• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സൗദി അറേബ്യയില്‍ ഹൂത്തികളുടെ മിസൈല്‍ ആക്രമണം; അബഹയില്‍ വിമാനം കത്തി

റിയാദ്: സൗദി അറേബ്യയിലെ അബഹയില്‍ ഹൂത്തി വിമതര്‍ നടത്തിയ മിസൈല്‍ ആക്രമണത്തില്‍ വിമാനം കത്തി. യാത്രാ വിമാനമാണ് കത്തിയത്. വിമാനത്താവളത്തില്‍ നിര്‍ത്തിയിട്ട വിമാനത്തിന് ആക്രമണത്തെ തുടര്‍ന്ന് തീപ്പിടിക്കുകയായിരുന്നു. തീ നിയന്ത്രണവിധേയമാക്കിയതെന്ന് ഉദ്യോഗസ്ഥരെ ഉദ്ധരിച്ച് സൗദി മാധ്യമങ്ങള്‍ റിപ്പോര്‍ട്ട് ചെയ്തു. യമനിലെ ഭൂരിഭാഗം പ്രദേശങ്ങളും നിയന്ത്രണത്തിലാക്കിയ ഷിയാ വിഭാഗമാണ് ഹൂത്തി വിമതര്‍. ഇവര്‍ക്ക് ഇറാന്റെ പിന്തുണയുണ്ട് എന്നാണ് സൗദിയുടെയും സഖ്യകക്ഷികളുടെയും ആരോപണം.

അടുത്തിടെ നിരവധി ആക്രമണങ്ങള്‍ സൗദിക്ക് നേരെ ഹൂത്തികള്‍ നടത്തിയിരുന്നു. റിയാദിനെ ലക്ഷ്യമിട്ടും മിസൈലുകള്‍ എത്തി. എന്നാല്‍ മിസൈലുകള്‍ ലക്ഷ്യം കാണുന്നതിന് മുമ്പ് തന്നെ സൗദി സൈന്യം തകര്‍ക്കുകയാണ് പതിവ്. ഇന്നുണ്ടായ ആക്രമണം അബഹ വിമാനത്താവളത്തെ ലക്ഷ്യമിട്ടായിരുന്നു. യമന്‍ അതിര്‍ത്തിയില്‍ നിന്ന് 120 കിലോമീറ്റര്‍ മാത്രം അകലെയാണ് അബഹ വിമാനത്താവളം. അതുകൊണ്ടുതന്നെ പലപ്പോഴും ഈ വിമാനത്താവളത്തിന് നേരെ ആക്രമണമുണ്ടായിട്ടുണ്ട്. ഹൂത്തികള്‍ ഇതിനോട് പ്രതികരിച്ചിട്ടില്ല.

മുസ്ലിം ലീഗ് കണ്ണുവച്ച മണ്ഡലം; ധര്‍മജനെ ഇറക്കണമെന്ന് കോണ്‍ഗ്രസ്, ചെന്നിത്തലയ്ക്ക് മുമ്പില്‍ പോസ്റ്റര്‍

ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍ത്താനി പുതിയ ലുക്കില്‍; ദോഹയിലെ പാര്‍ക്കില്‍ നിന്നുള്ള ചിത്രങ്ങള്‍

ഇന്ന് അതിരാവിലെ സൗദിയെ ലക്ഷ്യമിട്ട് രണ്ട് ഡ്രോണുകള്‍ ഹൂത്തികള്‍ തൊടുത്തുവിട്ടിരുന്നു. ഇവ രണ്ടും സൗദി സഖ്യസേന തകര്‍ത്തു. പിന്നാലെയാണ് അബഹ വിമാനത്താവളത്തിന് നേരെ ആക്രമണമുണ്ടായതത്രെ. കഴിഞ്ഞ ഞായറാഴ്ചയും തിങ്കളാഴ്ചയും സൗദിയിലേക്ക് മിസൈല്‍ ആക്രമണം നടത്തിയിരുന്നു ഹൂത്തികള്‍. 2015ല്‍ തുടങ്ങിയ യമന്‍ യുദ്ധമാണ് ഹൂത്തികള്‍ സൗദിയിലേക്ക് ആക്രമണം നടത്താന്‍ കാരണം. യുദ്ധം ഇപ്പോഴും തുടരുകയാണ്. യമനില്‍ സമാധാന ശ്രമങ്ങള്‍ സൗദിയും യുഎന്നും നടത്തുന്നുണ്ട്. ലോകത്ത് കടുത്ത ദാരിദ്ര്യം അനുഭവിക്കുന്ന രാജ്യങ്ങളിലൊന്നാണ് യമന്‍. യുദ്ധം കാരണം ഇവിടേക്കുള്ള സഹായ വസ്തുക്കള്‍ എത്തിക്കാനും പ്രയാസം നേരിടുന്നുണ്ട്.

എന്‍സിപിക്ക് 5 സീറ്റ് നല്‍കാന്‍ കോണ്‍ഗ്രസ്; പാലായില്‍ മാണി സി കാപ്പന്‍ യുഡിഎഫ് സ്ഥാനാര്‍ഥി; സ്വതന്ത്ര ചിഹ്നം

cmsvideo
    Fake video against farmers protest

    English summary
    Houthis attack Abha airport in Saudi Arabia and set plane on fire
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X