ആ ബംഗ്ലാവില് കയറിയ എല്ലാ സ്ത്രീകള്ക്കും ഒപ്പം ശയിച്ചവന്... പ്ലേ ബോയ് സ്ഥാപകന് ഇനി നിത്യനിദ്ര
ബെവെര്ലി ഹില്സ്(കാലിഫോര്ണിയ): ഒരുകാലത്ത് യുവാക്കളുടെ രക്തയോട്ടം കൂട്ടിയ പ്ലേ ബോയ് മാഗസിന്റെ സ്ഥാപകന് ഹ്യൂ ഹെഫ്നര് ഓര്മയായി. തന്റെ 91-ാം വയസ്സില് ആയിരുന്നു ആ വിവാദ നായകന്റെ മരണം.
പടികയറിയാല് കിടപ്പറ പങ്കിടാതെ ഇറങ്ങാനാവില്ല, പ്ലേബോയ് മാൻഷനെ കുറിച്ചുള്ള 'ഡേര്ട്ടി സീക്രട്ട്സ്'
പ്ലേ ബോയ് മാഗസിന് പോലെ തന്നെ കുപ്രസിദ്ധമായ പ്ലേ ബോയ് മാന്ഷനില് വച്ച് തന്നെ ആയിരുന്നു ഹെഫ്നറുടെ മരണം. പ്ലേ ബോയ് എന്റര്പ്രൈസസ് ആണ് മരണ വിവരം പുറത്ത് വിട്ടത്.
വിവാദപൂര്ണവും സംഭവ ബഹുലവും ആയിരുന്നു ഹെഫ്നറുടെ ജീവിതം. അതില് ഏറ്റവും വിവാദമായത് പ്ലേ ബോയ് മാന്ഷന് എന്ന ആ ബംഗ്ലാവ് തന്നെ ആയിരുന്നു.
വെറും കോപ്പി എഡിറ്റര്
എസ്ക്വയര് മാഗസിനില് വെറും ഒരു കോപ്പി എഡിറ്റര് ആയിരുന്നു ഹ്യൂ ഹെഫ്നര്. എന്നാല് പിന്നീട് ഫാഷന് തരംഗങ്ങള് സൃഷ്ടിച്ച് ലോകം കീഴടക്കി ഹ്യൂ ഹെഫ്നര്.
മെര്ലിന് മണ്റോ
എക്സ്ക്വയറുമായി തെറ്റിപ്പിരിഞ്ഞാണ് ഹെഫ്നര് പ്ലേ ബോയ് മാഗസിന് തുടങ്ങുന്നത്. അന്നത്തെ ഹോട്ടെസ്റ്റ് സെലിബ്രിറ്റി ആയിരുന്ന മെര്ലിന് മണ്റോ ആയിരുന്നു ആദ്യത്തെ മോഡല്.
കോടീശ്വരന്
പിന്നീട് കണ്ടത് പ്ലേ ബോയ് മാഗസിന്റേയും ഹ്യൂ ഹെഫ്നറുടേയും വന് വളര്ച്ചയായിരുന്നു. ലോകമെങ്ങും പ്ലേ ബോയ് ചര്ച്ചയായി. മേഡലുകള് പ്ലേബോയില് ചിത്രം അടിച്ചുവരാന് കാത്തിരുന്നു. ഹെഫ്നര് കോടീശ്വരാനായി.
പ്ലേ ബോയ് ആയി മാറിയ ഹെഫ്നര്
മാഗസിന്റെ പേര് പോലെ തന്നെ ആയി പിന്നീട് ഹെഫ്നറുടെ ജീവതം. ഒരു പ്ലേ ബോയ് ആയി. അവിഹിത കഥകളുടെ കൂമ്പാരമായിരുന്നു ഹെഫ്നറുടെ ജീവിതം.
പ്ലേബോയ് മാന്ഷന്
ഹെഫ്നറേക്കാള് വിവാദമായത് അദ്ദേഹത്തിന്റെ പ്ലേ ബോയ് മാന്ഷന് എന്ന ബംഗ്ലാവായിരുന്നു. ഒരു കാലത്ത് ഗോസിപ്പ് കോളങ്ങളിലെ ചൂടന് വാര്ത്തകളായിരുന്നു ആ ബംഗ്ലാവില് നിന്ന പുറത്ത് വന്നിരുന്നത്.
കിടക്കപങ്കിടാതെ വിടില്ല
പ്ലേ ബോയ് മാന്ഷനില് ഏതെങ്കിലും ഒരു സ്ത്രീ കയറിയിട്ടുണ്ടെങ്കില് അവര് ഹെഫ്നറുമായി കിടക്ക പങ്കിട്ടിട്ടുണ്ടാകും എന്നാണ് ചൊല്ല്. അങ്ങനെ ഒരു ചട്ടം തന്നെ അവിടെ ഉണ്ടായിരുന്നു എന്നും പറയപ്പെടുന്നുണ്ട്.
മോഡലുകള് ക്യൂ നിന്നു
ഇങ്ങനെയൊക്കെ ആണെങ്കിലും പ്ലേ ബോയ് മാന്ഷനില് കയറിപ്പറ്റാന് മോഡലുകളുടെ തിരക്ക് തന്നെ ആയിരുന്നു. ഒറ്റ കവര് ചിത്രം കൊണ്ട് അവരെ ലോകത്തിന്റെ നെറുകയില് എത്തിക്കാന് ഹെഫ്നര്ക്ക് കഴിയും എന്നത് തന്നെ ആയിരുന്നു പ്രത്യേകത.
ഹോളി മാഡിസന്റെ വെളിപ്പെടുത്തല്
പ്രസിദ്ധ മോഡല് ആയിരുന്ന ഹോളി മാഡിസണ് പ്ലേ ബോയ് മാന്ഷനെ കുറിച്ച് നടത്തിയ വെളിപ്പെടുത്തലുകള് ഞെട്ടിപ്പിക്കുന്നതായിരുന്നു. ജയിലില് അകപ്പെട്ടതുപോലെയാണ് പ്ലേ ബോയ് മാന്ഷനില് കുടുങ്ങിയാല് എന്നതായിരുന്നു അത്. മാഡിസണും പ്ലേ ബോയ് മാന്ഷനിലെ അന്തേവാസി ആയിരുന്നു ഒരിക്കല്.
അശ്ലീല ചിത്രങ്ങള് കാണിക്കും
പ്ലേ ബോയ് മാന്ഷനിലെ അന്തേവാസികളായ സ്ത്രീകളെ അശ്ലീല ദൃശ്യങ്ങള് കാണിക്കുന്നതും ഹെഫ്നര് പതിവാക്കിയിരുന്നത്രെ. അതും തന്റെ തന്നെ അശ്ലീല വീഡിയോകള്.
ഒടുവില് സംഭവിച്ചത്
കാര്യങ്ങള് ഇങ്ങനെയൊക്കെ ആണെങ്കിലും അവസാന കാലം എത്തിയപ്പോഴേക്കും ഹെഫ്നര് കുറേയൊക്കെ ഒതുങ്ങിയിരുന്നു. പ്ലേ ബോയ് മാഗസിന് ഇടയ്ക്ക് വച്ച് നഗ്ന ചിത്രങ്ങള് പ്രസിദ്ധീകരിക്കുന്നത് പോലും നിര്ത്തിവച്ചു.