• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കുട്ടികളെ അശ്ലീല വാക്കുപയോഗിച്ച് തെറിപറഞ്ഞ നഴ്‌സറി നഴ്‌സിനെ സസ്‌പെന്‍ഡ് ചെയ്തു

  • By Anwar Sadath

ലണ്ടന്‍: നഴ്‌സറി ക്ലാസിലെ കുട്ടികളെ അശ്ലീല വാക്കുപയോഗിച്ച് തെറിപറഞ്ഞ നഴ്‌സറി നഴ്‌സിനെ അധികൃതര്‍ സസ്‌പെന്‍ഡ് ചെയ്തു. സ്‌കോട്‌ലന്‍ഡിലെ മദര്‍വെല്‍ ടൗണിലെ ഒരു നഴ്‌സറി സ്‌കൂളിലെ നഴ്‌സായ ഹെയ്‌ലി നീസണ്‍ ആണ് ഫേസ്ബുക്ക് പോസ്റ്റിലൂടെ വിവാദത്തിലായത്.

പതിനെട്ടുകാരിയായ പെണ്‍കുട്ടി ഫോര്‍ജ്‌വുഡ് നഴ്‌സറി സെന്ററില്‍ ജോലിയില്‍ പ്രവേശിച്ച് ആദ്യത്തെ ദിവസം തന്നെയാണ് സംഭവം. ആദ്യദിവസം റൂമില്‍ മടങ്ങിയെത്തിയശേഷം അവര്‍ തന്റെ അനുഭവം ഫേസ്ബുക്കില്‍ കുറിച്ചിടുകയായിരുന്നു. കുട്ടികള്‍ തന്നെ കടിക്കുകയും, അടിക്കുകയും ഒക്കെ ചെയ്‌തെന്നു പറഞ്ഞ ഹെയ്‌ലി അവരെ അശ്ലീല വാക്കുകള്‍ കൊണ്ട് വിശേഷിപ്പിക്കുകയും ചെയ്തു.

നഴ്‌സിന്റെ ഫേസ്ബുക്ക് പോസ്റ്റ് ശ്രദ്ധയില്‍പ്പെട്ട ഒരു കുട്ടിയുടെ അമ്മയാണ് ഇതിനെതിരെ ആദ്യം രംഗത്തെത്തിയത്. ഇതോടെ സംഭവം മറ്റ് രക്ഷിതാക്കളും ഏറ്റെടുക്കുകയായിരുന്നു. തങ്ങളുടെ കുട്ടികളെ നഴ്‌സ് വിശേഷിപ്പിച്ച വാക്കുകള്‍ കണ്ട് താന്‍ ഞെട്ടിപ്പോയെന്ന് ഒരു മാതാവ് പറയുന്നു. ഇവര്‍ പിന്നീട് നഴ്‌സിനെതിരെ നടപടി ആവശ്യപ്പെട്ട് അധികൃതരെ സമീപിച്ചു.

രണ്ടും മൂന്നും വയസുള്ള കുട്ടികളാണ് നഴ്‌സറിയിലുള്ളത്. അവിടുത്തെ ജീവനക്കാരില്‍ വിശ്വാസം അര്‍പ്പിച്ച് വലിയൊരു തുക ഫീസായി നല്‍കുകയും ചെയ്യുന്നു. എന്നാല്‍, ചെറിയ കുട്ടികളുടെ കുസൃതികള്‍ പോലും സഹിക്കാന്‍ കഴിയാത്ത ഒരു നഴ്‌സിനെ തങ്ങള്‍ എങ്ങിനെയാണ് വിശ്വസിക്കുകയെന്ന് അമ്മമാര്‍ ചോദിക്കുന്നു. രക്ഷിതാക്കളുടെ കൂട്ടായ പരാതിയെ തുടര്‍ന്ന് അധികൃതര്‍ ഹെയ്‌ലിയെ പിന്നീട് സസ്‌പെന്‍ഡ് ചെയ്തു.

English summary
Facebook post; Nursery nurse suspended from job
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X