അമേരിക്കയില്‍ വീണ്ടും ഹിന്ദു ക്ഷേത്രത്തിന് നേര്‍ക്ക് ആക്രമണം

ന്യൂയോര്‍ക്ക്: അമേരിക്കയില്‍ ഹിന്ദു ക്ഷേത്രങ്ങള്‍ക്ക് നേര്‍ക്കുള്ള ആക്രമണങ്ങള്‍ തുടര്‍ക്കഥയാകുന്നുവോ... മാസങ്ങളുടെ ഇടവേളയക്കൊടുവില്‍ ഒരു ഹിന്ദു ആരാധനാലയം കൂടി ആക്രമിയ്ക്കപ്പെട്ടിരിയ്ക്കുന്നു.

നോര്‍ത്ത് ടെക്‌സാസിലെ ലേക്ക് ഹൈ ലാന്‍ഡ്‌സിലെ ഹിന്ദു മന്ദിര്‍ ആണ് ആക്രമിയ്ക്കപ്പെട്ടത്. ക്ഷേത്ര കവാടം അക്രിമകള്‍ തകര്‍ത്തു.

എല്‍സല്‍വദോറിലെ അധോലോക സംഘമാണ് ആക്രമണത്തിന് പിന്നിലെന്നാണ് സംശയിക്കുന്നത്. ക്ഷേത്രത്തിന്റെ ചുമരില്‍ മാര സല്‍വാട്രൂച്ച എന്ന സംഘത്തിന്റെ മുദ്രകള്‍ പതിപ്പിച്ചിട്ടുണ്ട്. ഇവര്‍ പിശാച് ആരാധകരാണ്.

പ്രദേശത്തെ ഇന്ത്യക്കാരില്‍ സംഭവം കടുത്ത ആശങ്കയാണ് ഉണ്ടാക്കിയിരിക്കുന്നത്. എന്നാല്‍ ആക്രമണം സംബന്ധിച്ച് അമേരിക്കന്‍ അധികൃതര്‍ ഇതുവരെ പ്രതികരിച്ചിട്ടില്ലെന്നാണ് റിപ്പോര്‍ട്ടുകള്‍.

ഇന്ത്യയെ മത സഹിഷ്ണുതയുടെ പേരില്‍ വിമര്‍ശിച്ച ആളാണ് അമേരിക്കന്‍ പ്രസിഡന്റ് ബരാക്ക് ഒബാമ. റിപ്പബ്ലിക് ദിനത്തില്‍ ഇന്ത്യ സന്ദര്‍ശിച്ച് മടങ്ങിയതിന് ശേഷമായിരുന്നു ഒബാമയുടെ വിമര്‍ശനം. ഇപ്പോള്‍ അമേരിക്കയില്‍ ഹിന്ദു ക്ഷേത്രങ്ങള്‍ ആക്രമിയ്ക്കപ്പെടുമ്പോള്‍ ഒബാമ എന്തായിരിയ്ക്കും പറയുക?

English summary

Hindu temple vandalised in US