ദുബായിലെ ഡിസ്കവറി ഗാര്ഡന്സില് തീപിടിത്തം
ദുബായ്: ദുബായിലെ ഡിസ്കവറി ഗാര്ഡന്സില് തീപിടിത്തം . തിങ്കളാഴ്ച രാവിലെയാണ് ഡിസ്കവറി ഗാര്ഡന്സില് തീപിടിത്തം ഉണ്ടായത് . ഒരാള്ക്ക് പരിക്കേറ്റു. രാവിലെ എട്ടരയോടെയാണ് തീപിടിത്തം ഉണ്ടായത് .
രാവിലെ എട്ടരയോടെയാണ് തീപിടിത്തം ഉണ്ടായത് . മിനിട്ടുകള്ക്കുള്ളില് തന്നെ ദുബായ് സിവില് ഡിഫന്സ് വിഭാഗം സംഭവ സ്ഥലത്തെത്തി . അരമണിയ്ക്കൂറിലേറെ പണിപ്പെട്ട് 9 മണിയോടെയാണ് തീ നിയന്ത്രണവിധേയമാക്കിയത് .
ഇബിന് ബത്തൂത്ത മാളിനടുത്ത് നിര്മ്മാണത്തിലിരിയ്ക്കുന്ന ഒരു കെട്ടിടത്തില് നിന്നാണ് തീ പടര്ന്നതെന്ന് രക്ഷാപ്രവര്ത്തനത്തിന് നേതൃത്വം നല്കിയ പൊലീസ് മേധാവി പറഞ്ഞു . അല് കുവേസ് , അല് ബാര്ഷ എന്നിവിടങ്ങളില് നിന്നാണ് അഗ്നിശമന സേനാംഗങ്ങള് എത്തിയത് .
പരിക്കേറ്റയാള് നിര്മ്മാണ തൊഴിലാളിയാണ് . ഇയാളെ റാഷിദ് ആശുപത്രിയില് പ്രവേശിപ്പിച്ചു . തീപിടിത്തം ഉണ്ടായകാനുള്ള കാരണം വ്യക്തമല്ല . പൊലീസ് അന്വേഷണം ആരംഭിച്ചിട്ടുണ്ട് . കനത്ത പുക പ്രദേശത്ത് ഉയര്ന്നത് ആശങ്ക പടര്ത്തിയിരുന്നതായ ഡിസ്കവറി ഗാര്ഡന്സിലെ താമസക്കാരി അനിത ലഖിയാനി പറഞ്ഞു .