അമ്മയുടെ വാക്ക് കേട്ട് ആദ്യരാത്രിയില്‍ ഭാര്യയെ മര്‍ദ്ദിച്ച് ഗുരുതരാവസ്ഥയിലാക്കി

കെയ്‌റോ: അമ്മയുടെ വാക്ക് കേട്ട് വിവാഹദിനം ഭാര്യയെ മര്‍ദ്ദിച്ച് അവശനാക്കിയ നവവരന്‍ അറസ്റ്റില്‍. ഈജിപ്തിലെ കെയ്‌റോയിലാണ് സംഭവം. ഭാര്യ താന്‍ പറയുന്നത് കേള്‍ക്കണമെങ്കില്‍ ആദ്യ ദിനം തന്നെ മര്‍ദ്ദിയ്ക്കണമെന്ന അമ്മയുടെ ഉപദേശം കേട്ടാണ് നവവരന്‍ വധുവിനെ തല്ലി ഗുരുതരാവസ്ഥയിലാക്കിയത്.

ഭാര്യ ജീവിതകാലം മുഴുവന്‍ താന്‍ പറയുന്നത് അനുസരിയ്ക്കണമെങ്കില്‍ ആദ്യ ദിനം തന്നെ ഭാര്യയുടെ കരണത്തടിയ്ക്കണമെന്നാണ് യുവാവിന് അമ്മ നല്‍കിയ ഉപദേശം. മാത്രമല്ല യുവാവിന്റെ സഹോദരന്‍മാര്‍ ഇത്തരത്തിലാണ് ഭാര്യമാരെ മര്യാദ പഠിപ്പിച്ചതെന്നും അമ്മ യുവാവിനെ ഉപദേശിച്ചു.

കേള്‍ക്കേണ്ട താമസം യുവാവ് ഭാര്യയെ മര്യാദ പഠിപ്പിയ്ക്കുന്നതിനായി കരണത്തടിച്ചു. കാരണമില്ലാതെ മര്‍ദ്ദനമേല്‍ക്കേണ്ടി വന്ന നവവധു ഭര്‍ത്താവിനെ തിരികെ തല്ലി. പോരേ പൂരം. ഭര്‍ത്താവ് നേരെ അടുക്കളയിലേയ്ക്ക് ഓടി ഇരുമ്പ് ദണ്ഡെടുത്ത് ഭാര്യയെ തലങ്ങും വിലങ്ങും തല്ലി.

യുവതിയുടെ തലയില്‍ ആഞ്ഞടിച്ചു. ബോധരഹിതയായ യുവതിയുടെ തലയ്ക്ക് മാരകമായി പരിക്കേറ്റു. അറസ്റ്റിലായ ഭര്‍ത്താവ് പൊലീസിനോട് കുറ്റം സമ്മതിച്ചു. വിവാഹ വസ്ത്രത്തില്‍ ബോധരഹിതയായി വധുവിനെ വരന്റെ വീട്ടില്‍ കണ്ടെത്തുകയായിരുന്നു. തുടര്‍ന്ന് പൊലീസ് നടത്തിയ ചോദ്യം ചെയ്യലിലാണ് വരനാണ് കുറ്റം ചെയ്തതെന്ന് തെളിയുന്നത്.

English summary

Groom knocks bride out at mom's request