Click it and Unblock the Notifications
Just In
Don't Miss
-
എനിക്കും റസ്മിനും രണ്ട് ക്ലാരിറ്റിയോ? ജാസ്മിന് ഗബ്രിയോട്; 'ഇത് ഒറ്റ ദിവസം കൊണ്ട് തീര്ക്കാവുന്നതേ ഉള്ളു' -
ആയുസ്സിനും ആരോഗ്യത്തിനും ചെറുധാന്യങ്ങള് ശീലമാക്കാം -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ദൂബായില്‍ നിന്ന് പുറപ്പെട്ട വിമാനം 13 മണിക്കൂര്‍ പറന്ന് തിരിച്ചിറക്കി, ഞെട്ടി യാത്രക്കാര്‍; കാരണം ഇതാണ്
ലോകത്തെ തന്നെ ഏറ്റവും വലിയ നോണ്‍ സ്‌റ്റോപ്പ് കൊമേഴ്‌സ്യല്‍ വിമാനസര്‍വീസുകളില്‍ ഒന്നാണിത്.
ദുബായ്: ഒരു വിമാനം പുറപ്പെട്ട് 13 മണിക്കൂറോളം സഞ്ചരിച്ച് അതേ വിമാനത്താവളത്തില്‍ തന്നെ ലാന്‍ഡ് ചെയ്താലുള്ള അവസ്ഥ ഒന്നു ആലോചിച്ചു നോക്കൂ. പറയുന്നത് വെറുതെയല്ല. അങ്ങനെ ഒരു സംഭവമാണ് കഴിഞ്ഞ ദിവസം അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തത്. ന്യൂസിലന്‍ഡിലേക്കുള്ള എമിറേറ്റ്സ് വിമാനത്തിലെ യാത്രക്കാര്‍ വെള്ളിയാഴ്ച രാവിലെയാണ് ദുബായില്‍ നിന്ന് പുറപ്പെട്ടത്. എന്നാല്‍ 13 മണിക്കൂറോളം ആകാശത്ത് പറന്ന്തിന് ശേഷം വിമാനം അതേ വിമാനത്താവളത്തില്‍ തന്നെ ലാന്‍ഡ് ചെയ്യുകയായിരുന്നെന്ന് ഫോക്‌സ് ന്യൂസ് റിപ്പോര്‍ട്ട് ചെയ്യുന്നു.
അസാധാരണ സംഭവം
അസാധാരണമായ ഒരു സംഭവത്തെ തുടര്‍ന്നാണ് വിമാനം അതേ വിമാനത്താവളത്തില്‍ തന്നെ ലാന്‍ഡ് ചെയ്തത്. പുറത്തുവരുന്ന റിപ്പോര്‍ട്ട് പ്രകാരം ന്യൂസിലാന്‍ഡിലെ ഓക്ക്ലന്‍ഡ് വിമാനത്താവളത്തില്‍ വെള്ളപ്പൊക്കം രൂക്ഷമായിരുന്നു. ഇതേ തുടര്‍ന്ന് വിമാനത്താവളം അടച്ചിട്ട സാഹചര്യമുണ്ടായി. ഇതേ തുടര്‍ന്നാണ് വിമാനം വീണ്ടും തിരിച്ച് ദുബായിലേക്ക് എത്തിയതെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.
അങ്ങേയറ്റം നിരാശജനകം
സംഭവത്തെ കുറിച്ച് ഓക്ക്‌ലാന്‍ഡ് വിമാനത്താവള അധികൃതര്‍ ട്വീറ്റ് ചെയ്തിട്ടുണ്ട്. ഇത് അങ്ങേയറ്റം നിരാശജനകമായ കാര്യമാണ്. എന്നാല്‍ യാത്രക്കാരുടെ സുരക്ഷയാണ് ഞങ്ങളെ സംബന്ധിച്ച് ഏറ്റവും പ്രധാനപ്പെട്ട കാര്യം. ഇന്നത്തെ ദിനത്തില്‍ നിര്‍ഭാഗ്യവശാല്‍ ഒരു അന്താരാഷ്ട്ര വിമാനങ്ങള്‍ക്കും പ്രവര്‍ത്തിക്കാന്‍ കഴിയില്ലെന്ന് തീരുമാനിച്ചു. ഇത് അങ്ങേയറ്റം നിരാശാജനകമാണെന്ന് ഞങ്ങള്‍ക്കറിയാം, പക്ഷേ യാത്രക്കാരുടെ സുരക്ഷയാണ് ഞങ്ങളുടെ മുന്‍ഗണനയെന്ന് വിമാനത്താവള അധികൃതര്‍ ട്വീറ്റ് ചെയ്തു.
കനത്ത മഴ
വിമാനത്താവളത്തില്‍ വെള്ളം കയറിയതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാണ്. ഞായറാഴ്ചയ്ക്ക് ശേഷമാണ് വിമാനത്താവളത്തിന്റെ പ്രവര്‍ത്തനങ്ങള്‍ പഴയെ പോലെയായതെന്നാണ് വിവരം. കനത്ത മഴയാണ് ഓക്ക്‌ലാന്‍ഡ് പരിസരങ്ങളില്‍ ലഭിക്കുമെന്നാണ് മാധ്യമങ്ങള്‍ റിപ്പോര്‍ട്ട് ചെയ്യുന്നത്. ന്യൂസിലന്‍ഡിലെ ഏറ്റവും വലിയ നഗരത്തില്‍ ഈ ആഴ്ച കൂടുതല്‍ കനത്ത മഴയ്ക്ക് സാധ്യതയുള്ളതിനാല്‍ അടിയന്തരാവസ്ഥ തുടരുകയാണ്.
നോണ്‍ സ്‌റ്റോപ്പ് കൊമേഴ്‌സ്യല്‍ വിമാനം
വെള്ളപ്പൊക്കത്തില്‍ ഇതുവരെ നാല് പേര്‍ മരിച്ചെന്നാണ് റിപ്പോര്‍ട്ട്. കയാക്കുകളില്‍ രക്ഷാപ്രവര്‍ത്തനം നടത്തുമ്പോള്‍ അരയോളം വെള്ളത്തില്‍ കുടുങ്ങിക്കിടക്കുന്ന പ്രദേശവാസികളുടെ വീഡിയോ സോഷ്യല്‍ മീഡിയയില്‍ വൈറലാണ്. അതേസമയം, എമിറേറ്റ്‌സിന്റെ ഏറ്റവും ദൈര്‍ഘ്യമേറിയ സര്‍വീസുകളില്‍ ഒന്നാണ് ഓക്ക്‌ലന്‍ഡിലേത്. 14,200 കിലോ മീറ്ററാണ് ദുബായില്‍ നിന്നും ഓക്ക്‌ലന്‍ഡിലേക്കുള്ള ദൂരം. വിമാനത്തിന് ഏറ്റവും കുറഞ്ഞത് 16 മണിക്കൂര്‍ വേണം ഇവിടെ എത്താന്‍. ലോകത്തെ തന്നെ ഏറ്റവും വലിയ നോണ്‍ സ്‌റ്റോപ്പ് കൊമേഴ്‌സ്യല്‍ വിമാനസര്‍വീസുകളില്‍ ഒന്നാണിത്.
