• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

എട്ടുകാലിയെ പോലെ ഒരു മനുഷ്യക്കുട്ടി

  • By Soorya Chandran

നബിജിങ്കോ(ഉഗാണ്ട): എട്ടുകാലിയെ പോലെ ഒരു മനുഷ്യക്കുട്ടിയോ... അങ്ങനെയൊക്കെ ഉണ്ടാകുമോ...?

നാല് കാലുകളും നാല് കയ്യുകളും ആയി പിറന്ന ഒരു കുട്ടിയെ എട്ടുകാലിയെപ്പോലെ എന്ന് വിശേഷിപ്പിച്ചാല്‍ അതിത്തിരി ക്രൂരമായിരിക്കും അല്ലേ...

ഉഗാണ്ടയിലെ നബിജിങ്കോ എന്ന സ്ഥലത്താണ് ഇത്തരത്തില്‍ ഒരു ആണ്‍കുഞ്ഞ് ജനിച്ചത്. വികൃതരൂപവുമായി പിറന്ന കുട്ടിയുമായി മാതാപിതാക്കള്‍ ആശുപത്രിയിലേക്ക് കുതിച്ചെങ്കിലും ഡോക്ടര്‍മാരുടെ ആദ്യ പ്രതികരണം പ്രതീക്ഷക്ക് വക നല്‍കുന്നതായിരുന്നില്ല.

Spider Child

എന്നാല്‍ അതുകൊണ്ട് പിന്‍മാറാന്‍ രക്ഷിതാക്കള്‍ തയ്യാറായിരുന്നില്ല. ഉഗാണ്ടയുടെ തലസ്ഥാനമായ കമ്പാലയിലെ മുലാഗോ ആശുപത്രിയില്‍ കുട്ടിയുമായി ഇവരെത്തി. ഇവിടത്തെ വിദഗ്ധ സംഘം കുട്ടിയെ സാധാരണ കുട്ടിയായി മാറ്റാം എന്ന ഉറപ്പും നല്‍കി.

എന്നാല്‍ ഒരു ശസ്ത്രക്രിയക്കുള്ള ശാരീരിക വളര്‍ച്ച അപ്പോള്‍ കുട്ടിക്കുണ്ടായിരുന്നില്ല. മൂന്ന് മാസം കാത്തിരിക്കാനാണ് ഡോക്ടര്‍മാര്‍ ആവശ്യപ്പെട്ടത്. മൂന്ന് മാസത്തിന് ശേഷം, മണിക്കൂറുകള്‍ നീണ്ട ശസ്ത്രക്രിയക്കൊടുവില്‍ ആ 'എട്ടുകാലിക്കുട്ടിയെ' സാധാരണ മനുഷ്യക്കുട്ടിയാക്കി ഡോക്ടര്‍മാര്‍ മാറ്റി .

ആദ്യ പരിശോധനയില്‍ തന്നെ ഡോക്ടര്‍മാര്‍ക്ക് ഒരു കാര്യ. മനസ്സിലായിരുന്നു. രണ്ട് കൈകളും കാലുകളും മാത്രമല്ല ഈ കുട്ടിക്ക് അധികമായി ഉണ്ടായിരുന്നത്. ഒരു നെഞ്ചും ഇങ്ങനെ അധികമുണ്ട്. ഹൃദയവും കരളും എല്ലാം സ്ഥാനം മാറിയാണ് ഇരിക്കുന്നത്.

പാരസൈറ്റിക് ട്വിന്‍ എന്നാണ് ഡോക്ടര്‍മാര്‍ കുട്ടിക്ക് അധികമായുണ്ടായിരുന്ന ശരീര ഭാഗങ്ങളെ വിശേഷിപ്പിച്ചത്. എന്തായാലും ഇപ്പോള്‍ കുഞ്ഞ് സുഖം പ്രാപിച്ചുവരികയാണ്.

English summary
Baby boy born with four arms and four legs recovering well after surgery to remove his 'parasitic twin'.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X