ഗ്രീസ് കടന്ന് ഇന്ത്യയിലേയ്ക്ക്, ലോകത്തിലേയ്ക്ക്...
ഗ്രീസ് പ്രതിസന്ധി യൂറോപ്യന് യൂണിയനെ അതി രൂക്ഷമായിത്തന്നെ ബാധിയ്ക്കുമെന്നാണ് റിപ്പോര്ട്ട്. ഒരു പക്ഷേ ലോക സമ്പദ് വ്യവസ്ഥയെ തന്നെ ഇത് ബാധിച്ചേയ്ക്കാം. 2008 ന്റെ തുടക്കത്തില് ഉണ്ടായ ആഗോള സാമ്പത്തിക മാന്ദ്യത്തില് നിന്ന് ഇപ്പോഴും അമേരിക്കയും യൂറോപ്യന് യൂണിയന് രാജ്യങ്ങളും കര കയറിയിട്ടില്ല. അന്നത്തെ സാമ്പത്തിക മാന്ദ്യം തന്നെ ആയിരുന്നു ഗ്രീസിന്റെ അടിത്തറയും പൂര്ണമായി തകര്ത്തത്.
സര്ക്കാര് തീരുമാനത്തിന് അനുകൂലമായി ജനങ്ങള് വോട്ട് ചെയ്ത് തുടങ്ങിയപ്പോള് തന്നെ ആഗോള വിപണിയില് ചാഞ്ചാട്ടം തുടങ്ങിയിരുന്നു. ഡോളറിന്റേയും യൂറോയുടേയും മൂല്യം ഇടിഞ്ഞു.
ഇന്ത്യന് വിപണിയേയും ഗ്രീസ് പ്രതിസന്ധി അതി രൂക്ഷമായിത്തന്നെ ബാധിയ്ക്കുന്നുണ്ട്. നമ്മുടെ ഓഹരി വിപണികളിലും കഴിഞ്ഞ ദിവസങ്ങളില് ഇടിവുണ്ടായിക്കഴിഞ്ഞു.
സോഫ്റ്റ് വെയര് മേഖലയിലേയും എന്ജിനീയറിംഗ് മേഖലയിലേയും കയറ്റുമതിയെ ഗ്രീസ് പ്രതിസന്ധി ബാധിയ്ക്കുമെന്നാണ് ഇന്ത്യയുടെ വിലയിരുത്തല്. കൂടാതെ ഫാര്മസ്യൂട്ടിക്കല് മേഖലയും വസ്ത്ര കയറ്റുമതി മേഖലയും പ്രതിസന്ധി നേരിട്ടേയ്ക്കും.