നിങ്ങളുടെ വിവാഹം ബഹിരാകാശത്ത് വെച്ച് നടത്തിയാലോ? 6 മണിക്കൂർ ആഘോഷമാക്കാം; ചെലവും വിശദവിവരങ്ങളും
വിവാഹം ഏതൊരു വ്യക്തിയുടെ ജീവിതത്തിലേയും ഏറ്റവും പ്രധാനപ്പെട്ട കാര്യമാണ്. തങ്ങളുടെ ജീവിതത്തിലെ ഏറ്റവും വിശേഷപ്പെട്ട, മനോഹരമായ ദിവസം ആഘോഷമാക്കാൻ പുതിയപുതിയ ആശയങ്ങൾ ഉൾപ്പെടുത്തി ആ ദിവസത്തെ ഏറ്റവും മികച്ച ദിവസങ്ങളിൽ ഒന്നാക്കാൻ ശ്രമിക്കാറുമുണ്ട്. ചിലർ വിവാഹം നടത്താൻ ഇവന്റ് മാനേജ്മെന്റ് ഗ്രൂപ്പുകളെ ഏൽപ്പിക്കും, ചിലരാണെങ്കിൽ പുതിയ ട്രെന്റ് പരീക്ഷിക്കും. ഇപ്പോഴത്തെ ഏറ്റവും വലിയ ട്രെന്റ് ഡെസ്റ്റിനേഷൻ വെഡ്ഡിംഗ് ആണ്.
ഡെസ്റ്റിനേഷൻ വെഡ്ഡിംഗ് വൻ ഹിറ്റാണ്. വിമാനത്തിൽ വെച്ചും കടൽത്തീരത്ത് വെച്ചും ഒക്കെ വിവാഹം നടത്തുന്നുണ്ട്. മലകളിലും കോട്ടകളിലും വെച്ചും ചിലർ അവരുടെ വിവാഹം നടത്തുന്നു. എന്നാൽ ഇനി കളി മാറും. നിങ്ങൾ നിങ്ങളുടെ വിവാഹം വ്യത്യസ്തമായി നടത്താൻ ആഗ്രഹിക്കുന്ന ആളാണെങ്കിൽ ഇനി പറയാൻ പോകുന്ന കാര്യം കേട്ടാൽ നിങ്ങൾ ഞെട്ടും. ഇതുവരെ ഉണ്ടായിരുന്ന എല്ലാ ട്രെന്റിനേയും കടത്തിവെട്ടുന്ന പുതിയൊരു ആശയമാണ് ഇപ്പോൾ വൈറലാവുന്നത്.
ഭൂമിയിൽ കല്യാണം, സ്വർഗത്തിൽ കല്യാണം എന്നുപറഞ്ഞു കേട്ടിട്ടില്ലേ. ഇനി ബഹരാകാശത്ത് പോയി കല്യാണം കഴിച്ചാലോ, അതെ നിങ്ങൾക്ക് നിങ്ങളുടെ വിവാഹം അങ്ങ് ബഹിരാകാശത്ത് വെച്ച്, ഭൂമിയിൽ നിന്ന് 1,00,000 അടി മുകളിൽ വെച്ച് നടത്താം, വെറുതേ പറയുന്നതല്ല. സ്പേസ് പെഴ്സ്പെക്റ്റീവ് എന്നറിയപ്പെടുന്ന ഒരു കമ്പനിയാണ് ഈ ആശയം നടപ്പാക്കുന്നത്. ദമ്പതികളെ അവരുടെ മഹത്തായ ദിനം കൂടുതൽ സവിശേഷമാക്കാൻ സഹായിക്കുന്നതിന് വേണ്ടിയാണ് സ്വപ്നതുല്യമായ ഈ ആശയം കൊണ്ടുവന്നതെന്നാണ് ഇവർ പറയുന്നത്..
ഭൂമിയുടെ ഏറ്റവും മികച്ച കാഴ്ചയ്ക്കായി അവ വലിയ ജാലകങ്ങളുള്ള ഒരു കാർബൺ-ന്യൂട്രൽ ബലൂണിൽ അവയെ ഭ്രമണപഥത്തിലേക്ക് അയയ്ക്കുന്നു. "സ്പേസ് പെർസ്പെക്റ്റീവ് നിങ്ങളുടെ യാത്ര ആഹ്ലാദകരവും ആഘോഷപൂർണവുമാക്കാൻ രൂപകൽപ്പന ചെയ്തിരിക്കുന്നു, ശാന്തമായി ചെലവിടാനുള്ള സമയം ലഭിക്കും. ബഹിരാകാശയാത്രികർ ബഹിരാകാശത്ത് നിന്ന് കാണുമ്പോൾ അവരുടെ കാഴ്ചപ്പാട് എന്നെന്നേക്കുമായി മാറ്റിമറിക്കുന്ന ഒരു അനുഭവമാണ് ഉണ്ടാവുന്നതെന്നാണ് പറയുന്നത്.
ആറ് അവിസ്മരണീയമായ മണിക്കൂർ ബഹിരാകാശത്ത് ചെലവഴിക്കാം. ബഹിരാകാശത്തിന്റെ അറ്റത്ത്, മുകളിൽ നിന്ന് നിങ്ങളുടെ വീടിലേക്ക് നോക്കിയിരിക്കുന്ന ഭാഗ്യശാലികളായ കുറച്ച് ആലോചിക്കൂ, ഏകദേശം 600-ഓളം പേർക്ക് മാത്രമാണ് ഈ അവസരം, കമ്പനി പറയുന്നു.
"മറ്റെല്ലാ ബഹിരാകാശ പേടകങ്ങളിൽ നിന്നും വ്യത്യസ്തമായി, ക്രൂഡ് കമ്പാർട്ട്മെന്റ് ഒരു ഫ്ലൈറ്റ് സിസ്റ്റത്തിൽ നിന്ന് വേർപെടുത്തി മറ്റൊരു ഫ്ലൈറ്റ് സിസ്റ്റത്തിലേക്ക് മാറ്റിയാണ് പ്രവർത്തിക്കുന്നതെന്നാണ് പറയുന്നത്. സ്പേസ്ഷിപ്പ് നെപ്ട്യൂണിന്റെ ക്യാപ്സ്യൂൾ ലിഫ്റ്റ്ഓഫ് മുതൽ സ്പ്ലാഷ്ഡൗൺ വരെയുള്ള മുഴുവൻ ഫ്ലൈറ്റും സ്പേസ് ബലൂണിലേക്ക് സുരക്ഷിതമായി തുടരുന്നു, ഇത് തടസ്സങ്ങളില്ലാതെ സുരക്ഷിതവും സൗമ്യവുമായ യാത്ര സൃഷ്ടിക്കുന്നു, കമ്പനി പറയുന്നു.
സ്പേസ്ഷിപ്പ് നെപ്ട്യൂൺ ഫ്ളൈറ്റ് ആറ് മണിക്കൂർ ആണ് നീണ്ടുനിൽക്കുന്നത്. അതിഥികളെ ഭൂമിയിൽ നിന്ന് 1,00,000 അടി ഉയരത്തിൽ എത്തിക്കുകയും തിരിച്ചുകൊണ്ടുവരികയും ചെയ്യും. 2024-ൽ ആണ് പദ്ധതി ആരംഭിക്കുന്നത്. 1,000 ടിക്കറ്റുകൾ ഇതുവരെ വിറ്റ് കഴിഞ്ഞു .എന്നാൽ ഒരാൾക്ക് ഒരു കോടി രൂപയോളം ചിലവ് വരും.
Click it and Unblock the Notifications
Sign in with Google