ലോകത്തിലെ 60% സ്വര്ണവും യുഎസിലും യൂറോപ്പിലും..! യുഎസിലുള്ളത് 88 ലക്ഷം കോടി രൂപയുടെ പൊന്ന്..!
ലോകത്തിലെ ഏറ്റവും മൂല്യമുള്ള സംഭരണികളില് ഒന്നായി സ്വര്ണം തുടരുകയാണ്. കേന്ദ്ര ബാങ്കുകള് റെക്കോര്ഡ് തലങ്ങളില് സ്വര്ണം ശേഖരിക്കുന്നത് തുടരുന്നത് 2025 ല് മഞ്ഞലോഹത്തിന്റെ വില റെക്കോര്ഡ് ഉയരത്തിലേക്കെത്താന് കാരണമായി. ലോകത്താകെയുള്ള സ്വര്ണ ശേഖരത്തില് 60 ശതമാനവും കൈയടക്കി വെച്ചിരിക്കുന്നത് യുഎസും യൂറോപ്പും ആണ് എന്ന് ആഗോള കേന്ദ്ര ബാങ്കിന്റെ സ്വര്ണ നിക്ഷേപം ട്രാക്ക് ചെയ്യുന്ന ബുള്ളിയന്വാള്ട്ടില് നിന്ന് വ്യക്തമാണ്.
ലോകത്തിലെ ഏറ്റവും വലിയ സ്വര്ണ ശേഖരം അമേരിക്കയില് തുടരുകയാണ്. 8,133.5 ടണ് ആണ് യുഎസിലെ സ്വര്ണ ശേഖരം. ഇത് പതിറ്റാണ്ടുകളായി മാറ്റമില്ലാതെ തുടരുന്നു. ഈ സ്വര്ണത്തിന്റെ ഭൂരിഭാഗവും ഫോര്ട്ട് നോക്സിലും ന്യൂയോര്ക്ക് ഫെഡറല് റിസര്വിലുമാണ് സൂക്ഷിച്ചിരിക്കുന്നത്. നിലവിലെ വിലയില്, അമേരിക്കയുടെ സ്വര്ണ ശേഖരം 1 ട്രില്യണ് ഡോളറിലധികം വിലമതിക്കുന്നു.
ഇത് യുഎസ് ഡോളറിലുള്ള ആത്മവിശ്വാസം വര്ധിപ്പിക്കുന്ന ഒരു തന്ത്രപരമായ ആസ്തിയായി വര്ത്തിക്കുന്നുയൂറോപ്പിന്റെ ദീര്ഘകാല കരുതല് ശേഖരവും ശക്തമായി തുടരുന്നു. യൂറോപ്പിന്റെ പ്രധാന സമ്പദ്വ്യവസ്ഥകളായ ജര്മ്മനി (3,352 ടണ്), ഇറ്റലി (2,452 ടണ്), ഫ്രാന്സ് (2,437 ടണ്) എന്നിവ മൊത്തത്തില് ഏകദേശം 8,200 ടണ് കൈവശം വയ്ക്കുന്നു. ഇത് യുഎസിന്റെ ആകെത്തുകയ്ക്ക് തുല്യമാണ്.
യുദ്ധാനന്തര ബ്രെട്ടണ് വുഡ്സ് കാലഘട്ടത്തിലാണ് ഈ വലിയ കൈവശങ്ങള് എന്നതാണ് ശ്രദ്ധേയം. അന്ന് സ്വര്ണം അന്താരാഷ്ട്ര പണ വ്യവസ്ഥയെ ശക്തിപ്പെടുത്തിയിരുന്നു. അതേസമയം അടുത്ത കാലത്ത് സ്വര്ണ ശേഖരത്തില് വലിയ കപുതിപ്പ് നടത്തിയ രാജ്യം ചൈനയാണ്. ചൈനയുടെ സ്വര്ണ ശേഖരം 2019-ല് 1,948 ടണ്ണില് നിന്ന് 2024-ല് 2,280 ടണ്ണായി ഉയര്ന്നു. ബീജിംഗ് യുഎസ് ട്രഷറി ഹോള്ഡിംഗുകളില് നിന്ന് വ്യത്യസ്തമായി യുവാനെ അന്താരാഷ്ട്രവല്ക്കരിക്കാന് ശ്രമിക്കുന്നതിനാലാമിത്.
ലോകത്തിലെ അഞ്ചാമത്തെ വലിയ സമ്പദ്വ്യവസ്ഥയായ ഇന്ത്യയില് 876 ടണ് നിക്ഷേപമുണ്ട്. തുര്ക്കി (595 ടണ്), പോളണ്ട് (448 ടണ്) തുടങ്ങിയ മറ്റ് വളര്ന്നുവരുന്ന വിപണികള് പണപ്പെരുപ്പം, കറന്സി ചാഞ്ചാട്ടം, ഭൗമരാഷ്ട്രീയ അനിശ്ചിതത്വം എന്നിവയെ പ്രതിരോധിക്കാന് സ്വര്ണ നിക്ഷേപം കുത്തനെ വര്ധിപ്പിച്ചിട്ടുണ്ട്. ഈ ലിസ്റ്റിലെ ടോപ് 10ന് അപ്പുറത്തുള്ള ചെറിയ രാജ്യങ്ങളും സ്വര്ണത്തിലുള്ള പ്രതിരോധശേഷി വളര്ത്തുന്നു.
ഉസ്ബെക്കിസ്ഥാന് (383 ടണ്), സൗദി അറേബ്യ (323 ടണ്) തുടങ്ങിയ രാജ്യങ്ങളുംസ്വര്ണത്തിലെ ശേഖരം വര്ധിപ്പിച്ചിട്ടുണ്ട്. ഊര്ജ്ജ, വിഭവ സമ്പന്നമായ സമ്പദ്വ്യവസ്ഥകളില് സ്വര്ണത്തിന്റെ വര്ധിച്ചുവരുന്ന ആകര്ഷണം എടുത്തുകാണിക്കുന്നു. കൂടാതെ, തായ്ലന്ഡ്, സിംഗപ്പൂര്, കസാക്കിസ്ഥാന് തുടങ്ങിയ വികസ്വര രാജ്യങ്ങള് ആഗോള ആഘാതങ്ങള്ക്കെതിരായ ഒരു സംരക്ഷണമായി അവരുടെ കരുതല് ശേഖരം നിശബ്ദമായി വര്ധിപ്പിക്കുകയാണ്.
Click it and Unblock the Notifications
Sign in with Google