Click it and Unblock the Notifications
Just In
Don't Miss
-
ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര് -
IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ -
ബിനുവിനെക്കൊണ്ട് അത് പറയിപ്പിച്ചത് ഞാന്; പലരും ബിനുവിനെ ഉന്നം വെക്കാന് അതും ഉപയോഗിച്ചു -
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം -
കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം
പരിപാടിക്കിടെ സ്ത്രീയെ കെട്ടിപ്പിടിക്കാന്‍ ശ്രമം; മന്ത്രി രാജിവെച്ചു
കാഠ്മണ്ഡു: ഒരു പൊതു പരിപാടിക്കിടെ സ്ത്രീയെ കെട്ടിപ്പിടിക്കാന്‍ ശ്രമിച്ചെന്ന ആരോപണത്തിന് വിധേയനായ നേപ്പാള്‍ മന്ത്രി രാജിവെച്ചു. നേപ്പാള്‍ കാര്‍ഷിക വികസന വകുപ്പുമന്ത്രി ഹരി പ്രസാദ് പരജുലി ആണ് വ്യാഴാഴ്ച പ്രധാനമന്ത്രിക്ക് രാജി സമര്‍പ്പിച്ചത്. രാജി പ്രധാനമന്ത്രി സ്വീകരിച്ചതായി ഓഫീസ് വൃത്തങ്ങള്‍ അറിയിച്ചു.
ചൊവ്വാഴ്ചയാണ് ആരോപണത്തിന് അടിസ്ഥാനമായ സംഭവം അരങ്ങേറിയത്. ഒരു പാടത്ത് സംഘടിപ്പിച്ച നെല്‍കൃഷിയുമായി ബന്ധപ്പെട്ട പരിപാടിയില്‍ ചെളിപുരണ്ട വസ്ത്രവുമായി മന്ത്രി ഒരു സ്ത്രീയെ കെട്ടിപ്പിടിക്കുകയായിരുന്നു. സംഭവത്തിന്റെ ചിത്രവും വീഡിയോയും തൊട്ടടുത്ത ദിവസം തന്നെ സോഷ്യല്‍ മീഡിയയില്‍ പ്രചരിക്കാന്‍ തുടങ്ങി.
പരസ്യമായ ലൈംഗിക പീഡനശ്രമമാണിതെന്ന് ജനങ്ങള്‍ കുറ്റപ്പെടുത്താന്‍ തുടങ്ങിയതോടെയാണ് മന്ത്രി രാജിക്ക് സന്നദ്ധനായത്. മന്ത്രി സ്ത്രീയോട് വളരെ മോശമായാണ് പെരുമാറിയതെന്ന് ഫോട്ടോകള്‍ വ്യക്തമാക്കുന്നതായി മാര്‍കിസ്റ്റ് ലെനിനിസ്റ്റ് പാര്‍ട്ടി വക്തവും അറിയിച്ചു. പൊതുപരിപാടിയില്‍വെച്ച് മന്ത്രി ഒരിക്കലും ചെയ്യാന്‍ പാടില്ലാത്തതാണ് ചെയ്തതെന്നും അവര്‍ വ്യക്തമാക്കി. ഇതിന് പിന്നാലെയാണ് മന്ത്രി രാജി പ്രഖ്യാപിച്ചത്.
2013ല്‍ വേള്‍ഡ് ബാങ്ക് നടത്തിയ ഒരു സര്‍വേയില്‍ 26 ശതമാനം സ്ത്രീകള്‍ നേപ്പാളില്‍ പൊതുസ്ഥലങ്ങളില്‍ ലൈംഗിക അതിക്രമങ്ങള്‍ക്ക് ഇരയാകുന്നുണ്ടെന്ന് കണ്ടെത്തിയിരുന്നു. വിഷയത്തില്‍ സ്ത്രീകള്‍ പോലീസില്‍ നല്‍കുന്ന പരാതിയില്‍ വേണ്ടത്ര ഗൗരവം കാണിക്കാറില്ലെന്നും പറയുന്നു.
