പരപുരുഷബന്ധം,യുവാവ് ഭാര്യയെ കാട്ടിലുപേക്ഷിച്ചു
കൊളംബോ: പരപുരുഷ ബന്ധം ആരോപിച്ച ഭര്ത്താവ് ഭാര്യയെ കാട്ടിലുപേക്ഷിച്ചു. അബിദിയഗാമയിലാണ് സംഭവം. ഒരു ബന്ധുവീട്ടിലേയ്ക്ക ഭാര്യയെ കൂട്ടിക്കൊണ്ട് പോയ യുവാവ് അവിടെയെത്തിയ ശേഷം ഭാര്യയെ വനത്തിലേക്ക് കൂട്ടിക്കൊണ്ട് പോയി ഉപേക്ഷിയ്ക്കുകയായിരുന്നു. തന്റെ മകളെ ബന്ധു വീട്ടീല് ഏല്പ്പിച്ച ശേഷമാണ് ഭര്ത്താവ് ഭാര്യയെ ഉപേക്ഷിച്ചത്.
സ്ത്രീയ്ക്ക മറ്റ് പലപുരുഷന്മാരുമായി ബന്ധമുണ്ടെന്ന് ഭര്ത്താവ് സംശയിച്ചിരുന്നു. ഇതിനെച്ചൊല്ലി ഇവര് നിരതന്തം കലഹിച്ചിരുന്നു. സംഭവം ദിവസം വളരെ അകലെയുള്ള ബന്ധു വീട്ടിലേയ്ക്കെന്ന് പറഞ്ഞാണ് യുവാവ് ഭാര്യയെയും കുഞ്ഞിനെയും കൂട്ടി പോയത്.ബന്ധു വീട്ടിലേയ്ക്കുള്ള യാത്രയ്ക്കിടയിലും ഇരുവരും കലഹിച്ചിരുന്നു. ബന്ധു വീട്ടിലെത്തി കുഞ്ഞിനെ ഏല്പ്പിച്ച ശേഷം യുവാവ് ഭാര്യയെയും കൂട്ടി പുറത്തേയ്ക്കിറങ്ങി.
കാട്ടിനുള്ളിലേയ്ക്ക് സ്ത്രീയേയും കൂട്ടി പോയ യുവാവ് അവരെ മര്ദ്ദിച്ചവശയാക്കിയ ശേഷം ഓടിപ്പോവുകയായിരുന്നു. മണിയ്ക്കൂറുകളോളം കാട്ടില് സ്ത്രീ ഒറ്റയ്ക്ക് അലഞ്ഞ് തിരിഞ്ഞു. കാട്ടിനുള്ളില് ഉണ്ടായിരുന്ന ഒരു യുവാവാണ് സ്ത്രീയുടെ കരച്ചില് കേള്ക്കുകയും അവരെ രക്ഷിച്ച് ആശുപത്രിയില് എത്തിയ്ക്കുകയും ചെയ്തത്. തന്നെ ഭര്ത്താവ് കാട്ടില് ഉപേക്ഷിച്ച കാര്യം സ്ത്രീ ആശുപത്രി അധികൃതരോട് പറഞ്ഞു. സ്ത്രീയുടെ പരാതിയെത്തുടര്ന്ന് ഭര്ത്താവിനെ പൊലീസ് അറസ്റ്റ് ചെയ്തു.