അംബാസഡറുടെ കൊലപാതകത്തിന്റെ ചുരുളഴിയുന്നു, പിന്നില് ഭാര്യയും പോലിസുകാരനായ കാമുകനും
ബ്രസീലിലെ ഗ്രീക്ക് അംബാസഡര് കിര്യാക്കോസ് അമിരിദിസിനെ കൊന്നത് ബ്രസീലുകാരിയായ ഭാര്യയും കാമുകനായ പോലിസുകാരനുമാണെന്ന് തെളിഞ്ഞു. ഇരുവരെയും അറസ്റ്റ് ചെയ്തു
ബ്രസീലിയ: ബ്രസീലിലെ ഗ്രീക്ക് അംബാസഡര് കിര്യാക്കോസ് അമിരിദിസിന്റെ കൊലപാതകത്തെ കുറിച്ച് പോലിസിന് വ്യക്തമായ തെളിവ് ലഭിച്ചു. അദ്ദേഹത്തിന്റെ ബ്രസീലുകാരിയായ ഭാര്യയും കാമുകനായ പോലിസുകാരനുമാണ് കൃത്യം ചെയ്തതൈന്ന നിഗമനത്തിലാണ് പോലിസ്. അറസ്റ്റിലായ കാമുകന് സെര്ജിയോ ഗോമസ് മൊരീറ കുറ്റമേറ്റെന്ന് പോലിസ് അറിയിച്ചു.
59 കാരനായ അമിരിദിസിന്റെ മൃതദേഹം കഴിഞ്ഞ വ്യാഴാഴ്ചയാണ് റിയോയില് കാറില് കത്തിക്കരിഞ്ഞ നിലയില് കണ്ടത്. തിങ്കളാഴ്ചയാണ് കൊല നടന്നതെന്ന് സംശയിക്കുന്നു. അമിരിദിസിനെ കാണാനില്ലെന്ന് ഭാര്യ ഫ്രാന്കോയിസ് സൂസ ഒലിവേറ ബുധനാഴ്ച പോലിസില് പരാതി നല്കിയിരുന്നു.
40 കാരിയായ ഒലിവേറയും 29കാരനായ മോരീറയും തമ്മില് പ്രണയത്തിലായിരുന്നുവെന്ന് പോലിസ് പറഞ്ഞു. പ്രതി ഇക്കാര്യം പോലിസിനോട് സമ്മതിച്ചു. ഇരുവരും പോലിസ് കസ്റ്റഡിയിലാണ്. മൊരീറയുടെ ബന്ധു എഡ്വേര്ഡോ തെദേഷിയും അറസ്റ്റിലായിട്ടുണ്ട്. ഒലിവേറക്ക് കൃത്യത്തില് നേരിട്ട് ബന്ധമില്ല. എന്നാല് ഭര്ത്താവ് കൊല്ലപ്പെടുന്നത് സംബന്ധിച്ച് ഇവര്ക്കറിയാമായിരുന്നു.
ഈ വര്ഷമാണ് ബ്രസീലിലെ ഗ്രീക്ക് അംബാസഡറായി അമിരിദിസ് ചുമതലയേറ്റത്. അവധികാലം ആഘോഷിക്കാന് ഭാര്യയോടൊപ്പം ഡിസംബര് 21നാണ് അദ്ദേഹം റിയോഡി ജനീറോയിലെത്തിയത്. ജനുവരി ഒമ്പതിന് ബ്രസീലിയയിലേക്ക് തിരിച്ചുപോവാന് തീരുമാനിച്ചിരുന്നു. അതിനിടെയാണ് കൊലപാതകം.
റിയോയിലെ അപ്പാര്ട്ട്മെന്റില് നിന്നു കാറില് പുറത്തുപോയ ശേഷം അമിരിദിസ് തിരിച്ചുവന്നില്ലെന്നാണ് ഭാര്യ ആദ്യം പോലിസിനോട് പറഞ്ഞത്. എന്നാല് ഇവരുടെ മൊഴിയിലുണ്ടായ വൈരുധ്യമാണ് പോലിസിന് സംശയത്തിനിടയാക്കിയത്. പിന്നീട് വിശദമായ ചോദ്യം ചെയ്തപ്പോള് കള്ളക്കളി പുറത്തുവന്നു. അമിരിദിസും ഭാര്യയും താമസിച്ചിരുന്ന അപ്പാര്ട്ട്മെന്റിലെ സോഫയില് രക്തം കണ്ടെത്തിയത് പോലിസിന് അന്വേഷണം എളുപ്പമാക്കി.
അപ്പാര്ട്ടമെന്റില് വച്ച് കൊന്ന ശേഷം അമിരിദിസിനെ കാറോടെ കത്തിക്കുകയായിരുന്നു. ഇതിന് ഒലിവേറയുടെ ബന്ധുവിന്റെ സഹായവുമുണ്ടായിരുന്നു. ഇയാള്ക്ക് 25000 ഡോളറാണ് ഒലിവേറ വാഗ്ദാനം ചെയ്തത്. മൊരീറയും അമിരിദിസും തമ്മില് അടിപിടിയുണ്ടായെന്നും പിന്നീട് അമിരിദിസിനെ വെടിവച്ച് കൊല്ലുകയായിരുന്നുവെന്നും മൊരീറ മൊഴി നല്കി. എന്നാല് വെടിയൊച്ച തങ്ങള് കേട്ടിട്ടില്ലെന്നാണ് അയല്വാസികളുടെ മൊഴി.
2001 മുതല് 2004 വരെ റിയോയില് ഗ്രീക്ക് കോണ്സല് ജനറലായി സേവനമനുഷ്ടിച്ചിട്ടുണ്ട് അമിരിദിസ്. അക്കാലത്താണ് ഒലിവേറയെ പരിചയപ്പെടുന്നതും വിവാഹം കഴിക്കുന്നതും. പത്ത് വയസുള്ള ഒരു മകളുണ്ട് ഇരുവര്ക്കും. വര്ഷങ്ങളോളം കൂടെ താമസിച്ച ഭര്ത്താവിനെ കൊലപ്പെടുത്താന് എന്തിനാണ് ഭാര്യ ശ്രമിച്ചതെന്നാണ് പോലിസ് ഇപ്പോള് പരിശോധിക്കുന്നത്. ഗ്രീക്ക് പോലിസും ബ്രസീലില് എത്തിയിട്ടുണ്ട്. അര്ജന്റീനയിലെ ഗ്രീക്ക് അംബാസഡറും അന്വേഷണത്തിന് ബ്രസീലിയയിലെത്തി.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google