പെണ്കുട്ടിയുമായി ബന്ധം പുലര്ത്തിയ അധ്യാപികയെ അറസ്റ്റ് ചെയ്തു
ലൂയിസിയാന: പതിനാറുവയസുള്ള വിദ്യാര്ഥിനിയുമായി അവിഹിത ബന്ധം പുലര്ത്തിയതിന്റെ പേരില് സ്കൂള് അധ്യാപികയെ അറസ്റ്റ് ചെയ്തു. അമേരിക്കയിലെ ലൂയിസിയാന സ്റ്റേറ്റിലെ ന്യൂ ഓര്ലിയന്സിലുള്ള ഒരു സ്കൂളിലെ അധ്യാപികയായ കിംബര്ലി നഖ്വിന്(26) ആണ് അറസ്റ്റിലായത്. ഇവരെ പിന്നീട് ജാമ്യത്തില് വിട്ടയച്ചു.
സപ്തംബര് 2014 മുതല് ഓഗസ്ത് 2015വരെ വിദ്യാര്ഥിനിയുമായി അധ്യാപികയ്ക്ക് ബന്ധമുണ്ടായിരുന്നതായി പോലീസ് കണ്ടെത്തി. സ്കൂളിലെ ജ്യോഗ്രഫി അധ്യാപികയായ കിംബര്ലിയും വിദ്യാര്ഥിയും തമ്മില് കൈമാറിയ ഫോണ് സന്ദേശങ്ങള് പോലീസ് കണ്ടെടുത്തിരുന്നു. അധ്യാപികയുമായുള്ള ബന്ധം വിദ്യാര്ഥിനിയും പോലീസിനോട് സമ്മതിച്ചു.
ഇരുവരും തമ്മിലുള്ള ഒരു ബന്ധം പെണ്കുട്ടിയുടെ ബന്ധുവാണ് കണ്ടുപിടിച്ചത്. പിന്നീട് മാതാപിതാക്കളെയും പോലീസിനെയും വിവരം അറിയിക്കുകയായിരുന്നു. സ്കൂളിലും പുറത്തും വെച്ച് അധ്യാപിക പെണ്കുട്ടിയെ ലൈംഗിക ചൂഷണത്തിന് ഇരയാക്കിയതായി പോലീസ് പറയുന്നു. പ്രായപൂര്ത്തിയാകാത്ത കുട്ടികളെ ലൈംഗിക ചൂഷണത്തിന് ഇരയാക്കിയതിനാണ് അധ്യാപികയ്ക്കെതിരെ കേസ് ചാര്ജ് ചെയ്തിട്ടുള്ളത്.
അധ്യാപികയെ സ്കൂളില് നിന്നും സസ്പെന്ഡ് ചെയ്തതായി സ്കൂള് അധികൃതര് അറിയിച്ചു. നേരത്തെ രണ്ട് അധ്യാപികമാരെ ഇതേ സ്കൂളില് നിന്നും സസ്പെന്ഡ് ചെയ്തിരുന്നു. പ്രായപൂര്ത്തിയാകാത്ത വിദ്യാര്ഥികളുമായി ബന്ധം പുലര്ത്തിയതിനെ തുടര്ന്നായിരുന്നു സസ്പെന്ഷന്.