ഫേസ്ബുക്കിലെ ഈ മാറ്റം നിങ്ങള്‍ ശ്രദ്ധിച്ചോ?

Updated: Thursday, July 2, 2015, 11:35 [IST]

ന്യൂയോര്‍ക്ക്: ഫേസ്ബുക്കില്‍ ചെറിയൊരു മാറ്റം വരുന്നു. ഫേസ്ഹുക്കിന്റെ ലോഗോ മാറുകയാണ്. ഫേസ്ബുക്ക് ലോഗോയിലെ 'എ' യുടേയും 'ബി' യുടേയും രൂപത്തില്‍ മാറ്റത്തോടെയുള്ളതാണ് പുതിയ ലോഗോ. നിങ്ങളാരെങ്കിലും ഇക്കാര്യം ശ്രദ്ധിച്ചോ? ശ്രദ്ധിച്ചാലും വ്യത്യാസം മനസിലാകണമെന്നില്ല. എന്നാല്‍ നീലയും വെള്ളയും നിറങ്ങള്‍ മാറ്റിയിട്ടില്ല .

ഫേസ്ബുക്ക് ഉപഭോക്താക്കളില്‍ ഏറിയ പങ്കും ടാബ് , മൊബൈല്‍ എന്നിവയില്‍ നിന്ന് ലോഗിന്‍ ചെയ്യാറാണ് പതിവ്. എന്നാല്‍ ഇവര്‍ക്ക് ഫേസ്ബുക്കിന്റെ ലോഗോ പൂര്‍ണമായും ലഭിയ്ക്കുന്നുണ്ടായിരുന്നില്ല . പുതിയ ലോഗോ ലഭിയ്ക്കുമെന്നാണ് ഫേസ്ബുക്ക് അധികൃതര്‍ പറയുന്നത്.

പഴയ ലോഗോയില്‍ 'എ' ഒറ്റ ലെയറിലായിട്ടാണ് കാണപ്പെട്ടിരുന്നത് . എന്നാല്‍ പുതിയ ലോഗോയില്‍ എ രണ്ട് ലെയറുകളിലായിട്ടാണ് കാണുക. ടൈപ്പ്ഡ് വേര്‍ഷനിലാണ് 'ബി'. എഡ്ജുകള്‍ കൂടുതല്‍ ഷാര്‍പ്പാക്കുകയും ലോഗോയുടെ വീതി കൂട്ടുകയും ചെയ്തിട്ടുണ്ട് . മാത്രമല്ല നിറം അല്‍പ്പം ലൈറ്റാക്കുന്നുമുണ്ട് .

ലോഗോയുടെ വ്യത്യാസം ഒറ്റനോട്ടത്തില്‍ തിരിച്ചറിയാന്‍ സാധ്യമല്ല . അധികം വൈകാതെ തന്നെ ലോഗോ വ്യാപകമാക്കാന്‍ ഫേസ്ബുക്ക് തീരുമാനിച്ചിട്ടുണ്ട്. ഫേസ്ബുക്ക് പ്രോഡക്ട് ഡിസൈനറായ സൗറോയാണ് പുതിയ ലോഗോയുടെ ചിത്രം പുറത്ത് വിട്ടത് .