അവിഹിതബന്ധം, ഭാര്യയെ വെട്ടിനുറുക്കി

കെയ്‌റോ: ഭാര്യയ്ക്ക് അവിഹിത ബന്ധമുണ്ടെന്നാരോപിച്ച് ഭര്‍ത്താവ് ഭാര്യയെ വെട്ടിക്കൊലപ്പെടുത്തി. മൃതദേഹം ചെറിയ കഷ്ണങ്ങളാക്കി ബാഗിനുള്ളില്‍ നിറച്ചു. അമ്മയ്ക്ക് മറ്റു പുരുഷന്‍മാരുമായി ബന്ധമുണ്ടെന്ന് 2വയസുകാരനായ മകനോട് പറയുകയും ചെയ്തു. ഈജിപ്തിലെ കെയ്‌റോയിലാണ് സംഭവം. നബീല്‍ (20) എന്ന യുവാവാണ് ഭാര്യയെ വെട്ടിക്കൊലപ്പെടുത്തിയത്.

രാത്രിയാണ് മുറിയിലെത്തിയ ഭാര്യയെ ഇയാള്‍ വെട്ടാന്‍ ശ്രമിച്ചത്. സ്ത്രീ നിലവിളിച്ച് പുറത്തേയ്ക്ക് ഓടി. യുവാവ് പിന്തുടര്‍ന്ന് ഭാര്യയെ വെട്ടിക്കൊലപ്പെടുത്തി. വെട്ടിക്കൊലപ്പെടുത്തിയ ശേഷം കഷ്ണങ്ങളാക്കി പഌസ്റ്റിക്ക് ബാഗില്‍ നിറയ്ക്കാന്‍ ഇയാള്‍ ശ്രമിച്ചു.

എന്നാല്‍ കത്തിയ്ക്ക് മൂര്‍ച്ച പോരാത്തതിനാല്‍ പുതിയ കത്തി വാങ്ങാന്‍ ഇയാള്‍ പുറത്തേയ്ക്കിറങ്ങി. ഇയാളുടെ കൈയ്യില്‍ രക്തം പുരണ്ടിരിയ്ക്കുന്നതും ഭാര്യയുടേയും മകന്റെയും നിലവിളിയും അയല്‍ക്കാര്‍ കേട്ടിരുന്നു. ഇവര്‍ വിവരമറിയിച്ചതിനെത്തുടര്‍ന്ന് പൊലീസെത്തി യുവാവിനെ പിടികൂടി.

തുടര്‍ന്ന് ചോദ്യം ചെയ്യലിലാണ് പ്രതി കുറ്റം സമ്മതിച്ചത്. താന്‍ വീട്ടിലില്ലാത്ത അവസരത്തിലെല്ലാം ഭാര്യ അന്യ പുരുഷന്‍മാരെ വീട്ടിലേയ്ക്ക് ക്ഷണിച്ചിരുന്നെന്നും അവിഹിതബന്ധം പുലര്‍ത്തിയിരുന്നെന്നും യുവാവ് പൊലീസിനോട് പറഞ്ഞു.

English summary

A 20-year-old Egyptian murdered his wife and slashed her body to pieces after he was told by his two-year-old son that she brought men to the flat while he was out