ഇന്ത്യയിൽ ബാങ്ക് കൊള്ള, ലണ്ടനിൽ താലികെട്ട്! വിജയ് മല്ല്യ മൂന്നാമതും വിവാഹിതനാകുന്നു!

ലണ്ടൻ: ഇന്ത്യൻ ബാങ്കുകളിൽ നിന്ന് 9000 കോടി രൂപ തട്ടി ലണ്ടനിലേക്ക് മുങ്ങിയ വിജയ് മല്ല്യ മൂന്നാമതും വിവാഹം കഴിക്കുന്നെന്ന് റിപ്പോർട്ട്. ഇപ്പോഴത്തെ അദ്ദേഹത്തിന്റെ പങ്കാളിയായ പിങ്കി ലാൽവാനിയെ തന്നെയാണ് വിവാഹം കഴിക്കുന്നത്. മല്യയുടെ വിമാന കമ്പനിയില്‍ 2011ല്‍ ഫ്ലൈലറ്റ് അറ്റന്‍ഡന്റായി ജോലിയില്‍ പ്രവേശിച്ചതു മുതല്‍ തുടങ്ങിയതാണ് പ്രണയമാണ് ഇപ്പോൾ വിവാഹത്തിൽ എത്തി നിൽക്കുന്നത്. മല്ല്യയുടെ വിഷമ ഘട്ടത്തിലെല്ലാം പിങ്കി കൂടെ ഉണ്ടായിരുന്നു.

ആദ്യം സുഹൃത്തിക്കളായിരുന്ന ഇവർ പിന്നീട് പ്രണയത്തിലാകുകയായിരുന്നു. മല്ല്യയുടെ മുൻ ഭാര്യയായ സമീറ ത്യാബ്ജിയും എയർ ഹോസ്റ്റസ് ആയിരുന്നു. രണ്ട് ഭാര്യമാരിലായി മൂന്ന് മക്കളാണ് അദ്ദേഹത്തിനുള്ളത്. സിദ്ധാർത്ഥ് മല്യ, ലിയാന, താനിയ എന്നിവരാണ് അവർ. ഇന്ത്യ പിടികിട്ടാപുള്ളിയായി പ്രഖ്യാപിച്ച വിജയ് മല്ല്യയെ ലണ്ടനിൽ വെച്ച് സ്കോട്ട്ലാന്റ് യാർഡ് കസ്റ്റഡിയിലെടുത്തതിരുന്നു. എന്നാൽ‍ പിന്നീട് കോടതി അദ്ദേഹത്തിന് ജാമ്യം അനുവദിച്ചു.

പിങ്കിയും മല്ല്യയും ഒന്നായതിന്റെ മൂന്നാം വാർഷികം ഈ അടുത്തകാലത്താണ് ഇരുവരും ആഘോഷിച്ചത്. 2016ലും 2017ലുമാണ് വിജയ് മല്ല്യ വാർത്തകളിൽ നിറഞ്ഞ് നിന്നത്. രണ്ടുതവണ വിവാഹിതനായ മല്യയുടെ ആദ്യ ഭാര്യ സമീറ ത്യാബ്ജിയുമായുള്ള ബന്ധം '80കളിലായിരുന്നു. 1993ല്‍ രേഖയെ വിവാഹം ചെയ്തു. മൂന്നാമതായാണ് ഇപ്പോൾ പിങ്കിയെ വിവാഹം ചെയ്യാൻ തയ്യാറെടുക്കുന്നത്. ഇപ്പോൾ 62 വയസ്സാണ് കോടീശ്വരനായ വിജയ് മല്ല്യയുടെ പ്രായം.

English summary

Fugitive liquor baron Vijay Mallya, who is wanted in India for defaulting on loans worth Rs 9,000 crore, is all set to get married for the third time, according to reports in media.