ഗള്ഫ് യൂറോപ്പ് ആകും: ഒറ്റ വിസ മതി, എല്ലാ രാജ്യങ്ങളിലും കറങ്ങാം, വമ്പന് പദ്ധതിക്ക് ജിസിസി
യൂറോപ്പ് സഞ്ചാരത്തിനായി ആഗ്രഹിക്കുന്ന ആളുകള് ഷെങ്കണ് വിസ സ്വന്തമാക്കാനായിരിക്കും ആദ്യം തന്നെ ശ്രമിക്കുക. ഷെങ്കണ് വിസ ലഭിച്ച് കഴിഞ്ഞാല് യൂറോപ്പിലെ 26 രാജ്യങ്ങളിലൂടെ സ്വതന്ത്രമായി സഞ്ചരിക്കാനുള്ള അനുമതി ലഭിക്കും. മൂന്ന് മാസത്തോളം ഈ വിസയുടെ പിൻബലത്തിൽ ഷെൻഗെൻ രാജ്യങ്ങളിൽ താമസിക്കുകയും യാത്ര ചെയ്യുകയും ആകാം.
യൂറോപ്പിലെ െഷങ്കൺ അംഗത്വമുള്ള രാജ്യങ്ങളിലേക്കാണ് ഷെങ്കൺവിസയിലൂടെ യാത്ര ചെയ്യാന് സാധിക്കുക. ഇപ്പോഴിതാ യൂറോപ്പ് മാതൃകയില് ഗള്ഫ് രാഷ്ട്രങ്ങളിലും പുതിയ വിസ സംവിധാനം വരാന് പോവുന്നുവെന്ന റിപ്പോർട്ടാണ് പുറത്ത് വരുന്നത്. ഗൾഫ് കോ-ഓപ്പറേഷൻ കൗൺസിൽ (ജിസിസി) രാജ്യങ്ങൾ വിനോദസഞ്ചാരികൾക്കായി 'ഷെങ്കണ് ശൈലിയിലുള്ള' വിസ ആരംഭിക്കാൻ ശ്രമിക്കുന്നുവെന്നാണ് ഖലീജ് ടൈംസ് റിപ്പോർട്ട് ചെയ്യുന്നത്.
ഇത് മേഖലയിലെ എല്ലാ രാജ്യങ്ങൾക്കും വരുമാനവും ടുറിസം രംഗത്ത് പുതിയ കാൽവയ്പ്പും സൃഷ്ടിക്കുമെന്നാണ് പ്രതീക്ഷിക്കുന്നത്. ഏകീകൃത സിംഗിൾ വിസ എങ്ങനെ സൃഷ്ടിക്കാം എന്നതിനെക്കുറിച്ച് ജിസിസി രാജ്യങ്ങൾക്കിടയിൽ മന്ത്രിതലത്തിൽ ചർച്ചകൾ നടക്കുന്നുണ്ടെന്നാണ് അറേബ്യൻ ട്രാവൽ മാർക്കറ്റിൽ ബഹ്റൈനിലെ ടൂറിസം മന്ത്രി ഫാത്തിമ അൽ സൈറാഫി വ്യക്തമാക്കിയത്.
"വിദേശത്തു നിന്ന് യൂറോപ്പിലേക്ക് പറക്കുന്ന ആളുകൾ സാധാരണയായി ഒരു രാജ്യത്തേക്കാൾ പല രാജ്യങ്ങളിലും സമയം ചെലവഴിക്കുന്നത് ഞങ്ങൾ കാണുന്നു. ഈ മാതൃക നടപ്പാക്കുന്നത് ഇത് ഓരോ രാജ്യത്തിനും മാത്രമല്ല, എല്ലാവർക്കും നൽകുന്ന മൂല്യം എത്രയാണെന്നും നാം തിരിച്ചറിയണം "ദുബായിലെ അറേബ്യൻ ട്രാവൽ മാർക്കറ്റിൽ നടന്ന "ജിസിസിയ്ക്കുള്ള യാത്രയുടെ ഭാവി" എന്ന വിഷയത്തിൽ നടന്ന പാനൽ ചർച്ചയിൽ അൽ സൈറാഫി പറഞ്ഞു.
തുളസി തലമുടിക്കും അത്ഭുത മരുന്ന്: മുടികൊഴിച്ചില് തടയും താരന് അകറ്റും
2022-ൽ ഞങ്ങൾ 8.3 ദശലക്ഷം വിനോദസഞ്ചാരികളെ ലക്ഷ്യമിട്ടിരുന്നു, എന്നാൽ 9.9 ദശലക്ഷം സന്ദർശകരെ നേടിയത് യുഎഇ, മറ്റ് ജിസിസി വിപണികൾ എന്നിവയ്ക്കൊപ്പം ബഹ്റൈനെയും പ്രോത്സാഹിപ്പിച്ചതിലൂടെയാണ്. ഇത് വിനോദസഞ്ചാരികളുടെ എണ്ണത്തിൽ വർധനവുണ്ടാക്കി. 100-ലധികം ടൂർ ഓപ്പറേറ്റർമാരിലൂടെ ഞങ്ങൾ പ്രവർത്തിച്ചപ്പോള് സഞ്ചാരികളുടെ എണ്ണവും വർദ്ധിച്ചു. കൂടാതെ വിനോദസഞ്ചാരികളുടെ ദേശീയതയുടെ വൈവിധ്യവും വർദ്ധിച്ചെന്നും അദ്ദേഹം ചൂണ്ടിക്കാട്ടി.
തങ്ങളുടെ സമ്പദ്വ്യവസ്ഥയുടെ വളർച്ചയ്ക്ക് വിനോദസഞ്ചാര മേഖല സുപ്രധാനമാണെന്ന് എല്ലാ ജിസിസി രാജ്യങ്ങളും വിശ്വസിക്കുന്നുവെന്ന് പാനൽ ചർച്ചയിൽ സാമ്പത്തിക മന്ത്രാലയം അണ്ടർ സെക്രട്ടറി അബ്ദുല്ല അൽ സാലിഹും വ്യക്തമാക്കി. "ഞങ്ങൾക്ക് ഒരു പൊതു വിപണിയും ഏകീകൃത നയങ്ങളുമുണ്ട്. വിനോദസഞ്ചാര മേഖലയിൽ, വളർച്ച സുഗമമാക്കുന്നതിനുള്ള നിയന്ത്രണങ്ങളും നയങ്ങളും നടപടിക്രമങ്ങളും ഉപയോഗിച്ച് ജിസിസിക്ക് സപ്ലൈ, ഡിമാൻഡ് വശങ്ങളിൽ നിന്ന് പ്രയോജനം നേടാനാകും. ഇപ്പോൾ ജിസിസിയിലേക്ക് ആളുകളുടെ ഒഴുക്ക് വർധിച്ചതോടെ അത് കാലക്രമേണ സുഗമമായിക്കൊണ്ടിരിക്കുകയാണ്, "അദ്ദേഹം പറഞ്ഞു.
ജിസിസി രാജ്യങ്ങൾ വിശ്വസിക്കുന്നത് അവർ സന്ദർശകർക്ക് പ്രത്യേകിച്ച് ദീർഘദൂര സന്ദർശകർക്ക് ഒരു നല്ല അനുഭവം നൽകുകയാണെങ്കിൽ, ഒരു രാജ്യം സന്ദർശിക്കുന്നതിനുപകരം, അവരുടെ സന്ദർശനങ്ങൾ മറ്റ് രാജ്യങ്ങളിലേക്ക് കൂടി വർദ്ധിപ്പിക്കുന്നതിനുള്ള പദ്ധതി ഉണ്ടാകുമെന്നാണ്. നിയന്ത്രണങ്ങളില്ലാതെ നിരവധി രാജ്യങ്ങൾ സന്ദർശിക്കുന്നതിലൂടെയും അതിർത്തി കടന്നുള്ള യാത്ര സുഗമമാക്കുന്നതിലൂടെയും ജിസിസിയിലെ വിവിധ രാജ്യങ്ങൾ സന്ദർശിക്കാൻ ഒരു പാക്കേജ് ഏകീകരിക്കുന്നതിലൂടെയും സന്ദർശകർ കൂടുതൽ സന്തുഷ്ടരാകുമെന്നും അല് സാലിഹ് കൂട്ടിച്ചേർത്തു.
ഇക്കാലത്ത് യാത്രക്കാർ ഒരു രാജ്യത്തെക്കുറിച്ചല്ല, ഒരു പ്രദേശത്തെക്കുറിച്ചാണ് ചിന്തിക്കുന്നതെന്ന് സൗദി ടൂറിസം അതോറിറ്റി സിഇഒ ഫഹദ് ഹമീദാദ്ദീനും വ്യക്തമാക്കി. "നാളത്തെ യാത്രക്കാർ എല്ലായ്പ്പോഴും ഒന്നിലധികം സ്റ്റോപ്പുകൾ, റൂട്ടുകൾ, പ്രദേശങ്ങൾ എന്നിവ നോക്കുമെന്നാണ് ഞാൻ വിശ്വസിക്കുന്നത്," ഖത്തറിൽ നടന്ന ഫിഫ ലോകകപ്പിൽ നിന്ന് സൗദി അറേബ്യയ്ക്ക് വളരെയധികം പ്രയോജനം ലഭിച്ചുവെന്നും ഇത് സംയുക്ത ഓഫറുകൾ പ്രോത്സാഹിപ്പിക്കാനും എല്ലാവർക്കും പ്രയോജനം ചെയ്യുമെന്ന് ഉറപ്പാക്കാനും സാധിക്കുമെന്നും അദ്ദേഹം കൂട്ടിച്ചേർത്തു.
Click it and Unblock the Notifications
Sign in with Google