സൗദിക്കാരനെ പ്രണയിച്ച് വഞ്ചിച്ച 'ഇന്ത്യന്‍ നടി' അറസ്റ്റില്‍

By Meera Balan

Published: Monday, November 3, 2014, 14:54 [IST]

റാബത്ത്: അയാളുടെ മോഹം ഒരു നടിയെ വിവാഹം കഴിയ്ക്കണമെന്നതായിരുന്നു. അതും ഒരു ഇന്ത്യന്‍ നടിയെ. ഇനി അയാള്‍ ആരാണെന്ന് പറയാം. ഒരു സൗദിക്കാരനായ യുവാവ്. വിവാഹസ്വപ്‌നങ്ങളുമായി നടന്ന യുവാവ് ഒടുവില്‍ ഫേസ്ബുക്കിലൂടെ ഒരു ഇന്ത്യന്‍ 'നായിക'യുടെ സുഹൃത്തായി.

സൗഹൃദം വളര്‍ന്നു. തന്റെ മനസിലെ മോഹവം യുവാവ് നടിയോട് പറഞ്ഞു. മൊറൊക്കോയില്‍ അമ്മയോടൊപ്പം താമസിയ്ക്കുകയാണെന്നാണ് നടി പറഞ്ഞിരുന്നത്. നടിയെ കെട്ടാനുള്ള ഇഷ്ടം മൂത്ത യുവാവിന്റെ അക്കൗണ്ടില്‍ നിന്നും പണം മൊറോക്കോയിലേയ്ക്കുള്ള ഇന്ത്യന്‍ നടിയുടെ അമ്മയുടെ അക്കൗണ്ടിലേയ്ക്ക് ഒഴുകി. പണമയക്കുന്നതൊടപ്പം ഫേസ്ബുക്കിലെ നടിയുടെ സ്‌നഹേവും കൂടി വന്നു.

എന്നാല്‍ ചേട്ടനിങ്ങ് മൊറോക്കോയിലേയ്ക്ക് പോന്നോളൂ..എന്നെ നേരിട്ട് കാണാമല്ലോ എന്നായി ഫേസ് ബുക്ക് നടി. ഇനിയാണ് നടിയാണോ അതോ അതൊരു പണിയായിരുന്നോ എന്ന തട്ടിപ്പ് കഥ പുറത്തറിയുന്നത്. തന്റെ പ്രിയ ഇന്ത്യന്‍ നായികയെ കാണാന്‍ മൊറോക്കോ എയര്‍പോര്‍ട്ടിലെത്തിയ യുവാവ് മണരിയ്ക്കൂറുകളോളം അവരെ കാത്ത് നിന്നു.

എന്നാല്‍ കിലുക്കം സിനിമയില്‍ രേവതി പറയുന്ന ഡയലോഗിന് സമാനമായിരുന്നു യുവാവിന്റെ അവസ്ഥ. നായികയും വന്നില്ല അവരുടെ അമ്മയും വന്നില്ല. ഒടുവില്‍ യുവാവിന് ചെറുതായി അപകടം മണത്തു. അയാള്‍ പൊലീസിന്റെ സഹായം തേടി. പൊലീസ് മൊറോക്കോയിലുള്ള യുവാവിന്റെ സുഹൃത്തായ പെണ്‍കുട്ടിയെ കണ്ടെത്തി.

പെണ്‍കുട്ടിയെ കണ്ട യുവാവ് ഞെട്ടി. ഇന്ത്യന്‍ നടിയുടെ ഫോട്ടോ പ്രൊഫൈല്‍ പിക്ചറായി ഉപയോഗിച്ച് തട്ടിപ്പ് നടത്തുകായിയരുന്ന ഒരു സ്വദേശി വനിതയായിരുന്നു അത്. സ്ത്രീയെയും അമ്മയേയും തട്ടിപ്പ് നടത്തിയതിന് പൊലീസ് അറസ്റ്റ് ചെയ്തു. പണം പോയ യുവാവിനാകട്ടേ നടിയെന്ന് കേട്ടലേ പേടി.

Published On November 3, 2014