സുന്ദരികളുമായി ലൈംഗികബന്ധം; ഐസിസ്സിലേക്ക് ചെറുപ്പക്കാരെ ആകര്ഷിക്കാന് തന്ത്രം
ബാഗ്ദാദ്: ഇറാഖില് വളര്ന്നുവന്ന് ലോകത്തിന്റെ മറ്റു ഭാഗങ്ങളിലേക്ക് പടരാന് തുടങ്ങുന്ന ഐസിസ്(ഇസ്ലാമിക് സ്റ്റേറ്റ്) തീവ്രവാദികള് ചെറുപ്പക്കാരെ ആകര്ഷിക്കാന് സുന്ദരികളായ വനിതകളെ ഉപയോഗിക്കുന്നതായി റിപ്പോര്ട്ട്. ഐസിസ് തീവ്രവാദി ഗ്രൂപ്പില് ഏറെക്കാലം പ്രവര്ത്തിച്ചശേഷം രക്ഷപ്പെട്ട ഷെര്കോ ഒമര് എന്നയാള് ഒരു മാധ്യമത്തിന് നല്കിയ അഭിമുഖത്തിലാണ് തീവ്രവാദികളുടെ പുതിയ തന്ത്രം വെളിപ്പെടുത്തിയത്.
ഐസിസ് തീവ്രവാദത്തിലേക്ക് ആകര്ഷിച്ചെത്തുന്ന സ്ത്രീകളെയും യുദ്ധത്തിനിടെ തടവിലാക്കപ്പെടുന്നവരെയുമാണ് പുരുഷ തീവ്രവാദികളുടെ ലൈംഗിക ദാഹത്തിനായി ഉപയോഗിക്കുന്നത്. സ്ത്രീകളെ ലൈംഗികമായി ഉപയോഗിക്കുക മാത്രമല്ല, ഇവരില് ഉണ്ടാകുന്ന കുട്ടികളെ ഭീകരന്മാരായി വളര്ത്തിയെടുക്കുകയും തീവ്രവാദികളുടെ ലക്ഷ്യമാണ്.
സ്ത്രീകളെ തീവ്രവാദികളുടെ ലൈംഗികതയ്ക്കുവേണ്ടി ഉപയോഗിക്കുന്നതിന് ഖുറാന് സൂക്തങ്ങളും ഉപയോഗിക്കുന്നുണ്ടത്രെ. വിശുദ്ധയുദ്ധത്തില് മരിക്കുന്നവര്ക്ക് സ്വര്ഗമാണ് പ്രതിഫലമെന്നും അവിടെ അവരെ കാത്തിരിക്കുന്നത് 72 കന്യകമാരാണെന്നും യുവാക്കളെ വിശ്വസിപ്പിക്കുന്നു. ആയതിനാല്, ഭൂമിയിലും യഥേഷ്ടം സ്ത്രീകളെ ഉപയോഗിക്കാമെന്ന് തീവ്രവാദി തലവന്മാര് നിര്ദ്ദേശിച്ചിരിക്കുകയാണ്.
സ്ത്രീകളെ പുരുഷന്മാര്ക്ക് അടിമകളാക്കാന് ഐസിസ്സിനോട് ആഭിമുഖ്യമുള്ള പ്രത്യേക വനിതാവിഭാഗവും പ്രവര്ത്തിക്കുന്നുണ്ട്. ഏകദേശം 3,000ത്തോളം യസീദി വിഭാഗത്തില്പ്പെടുന്ന സ്ത്രീകള് ഐസിസ്സിന്റെ കസ്റ്റഡിയിലാണുള്ളത്. ഇവരെ ബലാത്സംഗം ചെയ്ത് തങ്ങളുടെ ലൈംഗിക ദാഹത്തിന് ശമനം വരുത്തുകയാണ് തീവ്രവാദികള്. രക്ഷപ്പെട്ട സ്ത്രീകള്ക്ക് പറയാനുള്ളത് ക്രൂരമായ പീഡനത്തിന്റെ കഥകള് മാത്രമാണ്.