്ച് കേന്ദ്രം, എണ്ണ ക്ഷാമം ഇല്ലെന്ന് സര്ക്കാര് -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ്
Click it and Unblock the Notifications
Sign in with Google