ഫ്രഞ്ച് പ്രസിഡന്‍റിന്‍റെ രഹസ്യബന്ധം പുറത്ത്

പാരിസ്: ഫ്രാന്‍സ് പ്രസിഡന്റ് ഫ്രാങ്കോയിസ് ഹൊളണ്ടെയുടെ രഹസ്യ പ്രണയം പുറത്ത്. ഫ്രഞ്ച് മാഗസിനാണ് ഹൊളണ്ടെയും ഫ്രഞ്ച് നടി ജൂലി ഗായത്തും തമ്മിലുള്ള രഹസ്യ പ്രണയം പുറത്താക്കിയത്. വ്യക്തിയുടെ സ്വകാര്യതയില്‍ കടന്നുകയറ്റം നടത്തിയതിന് മാഗസിനെതിരെ നിയമ നടപടി സ്വീകരിയ്ക്കുമെന്ന് പ്രസിഡന്റ്.

51 കാരനായ ഹൊളണ്ടെ നടിയുടെ ഫഌറ്റില്‍ ഒരു രാത്രി ചെലവഴിച്ചതായി മാഗസിന്‍ റിപ്പോര്‍ട്ട് ചെയ്യുന്നു. വെള്ളിയാഴ്ചയാണ് റിപ്പോര്‍ട്ട് പുറത്ത് വിട്ടത്. പാരീസ് നഗരത്തിലൂടെ സ്‌കൂട്ടറില്‍ സഞ്ചരിച്ചാണ് ഹൊളണ്ടെ നടിയുടെ ഫഌറ്റില്‍ എത്തിയതെന്നാണ് മാഗസിന്‍ റിപ്പോര്‍ട്ട് ചെയ്യുന്നത്.

പ്രസിഡന്റ് ഫഌറ്റില്‍ എത്തുന്നതിന് മുന്‍പ് സുരക്ഷാ ഉദ്യോഗസ്ഥര്‍ പരിശോധന നടത്തിയതായും മാഗസിന്‍ റിപ്പോര്‍ട്ട് ചെയ്യുന്നു. പ്രണയത്തെ നിഷേധിച്ചിട്ടില്ലെങ്കിലും വാര്‍ത്തയ്‌ക്കെതിരെ രൂക്ഷമായ വിമര്‍ശനമാണ് അദ്ദേഹം ഉന്നയിച്ചത്. രാജ്യത്തെ പൗരന്മാരെപ്പോലെ തന്നെ തനിയ്ക്കും സ്വകാര്യതയ്ക്കുള്ള അവകാശമുണ്ടെന്ന് ഹൊളണ്ടെ പറഞ്ഞു.

English summary

French President Francois Hollande is threatening legal action over a magazine report saying he is having a secret affair with a French actress