സാത്താനെ പ്രീതിപ്പെടുത്താന്‍ കൂട്ടുകാരിയുടെ വിരല്‍ മുറിച്ചു

ബ്രോണോ : സാത്താനെ പ്രീതിപ്പെടുത്താന്‍ പതിനഞ്ചുകാരി തന്റെ കൂട്ടുകാരിയുടെ വിരലുകള്‍ മുറിച്ചുമാറ്റി. ചെക്ക് റിപ്പബ്ലിക്കിലെ ബ്രോണോ നഗരത്തിലാണ് സംഭവം.

അലെന സ്‌ക്രിവന്‍കോവ എന്ന പെണ്‍കുട്ടിയാണ് തന്റെ കളിക്കൂട്ടുകാരി ജിത്ക സ്വേലോവയുടെ കൈവിരലുകള്‍ കോടാലി ഉപയോഗിച്ച് വെട്ടിമുറിച്ചത്. കൂട്ടുകാരിയുടെ മാതാപിതാക്കളില്‍ നിന്നും കളിക്കാന്‍ പോവുകയാണെന്ന് സമ്മതം വാങ്ങിയ ശേഷമാണ് അലെന പുറത്തിറങ്ങിയത്. തുടര്‍ന്ന് വീട്ടില്‍ നിന്ന് കുറച്ചുമാറിയുളള വനപ്രദേശത്ത് കൂട്ടുകാരിയെ കൊണ്ടുപോവുകയും മരത്തില്‍ കെട്ടിയിടുകയുമായിരുന്നു. ഇതിനുശേഷം കൈയ്യില്‍ സൂക്ഷിച്ചിരുന്ന കോടാലി ഉപയോഗിച്ച് വിരലുകള്‍ മുറിച്ചുമാറ്റുകയായിരുന്നു.

വേദനിച്ച് ഭയന്നോടിയ പെണ്‍കുട്ടി മാതാപിതാക്കളെ സംഭവം അറിയിക്കുകയും പരിഭ്രാന്തരായ ഇവര്‍ പോലീസിനെ വിളിക്കുകയുമായിരുന്നു. പെണ്‍കുട്ടിയെ ഉടന്‍ ആശുപത്രിയിലെത്തിച്ചു. പോലീസെത്തുമ്പോള്‍ ഒരു കയ്യില്‍ കോടാലിയും മറ്റെ കയ്യില്‍ മുറിച്ചുമാറ്റിയ വിരലുകളുമായും ഇരിക്കുകയായിരുന്നു അലെന. കുട്ടിയ്ക്ക് മാനസികപ്രശ്‌നമുളളതായി സംശയമുണ്ടെന്ന് പോലീസ് പറഞ്ഞു.

English summary

A teenager cut off her playmate’s fingers with an axe to make a sacrifice to Satan. Somehow the younger girl managed to escape and her horrified parents called the police. The girl was taken away for psychiatric assessment.