യേശു വിവാഹിതന്‍?

By Mithra Nair

Published: Thursday, April 9, 2015, 9:59 [IST]

ജറുസലേം : വിശ്വാസികളെ വ്രണപ്പെടുത്തുന്ന പ്രസ്ഥാവനയുമായി ഇസ്രേയല്‍ ഭൂമിശാസ്ത്രജ്ഞന്‍ ആരി ഷിംറോണ്‍ രംഗത്ത്. യേശു വിവാഹിതനും ഒരു കുട്ടിയുടെ പിതാവുമാണെന്നാണ് ആരി ഷിംറോണ്‍ പറയുന്നത് എന്ന് മെയില്‍ ഒണ്‍ലൈന്‍ റിപ്പോര്‍ട്ട് ചെയ്യുന്നു.

കിഴക്കന്‍ ടാല്‍പിയോറ്റില്‍ കണ്ടെത്തിയ ഒരു കല്ലറയുമായി ബന്ധപ്പെട്ടാണ് പുതിയ വിവാദവുമായി ഷിംറോണ്‍ എത്തിയിരിക്കുന്നത്. ഇത് ക്രിസ്തുവിന്റെ കുടുംബക്കല്ലറ ആണെന്നും ഇവിടെ നിന്നും കിട്ടിയ ചുണ്ണാമ്പുകല്ലിനാല്‍ നിര്‍മ്മിക്കപ്പെട്ട പെട്ടികളില്‍ ഒന്ന് ക്രിസ്തുവിന്റെ മകന്റേതാണെന്നും ഷിംറോണിന്റെ കണ്ടെത്തല്‍.

കൂടാതെ യേശു ഉയര്‍ത്തഴുന്നേറ്റില്ലെന്നും യേശുവിന്റെ കാലത്തേത് എന്ന് വിശ്വസിക്കപ്പെടുന്ന 1980 ല്‍ കണ്ടെത്തിയ എല്ലുകള്‍ അടങ്ങിയ പെട്ടികളോട് കൂടിയ ടാല്‍പിയോറ്റിലെ ശവകുടീരത്തെ ആസ്പദമാക്കി നടത്തിയ പഠനങ്ങളില്‍ നിന്നാണ് താന്‍ ഈ കണ്ടെത്തെലുകള്‍ നടത്തിയതെന്നും ആരി ഷിംറോണ്‍ വെളിപ്പെടുത്തുന്നു.

ഈ കല്ലറയില്‍ ഉണ്ടായിരുന്ന ഒരു പെട്ടിയില്‍ ജൂദാ എന്ന രേഖപ്പെടുത്തിയിട്ടുണ്ടെന്നും അത് യേശുവിന്റെ മകനാണെന്നും യേശുവിന്റെ ഭാര്യ മേരിയായിരുന്നെന്നും അവര്‍ ഉള്‍പ്പെടെ ഒമ്പതു പേരെ ഇവിടെ അടക്കം ചെയ്തിരുന്നു എന്നുമാണ് ഷിംറോണിന്റെ വാദം. എന്നാല്‍ വാര്‍ത്ത ഷിംറോണ്‍ സ്വയം സൃഷ്ടിച്ചതാണെന്ന് പൗരാണിക ശാത്രജ്ഞര്‍ പറഞ്ഞു

Published On April 9, 2015