Click it and Unblock the Notifications
Just In
Don't Miss
-
അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ് -
ഫിറ്റ്നസ് നോക്കുമ്പോഴും 15 വര്ഷമായി ഹോട്ടല് ഭക്ഷണം; ശരീരം നോക്കുന്നതിനെക്കുറിച്ച് ഉണ്ണി മുകുന്ദന് -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ദാമ്പത്യത്തില് എന്നും കളിയും ചിരിയും ഉണ്ടാകാന് പങ്കാളികള് ശ്രദ്ധിക്കേണ്ട കാര്യങ്ങള് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
അര്‍ബുദ ലക്ഷണങ്ങള്‍ അറിയാന്‍ ഗൂഗിള്‍ സൂക്ഷ്മകണങ്ങള്‍
വാഷിങ്ടണ്‍ : ശാസ്ത്രലോകത്ത് ഒട്ടേറെ മാറ്റങ്ങള്‍ക്ക് കാരണമായേക്കാവുന്ന വേറിട്ട കണ്ടുപിടുത്തവുമായി ഗൂഗിള്‍. മാരകമായ അര്‍ബുദങ്ങള്‍ തുടക്കത്തില്‍ത്തന്നെ കണ്ടെത്തി ചികിത്സ ലഭ്യമാക്കാനുളള ഗവേഷത്തിനാണ് ഗൂഗിള്‍ തുടക്കം കുറിച്ചിരിക്കുന്നത്. രോഗിയുടെ രക്തപ്രവാഹത്തിലേക്ക് സൂക്ഷ്മകണങ്ങളെ അയച്ച് അര്‍ബുദത്തിന്റെ ലക്ഷണങ്ങള്‍ കണ്ടുപിടിക്കാനാണ് ഇതുവഴി ലക്ഷ്യമിടുന്നത്.
ഗൂഗിള്‍ എക്‌സ് റിസര്‍ച്ച് ലാബിന്റെ ജീവശാസ്ത്രവിഭാഗമാണ് ഗവേഷണത്തിന് പിന്നില്‍. സൂക്ഷ്മകണങ്ങള്‍ക്ക് രോഗിയുടെ ശരീരത്തിന്റെ വിവിധ ഭാഗങ്ങളിലേക്ക് കടന്നുപോകാനാവും. ഡോക്ടര്‍മാര്‍ക്ക് ഇത് പുറത്തുനിന്ന് നിരീക്ഷിക്കാനുളള സംവിധാനവുമുണ്ടാകും. ഗുളികയുടെ സഹായത്തോടെയാണ് സൂക്ഷ്മകണത്തെ രോഗികളുടെ ശരീരത്തിലേക്ക് കടത്തിവിടുക. ഇവ ശരീരത്തിനുളളിലെ കോശങ്ങള്‍, തന്മാത്രകള്‍ എന്നിവയുമായി ബന്ധിക്കപ്പെടുമെന്ന് ഗൂഗിള്‍ എക്‌സ് റിസര്‍ച്ച് ലാബിന്റെ ജീവശാസ്ത്രവിഭാഗത്തിന്റെ തലവന്‍ ആന്‍ഡ്രൂ കൊണ്‍റാഡ് പറഞ്ഞു.
അര്‍ബുദ ലക്ഷണങ്ങള്‍ കണ്ടെത്താന്‍ നിലവില്‍ നടത്തുന്ന രക്തപരിശോധനയ്ക്ക് സമാനമാണ് സൂക്ഷ്മകണങ്ങളുടെ സഹായത്തോടെയുളള പരിശോധന. അഞ്ച് വര്‍ഷത്തിനുളളില്‍ ഇത് പ്രാവര്‍ത്തികമാക്കാന്‍ സാധിക്കുമെന്നാണ് പറയുന്നത്. ശാസ്ത്രലോകത്ത് ഗൂഗിളിന്റെ ചുവടുവയ്പ്പ് ഇതാദ്യമല്ല. നേരത്തെ പ്രമേഹരോഗികള്‍ക്ക് ഗ്ലൂക്കോസിന്റെ അളവ് അറിയാനുളള പ്രത്യേകതരം കോണ്‍ടാക്റ്റ് ലെന്‍സിന്റെ കണ്ടുപിടുത്തവുമായി ഗൂഗിള്‍ രംഗത്തെത്തിയിരുന്നു. ഇത് ഉടന്‍തന്നെ വിപണിയിലെത്തിക്കാനുളള തയ്യാറെടുപ്പിലാണ് ഗൂഗിള്‍.
