വഴി മുടക്കി കാര് പാര്ക്ക് ചെയ്താല് ചീഞ്ഞു നാറും, മര്യാദ പഠിക്കണോ..വീഡിയോ കാണൂ
വഴി മുടക്കി വാഹനം പാര്ക്ക് ചെയ്യുന്നവരുടെ ശ്രദ്ധയ്ക്ക്. ഇതുപോലൊരു മുട്ടന് പണി കിട്ടിയേക്കാം. വീഡിയോ.
ബെയ്ജിംഗ്: ഇവിടെ പാര്ക്ക് ചെയ്യരുത് എന്ന ബോര്ഡ് കണ്ടാല് കൃത്യമായി അവിടെത്തന്നെ വാഹനം പാര്ക്ക് ചെയ്ത് കളയും ചില വിരുതന്മാര്. മറ്റാര്ക്കും തങ്ങളുടെ വാഹനം നീക്കാന് പറ്റാത്ത വിധം സ്വന്തം വണ്ടി പാര്ക്ക് ചെയ്ത് കടന്നു കളയുന്നവരും കുറവല്ല.
ഇത്തരക്കാര്ക്ക് ഒരു പാഠമാണ് ചൈനയിലെ ശുചീകരണ തൊഴിലാളി നല്കിയിരിക്കുന്നത്. തന്റെ വഴി മുടക്കിയ കാറുകാരന് ഇയാള് എട്ടിന്റെ പണി കൊടുത്തു.
മാലിന്യം നീക്കുന്നയിടത്ത് ഒരു കാര് ഡ്രൈവര് തന്റെ കാര് നിര്ത്തിയിട്ട് പോയി. തിരിച്ച് വന്നപ്പോള് കണ്ടത് കണ്ണുതള്ളിക്കുന്ന കാഴ്ചയാണ്. ഏകദേശം നാല്പ്പതോളം മാലിന്യനിറച്ച പെട്ടികള്ക്ക് നടുവില് കാര് വിശ്രമിക്കുന്നു.
സംഭവം നല്ല മുട്ടന് പണി കൊടുത്തതാണ് ഒരു ശുചീകരണ തൊഴിലാളി. കാര് പാര്ക്ക് ചെയ്ത സ്ഥലത്തായിരുന്നു മാലിന്യം നിറച്ച പെട്ടികളുണ്ടായിരുന്നത്. കാര് നിര്ത്തിയിട്ടതോടെ ഇയാള്ക്ക് പെട്ടികള് സ്ഥലത്ത് നിന്നും നീക്കം ചെയ്യാനാവാത്ത സ്ഥിതിയായി.
അരിശം മൂത്ത ശുചീകരണ തൊഴിലാളി പിന്നെ ഒന്നും നോക്കിയില്ല. ഓരോ പെട്ടിയായി എടുത്ത് കാറിന് ചുറ്റും നിരത്തി വെച്ചു. നാല്പത് പെട്ടികളുപയോഗിച്ചാണ് ഇയാള് കാറിനെ കുടുക്കിയിട്ടതെന്ന് ചൈനീസ് മാധ്യമമായ പീപ്പിള്സ് ഡെയ്ലി റിപ്പോര്ട്ട് ചെയ്യുന്നു.
സംഭവത്തിന്റെ വീഡിയോയും പീപ്പിള്സ് ഡെയ്ലി തന്നെയാണ് പുറത്ത് വിട്ടത്. ഈ വീഡിയോ ഇപ്പോള് യൂട്യൂബ് അടക്കമുള്ള സോഷ്യല് മീഡിയയില് വൈറലായിരിക്കുകയാണ്. വീഡിയോ കാണാം.