Click it and Unblock the Notifications
Just In
Don't Miss
-
ഹാർട്ട് അറ്റാക്കിൽ രക്ഷകനായി ടെസ്ല; സെൽഫ് ഡ്രൈവിംഗ് കാറിന് ഇങ്ങനേയും ഗുണങ്ങളുണ്ട് -
IPL 2024: ധോണി തല്ലിക്കൂട്ടി, ഹാര്ദിക്ക് മുംബൈ ടീമില് ഒറ്റപ്പെട്ടു! പിന്തുണയില്ലെന്ന് ഗില്ലി -
ആ സിനിമയില് വിനീത് പാടുന്നതിനെ എതിര്ത്തു; ഞാന് പറഞ്ഞിട്ടാണെന്ന് കരുതില്ലേ: ശ്രീനിവാസന് -
ഗര്ഭിണിയാവില്ലെന്ന് ശരീരം പറയും, ഈ ലക്ഷണങ്ങള് നേരത്തെയറിയാം -
മോട്ടറോള എങ്ങനെയാ ഇത്ര സെറ്റപ്പായത്! അതിശയിപ്പിക്കുന്ന മികവുമായി മോട്ടോ G64 5G എത്തി -
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
ജോ ബൈഡന്‍ ഇന്ത്യയ്ക്ക് അപരിചിതനല്ല; യുഎന്‍ രക്ഷാസമിതി സ്ഥിരാംഗത്വത്തിന് പിന്തുണ ലഭിച്ചേക്കും
ദില്ലി: അമേരിക്കന്‍ പ്രസിഡന്റ് തിരഞ്ഞെടുപ്പില്‍ ഡെമോക്രാറ്റ് സ്ഥാനാര്‍ഥി ജോ ബൈഡന്‍ ജയിച്ചത് ഇന്ത്യയ്ക്ക് അനുകൂലമായ സാഹചര്യം ഒരുക്കുമെന്ന് പ്രതീക്ഷ. യുഎന്‍ രക്ഷാസമിതിയില്‍ സ്ഥിരാഗത്വം വേണമെന്ന ഇന്ത്യയുടെ ഏറെ കാലമായുള്ള ആവശ്യത്തിന് ബൈഡന്‍ പിന്തുണ നല്‍കുമെന്നാണ് പ്രതീക്ഷിക്കുന്നത്. നേരത്തെ വൈസ് പ്രസിഡന്റായിരന്ന കാലത്ത് ഇന്ത്യയുമായി ബന്ധം ദൃഢമാക്കുന്നതിനെ അനുകൂലിച്ച വ്യക്തിയാണ് ബൈഡന്‍. അതുകൊണ്ടുതന്നെ അദ്ദേഹം പ്രസിഡന്റായി എത്തുമ്പോള്‍ കൂടുതല്‍ അവസരങ്ങള്‍ ഇന്ത്യയ്ക്ക് മുമ്പില്‍ തുറക്കപ്പെടുമെന്നാണ് കരുതുന്നത്.
വൈസ് പ്രസിഡന്റായി എത്തുന്ന കമല ഹാരിസ് ഇന്ത്യന്‍ വംശജയാണ്. ചെന്നൈയിലാണ് അവരുടെ കുടുംബ വേരുകള്‍. അതുകൊണ്ടുതന്നെ പ്രഫഷണലുകള്‍ക്ക് നല്‍കുന്ന അമേരിക്കന്‍ വിസയായ എച്ച്1ബി വിസയില്‍ കൂടുതല്‍ ഇളവ് നല്‍കപ്പെടുമെന്നാണ് പ്രതീക്ഷിക്കുന്നത്. ബൈഡന്‍ ഇന്ത്യയ്ക്ക് അപരിചിതനല്ല എന്നാണ് വിദേശകാര്യന്ത്രി എസ് ജയശങ്കര്‍ പ്രതികരിച്ചത്. ബൈഡന്‍ ഭരണകൂടവുമായി മികച്ച ബന്ധമാണ് പ്രതീക്ഷിക്കുന്നതെന്നും ജയശങ്കര്‍ പറഞ്ഞു.
അതേസമയം, പ്രധാനമന്ത്രി നരേന്ദ്ര മോദി നിയുക്ത അമേരിക്കന്‍ പ്രസിഡന്റ് ജോ ബൈഡനുമായും വൈസ് പ്രസിഡന്റ് കമല ഹാരിസുമായും സംസാരിച്ചു. ഇരുവരുടെയും വിജയത്തില്‍ പ്രധാനമന്ത്രി അഭിനന്ദനങ്ങള്‍ അറിയിച്ചു. ഇന്ത്യയും അമേരിക്കയും തമ്മിലുള്ള ബന്ധം കൂടുതല്‍ ദൃഢമാകണമെന്ന് മോദി ആവര്‍ത്തിച്ചു. കമല ഹാരിസിന്റെ വിജയം ഇന്ത്യന്‍ അമേരിക്കന്‍ സമൂഹത്തിന് അഭിമാനമാണെന്നും മോദി അറിയിച്ചു.
ബൈഡനുമായുള്ള ടെലിഫോണ്‍ സംഭാഷണത്തില്‍ മോദി പ്രധാനപ്പെട്ട ചില കാര്യങ്ങള്‍ പ്രത്യേകം ഉണര്‍ത്തി. കൊറോണ, കാലാവസ്ഥാ വ്യതിയാനം, ഇന്തോ-പസഫിക് മേഖലയിലെ സഹകരണം എന്നിവയാണ് ഇരുവരുടെയും സംഭാഷണത്തില്‍ പ്രധാന ചര്‍ച്ചയായത്. ബൈഡനുമായി സംസാരിച്ച കാര്യം മോദി ട്വീറ്റ് ചെയ്തു.
Recommended Video
