രണ്ട് വര്ഷത്തിനുള്ളില് യൂറോപ്പില് 9/11 ആവര്ത്തിക്കുെമന്ന് ഗദ്ദാഫിയുടെ ബന്ധു
കൈറോ: യൂറോപ്പില് രണ്ട് വര്ഷത്തിനുള്ളില് 9/11 ആവര്ത്തിക്കുെമന്ന് ഗദ്ദാഫിയുടെ ബന്ധു മുന് ലിബിയന് ഏകാധിപതി കേണല് മുഅമ്മര് ഗദ്ദാഫിയുടെ മകളുടെ ഭര്ത്താവായ അഹ്മദ് ഗദ്ദാഫി അല് ദാം. യൂറോപ്യന് തീരങ്ങളിലേക്ക് തിരിക്കുന്ന ആയിരക്കണക്കിന് കുടിയേറ്റക്കാരില് ഇസ്ലാമിക് സ്റ്റേറ്റ് തീവ്രവാദികള് നുഴഞ്ഞുകയറിയതിനാലാണ് 9/11 ആവര്ത്തിക്കുെമന്ന് ഗദ്ദാഫി അല് ദാം പറഞ്ഞത്.
കേണല് ഗദ്ദാഫിയുടെ ഏറ്റവും വിശ്വസ്തനായ സുരക്ഷാ ഉദ്യോഗസ്ഥന് കൂടിയായിരുന്നു അഹ്മദ് ഗാദ്ദാഫി. അഞ്ചു ലക്ഷത്തോളം ലിബിയന് കുടിയേറ്റക്കാരാണ് ഈ വര്ഷം യൂറോപ്പിലേക്ക് കടക്കുന്നത്. ഇവരില് നിരവധി ഭീകരവാദികളുണ്ട്.ഓരോ ആയിരം കുടിയേറ്റക്കാരിലും പത്തു മുതല് അമ്പതുവരെ തീവ്രവാദികള് നുഴഞ്ഞുകയറിയിട്ടുണ്ട്. അവര് യൂറോപ്പിലാകമാനം താമസമുറപ്പിക്കും.
2001 സെപ്റ്റംബര് 11ന് അമേരിക്കയിലുണ്ടായ തീവ്രവാദി ആക്രമണം പോലൊന്ന് രണ്ടുവര്ഷത്തിനകം യൂറോപ്പില് നടക്കുമെന്ന് അഹ്മദ് ഗദ്ദാഫി മുന്നറിയിപ്പു നല്കി.ജനുവരിയില് 21 കോപ്റ്റിക് ക്രിസ്ത്യനികളുടെ കൊലയെ തുടര്ന്ന് ഐ.എസ് ഉയര്ത്തുന്ന ഭീഷണി പാശ്ചാത്യ രാജ്യങ്ങള് തിരിച്ചറിഞ്ഞിട്ടുണ്ട്. അതുകൊണ്ടുതന്നെ, അഹ്മദ് ഗദ്ദാഫിയുടെ മുന്നറിയിപ്പ് പാശ്ചാത്യ ഭരണകൂടങ്ങള് മുഖവിലക്കെടുക്കും എന്നുറപ്പാണ്.
ലിബിയയിലെ ഐ.എസ് തീവ്രവാദികളുടെ കൈവശം 6,000 ബാരല് യുറേനിയം ഉണ്ടായിരിക്കാനിടയുണ്ടെന്നും നേരത്തേ അത് സര്ക്കാര് സൈന്യത്തിന്റെ കൈവശമായിരുന്നുവെന്നും അഹ്മദ് ഗദ്ദാഫി പറയുന്നു. ഗദ്ദാഫി കൊല്ലപ്പെട്ട 2011ലെ പ്രക്ഷോഭത്തിനിടെ പലായനംചെയ്ത അഹ്മദ് ഗദ്ദാഫി കൈറോവിലാണ് താമസം.