• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വിരുന്നുകാരിയെ ബലാത്സംഗം ചെയ്ത ആര്‍മി ക്യാപ്റ്റന് 7 വര്‍ഷം തടവ്

  • By Anwar Sadath

കൗണ്ടി ദുറം: വീട്ടില്‍ വിരുന്നുകാരിയായെത്തിയ യുവതിയെ ബലാത്സംഗം ചെയ്‌തെന്ന കുറ്റത്തിന് ഇംഗ്ലണ്ടിലെ കൗണ്ടി ദുറം സ്വദേശിയെ ഏഴുവര്‍ഷം തടവിന് ശിക്ഷിച്ചു. ആര്‍മി ക്യാപ്റ്റനായ ഡാനിയേല്‍ ഹോവാര്‍ഡ്(29) ആണ് ശിക്ഷിക്കപ്പെട്ടത്. കഴിഞ്ഞവര്‍ഷം ഫിബ്രുവരിയിലായിരുന്നു കേസിനാസ്പദമായ സംഭവം.

അടുത്തമുറിയില്‍ ഭാര്യ ഉറങ്ങിക്കിടക്കുമ്പോള്‍ ഡാനിയേല്‍ തന്നെ ബലാത്സംഗം ചെയ്‌തെന്ന് കാട്ടിയാണ് യുവതി പരാതി നല്‍കിയത്. അതേസമയം, പരാതി കെട്ടിച്ചമച്ചതാണെന്നും തന്റെ വീട്ടിലെ സെക്‌സ് ടോയ് യുവതി ഉപയോഗിച്ചതാണെന്നും ഡാനിയേല്‍ കോടതിയില്‍ വാദിച്ചു. എന്നാല്‍, ഡാനിയേലിന് ഇക്കാര്യം കോടതിയില്‍ തെളിയിക്കാന്‍ കഴിഞ്ഞില്ല.

ഡാനിയേല്‍ ബലാത്സംഗം ചെയ്‌തെന്ന പരാതിയില്‍ യുവതിയുടെ മൊഴി പൂര്‍ണമായും വിശ്വസനീയമാണെന്ന് തെളിവുകള്‍ വ്യക്തമാക്കുന്നതായി കോടതി പറഞ്ഞു. ഡിഎന്‍എ ടെസ്റ്റും സാഹചര്യ തെളിവുകളും ഡാനിയേലിന് പ്രതികൂലമായിരുന്നു. ഭാര്യ ഒരിക്കലും അറിയരുതെന്നു പറഞ്ഞാണ് ഡാനിയേല്‍ തന്നെ കീഴ്‌പ്പെടുത്തിയതെന്ന് യുവതി കോടതിയില്‍ വെളിപ്പെടുത്തി.

ബലാത്സംഗത്തിനുശേഷം യുവതി മാനസികമായി തകര്‍ന്നതായി അവരെ പരിശോധിച്ച ഡോക്ടറുടെ റിപ്പോര്‍ട്ടും തെളിവായി. ഭയംമൂലം ഒരു മുറിയില്‍ നിന്നും അടുത്ത മുറിയില്‍ പോകുവാന്‍ പോലും അമ്മയുടെ സഹായം തേടിയിരുന്നതായി യുവതി പറഞ്ഞു. ജീവിതത്തില്‍ എന്നെങ്കിലും പഴയ അവസ്ഥയിലേക്ക് തിരിച്ചുവരാന്‍ സാധിക്കുമെന്ന് കരുതുന്നില്ലെന്നും അവര്‍ വ്യസനത്തോടെ കോടതിയെ അറിയിച്ചു.

English summary
England Army captain jailed, England Army captain raping house guest
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X