തിങ്കിം​ഗ് മെഷീൻസ് ലാബ്; പുതിയ എഐ സ്റ്റാർട്ടപ്പുമായി ഓപ്പൺ എഐ മുൻ സിടിഒ മിറ മുറാട്ടി

വാഷിം​ഗ്ടൺ: തിങ്കിം​ഗ് മെഷീൻസ് ലാബ് എന്ന് പേരിൽ സ്വന്തം സ്റ്റാർപ്പ് ആരംഭിക്കാൻ ഓപ്പൺ എ ഐയുടെ മുൻ ചീഫ് ടെക്നോളജി ഓഫീസർ മിറ മുറാട്ടി. കഴിഞ്ഞവർഷം സെപ്റ്റംബറിലായിരുന്നു മുറാട്ടി ഓപ്പൺ എ ഐ വിട്ടത്. തന്റെ സ്വന്തം പര്യവേക്ഷണം നടത്താനുള്ള സമയവും സ്ഥലവും സൃഷ്ടിക്കാൻ താൻ ആ​ഗ്രഹിക്കുന്നതിനാലാണ് താൻ പിന്മാറുന്നത് എന്നായിരുന്നു മുറാട്ടി പറഞ്ഞത്.

തിങ്കിം​ഗ് മെഷീൻസ് ലാബ് അതിന്റെ ഔ​ദ്യോ​ഗിക എക്സ് ബുധനാഴ്ചയാണ് പ്രഖ്യാപിച്ചത്, തങ്ങളുടെ ടീമിൽ ചേരാൻ ഉദ്യോഗാർത്ഥികളെ നിയമിക്കുകയാണെന്ന് അറിയിച്ചു. എല്ലാവർക്കും മനസ്സിലാകുന്ന, കസ്റ്റമൈസ് ചെയ്യാനാവുന്നതുമായ പൊതുവായ കഴിവുകളുമുള്ള എ ഐ സംവിധാനങ്ങളൊരുക്കുകയാണ് ലക്ഷ്യമെന്ന് കമ്പനി പറയുന്നു.

ആളുകളെ അവരുടെ പ്രത്യേക ആവശ്യങ്ങൾക്കായി പ്രവർത്തിക്കാൻ എ ഐ സിസ്റ്റങ്ങൾ പൊരുക്കപ്പെടാൻ സഹായിക്കുക, കൂടുതൽ കഴിവുള്ള എ ഐ സംവിധാനങ്ങൾ നിർമ്മിക്കുന്നതിന് ശക്തമായ അടിത്തറ വികസിപ്പിക്കുക, ഈ സംവിധാനങ്ങളെ മനസ്സിലാക്കാനും മെച്ചപ്പെടുത്താനും മുഴുവൻ മേഖലയേയും സഹായിക്കുന്ന തുറന്ന ശാസ്ത്രത്തിൻ്റെ ഒരു സംസ്കാരം വളർത്തിയെടുക്കുക എന്നിങ്ങനെ മൂന്ന് പ്രധാനപ്പെട്ട ലക്ഷ്യങ്ങളാണ് ഉള്ളത്.

തിങ്കിംഗ് മെഷീൻസ് ലാബിൽ, ഓപ്പൺഎഐയുടെ സ്ഥാപക അംഗവും ചീഫ് സയന്റിസ്റ്റുമായി സേവനമനുഷ്ഠിക്കുന്ന ജോൺ ഷുൽമാൻ ഉൾപ്പെടെയുള്ള എ ഐ മേഖലയിലെ പ്രമുഖ വ്യക്തികൾ ടീമിൽ ഉൾപ്പെടുന്നു. മാനുഷിക മൂല്യങ്ങൾ ഉൾപ്പെടുത്തി സുരക്ഷിതവും ആശ്രയിക്കാവുന്നതുമായ എ ഐ സംവിധാനങ്ങൾ നിർമിക്കാനാണ് തിങ്കിങ് മെഷീൻസ് ലാബ് ലക്ഷ്യമിടുന്നതെന്നും പറയുന്നു. അതേ സമയം ഓപ്പൺ എ ഐയിൽ നിന്നും കൂടുതൽ ജീവനക്കാർ ഇവിടേക്ക് എത്തുമെന്നാണ് പറയുന്നത്.

മിറ മുറാട്ടിയാണ് തിങ്കിങ് മെഷീൻസ് ലാബിന്റെ സി ഇ ഒ. 2018 ലാണ് മിറാട്ട് ഓപ്പൺ എ ഐയിൽ ജോലിക്ക് പ്രവേശിക്കുന്നത്. ചാറ്റ് ജി പിടിയുടെ നിർമ്മാണ് കാര്യങ്ങളിൽ വലിയ പങ്ക് ഇവർ വഹിച്ചിട്ടുണ്ട്. സാം ഓൾട്ട്മാൻ ഓപ്പൺ എ ഐയിൽ‌ നിന്ന് പുറത്തക്കപ്പെട്ട സമയത്ത് മിറ മുറാട്ടി ഓപ്പൺ എ ഐയുടെ ഇടക്കാല മേധാവിയായിരുന്നു. അതുവരെ ഓപ്പൺ എ ഐയുടെ ചീഫ് ടെക്നോളജി ഓഫീസർ ആയിരുന്ന. ഓപ്പൺ എ ഐയ്ക്ക് മുൻര് ഓ​ഗ്മെന്റഡ് റിയാലിറ്റി സ്റ്റാർട്ടപ്പായ ലീപ് മോഷൻ ടെസ്ല തുടങ്ങിയ സ്ഥാപനങ്ങളിലും മുറാട്ടി പ്രവർത്തിച്ചിട്ടുണ്ട്.