യൂറോപ്പിലെ ഫോര്ബ്സ് മാസികയുടെ നോമിനേഷന് ലിസ്റ്റില് ആദ്യമായി ഇന്ത്യന് വനിത
ലണ്ടന്: യൂറോപ്പില് പ്രസിദ്ധീകരിക്കുന്ന ഫോര്ബ്സ് മാസികയുടെ നോമിനേഷന് ലിസ്റ്റില് ആദ്യമായി ഇന്ത്യന് വനിത ഇടം പിടിച്ചിരിക്കുന്നു. കോഴിക്കോട് വടകര സ്വദേശി നികിത ഹരിയാണ് ലിസ്റ്റില് ഉള്പ്പെട്ടിട്ടുള്ളത്.
വിവിധ മേഖലകളില് മികവ് തെളിയിക്കുന്ന 30 പേരുടെ ലിസ്റ്റിലേക്കാണ് നികിത നോമിനേറ്റ് ചെയ്യപ്പെട്ടിരിക്കുന്നത്. 30 വയസ്സിനുള്ളില് ജീവിതത്തില് വിജയങ്ങള് കൈവരിക്കുന്ന, വരും തലമുറയ്ക്ക് പ്രചോദനമാക്കുന്നവര്ക്ക് 30 അണ്ടര് 30 എന്ന പേരില് ഫോര്ബ്സ് മാഗസിന് നല്കുന്ന അംഗീകാരമാണിത്.
സയന്സ് വിഭാഗത്തിലാണ് നികിത തിരഞ്ഞെടുക്കപ്പെട്ടത്. പാരമ്പര്യേതര ഊര്ജ സ്രോതസ്സുകളെ വൈദ്യുത ഗ്രഡുമായി ബന്ധിപ്പിക്കുമ്പോഴുള്ള പ്രസരണം കുറയ്ക്കുന്നതിന് ഉപകരണങ്ങള് വികസിപ്പിച്ചെടുക്കുക എന്ന ഗവേഷണത്തിനാണ് അംഗീകാരം ലഭിച്ചത്.
മലയാളിക്ക് ലഭിക്കാവുന്ന ഏറ്റവും വലിയ അംഗീകാരമായി ഇതിനെ കാണുന്നു എന്ന് നികിത ഹരി പറഞ്ഞു. ഇന്ത്യയില് നിന്നും ആദ്യ വനിതയായി തിരഞ്ഞെടുക്കപ്പെട്ടത്തില് അഭിമാനമുണ്ടെന്നും രേഖപ്പെടുത്തി. വടകരയില് ഇന്ടെക് ഇന്ഡസ്ട്രിസ് സ്ഥാപനഉടമയുമായ ഹരി ദാസിന്റെയും ഗീതയുടെയും മകളാണ് നികിത.
Click it and Unblock the Notifications
Sign in with Google