ഗദ്ദാഫി കൊതിച്ചത് പുട്ടിന്റെ മകളെ മരുമകളാക്കാന്‍, പക്ഷേ...

ട്രിപ്പോളി: ലിബിയയിലെ ഏകാധിപതിയായിരുന്ന മുഅമ്മര്‍ ഗദ്ദാഫി കൊല്ലപ്പെട്ടിട്ട് വര്‍ഷം നാല് കഴിഞ്ഞു. പിന്നെ ഇപ്പോള്‍ എങ്ങനെയാണ് അദ്ദേഹം വാര്‍ത്തകളില്‍ എത്തുന്നത്?

ഗദ്ദാഫി, തന്റെ മകനെ കൊണ്ട് റഷ്യന്‍ പ്രസിഡന്റ് വ്‌ലാദിമിര്‍ പുട്ടിന്റെ മകളെ കല്യാണം കഴിപ്പിയ്ക്കാന്‍ ആഗ്രഹിച്ചിരുന്നു എന്നാണ് വെളിപ്പെടുത്തല്‍. ഗദ്ദാഫിയുടെ ഉപദേഷ്ടാവായിരുന്ന മഹമ്മദ് അബ്ദ് അല്‍ മൊത്‌ലെബ് ആണ് ഇപ്പോള്‍ ഇക്കാര്യം വെളിപ്പെടുത്തിയത്.

പുട്ടിന്റെ പെണ്‍മക്കളില്‍ ഒരാളെ തന്റെ രണ്ടാമത്തെ മകനായ സെയ്ഫ് അല്‍ ഇസ്ലാം ഗദ്ദാഫിയ്ക്ക് വിവാഹം ചെയ്ത് കൊടുക്കണം എന്നായിരുന്നു ആവശ്യം. ഇക്കാര്യം ഉന്നയിച്ച് ഗദ്ദാഫി പുട്ടിനെ സമീപിയ്ക്കുകയും ചെയ്തിരുന്നു.

വെറും ഒരു വിവാഹ ബന്ധമായിരുന്നില്ല ഗദ്ദാഫി ഇതുവഴി ഉദ്ദേശിച്ചിരുന്നത്. റഷ്യന്‍ പ്രസിഡന്റുമായുളള വ്യക്തിപരമായ ബന്ധം തനിയ്ക്ക് രാഷ്ട്രീയപരമായും ഗുണം ചെയ്യുമെന്നാണ് കരുതിയിരുന്നത്. അമേരിയ്ക്ക അടക്കമുള്ള പാശ്ചാത്യ ശക്തികളില്‍ നിന്ന് ഗദ്ദാഫി ഭീഷണി നേരിടുന്ന കാലവും ആയിരുന്നു അത്.

എന്തായാലും ഗദ്ദാഫിയുടെ വിവാഹാലോചന പുട്ടിന്‍ മുഖവിലയ്‌ക്കെടുത്തില്ല. തന്റെ മകള്‍ക്ക് ഗദ്ദാഫിയുടെ മക്കളെ അറിയുക പോലും ഇല്ലെന്നാണ് അ്‌ദേഹം മറുപടി കൊടുത്തത്.

സംഗതി എന്തായാലും പുട്ടിന്റേയും മകളുടേയും ഭാഗ്യമായിപ്പോയി. ഗദ്ദാഫി 2011 ലെ കലാപത്തില്‍ കൊല്ലപ്പെട്ടു. രണ്ടാമത്തെ മകനായ സെയ്ഫ് അല്‍ ഇസ്ലാമിനെ കഴിഞ്ഞ ജൂലായ് മാസത്തിലാണ് വധശിക്ഷയ്ക്ക് വിധേയനാക്കിയത്.

English summary

Muammar Gaddafi tried to engineer a ‘political’ marriage between his second son and planned heir and one of Russian president Vladimir Putin’s daughters, a former advisor to the late Libyan dictator has claimed.