മെക്സിക്കന് കുടിയേറ്റത്തിന്റെ ദയനീയ ദൃശ്യം; ശ്വാസം നിലച്ച അച്ഛനും മകളും!! കണ്ണുനനയിക്കും
വാഷിങ്ടണ്: ലോകം ഇന്ന് ഏറ്റവും കൂടുതല് ചര്ച്ച ചെയ്യുന്ന വിഷയം അമേരിക്കയിലേക്കുള്ള കുടിയേറ്റമാണ്. കഴിഞ്ഞദിവസം ലോക മാധ്യമങ്ങള് പുറത്തുവിട്ട ദനയീയ കാഴ്ച സമ്മാനിക്കുന്ന ചിത്രമാണ് ഇതിന് കാരണം. കുടിയേറ്റ ശ്രമത്തിനിടെ പുഴയില് മുങ്ങിമരിച്ച അച്ഛനും മകളും. അച്ഛന്റെ തോളില് പിടിച്ച് രക്ഷപ്പെടാന് ശ്രമിക്കുന്നതിനിടെ ജീവന് നഷ്ടമായ രണ്ടുവയസുകാരി മകള്. കരയ്ക്കടിഞ്ഞ വേളയിലും അച്ഛന്റെ തോളില് നിന്ന് കുഞ്ഞ് കൈകളെടുത്തിട്ടില്ല.
മെക്സിക്കോയില് നിന്ന് അമേരിക്കയിലേക്കുള്ള കുടിയേറ്റം എത്രത്തോളം ഭീതിതമാണ് എന്നതിന്റെ നേര്ക്കാഴ്ചയാണ് മെക്സിക്കന് പത്രമായ ലാ ജോര്നാദ പുറത്തുവിട്ട ചിത്രം. അസോഷ്യേറ്റഡ് പ്രസ് ആണ് ഇത് ലോക മാധ്യമങ്ങള്ക്ക് സമ്മാനിച്ചത്. എല് സാല്വദോറില് നിന്ന് മെക്സിക്കോ വഴി അമേരിക്കയിലേക്ക് കുടിയേറാന് ശ്രമിച്ചതായിരുന്നു ഓസ്കാര് ആല്ബര്ട്ടോ മാര്ട്ടിനസ് റാമിറസിന്റെ കുടുംബം. എന്നാല് റിയോ ഗ്രാന്ഡെ കടക്കാന് ശ്രമിക്കുന്നതിനിടെ മുങ്ങി മരിച്ചു. ഓസ്കാര് മാത്രമല്ല, മകള് വാലേറിയയും... കുഞ്ഞിന്റെ അമ്മ താനിയ വനേസ്സ അവലോസ് നദിയുടെ അക്കരെ മെക്സിക്കോയിലാണ്.
മെക്സിക്കന് മാധ്യമം ചിത്ര സഹിതം വാര്ത്ത പുറത്തുവിട്ടതോടെ ലോക ശ്രദ്ധ അമേരിക്കന് കുടിയേറ്റത്തിലേക്ക് തിരിഞ്ഞിരിക്കുന്നു. വത്തിക്കാന് മുതല് അമേരിക്കന് കോണ്ഗ്രസ് വരെ വിഷയം ചര്ച്ചയായി. യൂറോപ്പ്യന് രാജ്യങ്ങളെല്ലാം സംഭവത്തില് നടുക്കവും ദുഖവും രേഖപ്പെടുത്തി. കുടിയേറ്റക്കാരെ തടയുന്ന പ്രസിഡന്റ് ട്രംപിന്റെ നടപടികള് മയപ്പെടുത്താന് ഈ ഫോട്ടോ കാരണമാകട്ടെ എന്ന ഡെമോക്രാറ്റ് നേതാക്കള് പ്രതികരിച്ചു. എന്നാല് കുടിയേറ്റം അവസാനിപ്പിക്കുന്നതിന് തടസം ഡെമോക്രാറ്റുകളാണെന്ന് ട്രംപ് പ്രതികരിച്ചു. മെക്സിക്കോ വഴിയുള്ള കുടിയേറ്റം തടയുകയാണ് ഇത്തരം ദുരന്തങ്ങള് അവസാനിപ്പിക്കാന് ഏക മാര്ഗമെന്ന് ട്രംപ് പ്രതികരിച്ചു.
ആഭ്യന്തര യുദ്ധം രൂക്ഷമായ സിറിയയില് നിന്ന് യൂറോപ്പിലേക്കുള്ള പലായനത്തിനിടെ കടലില് മുങ്ങി മരിച്ച ഐലന് കുര്ദി എന്ന പിഞ്ചുബാലന്റെ കരയ്ക്കടിഞ്ഞ മൃതദേഹം... രണ്ടു വര്ഷം മുമ്പ് ലോകം ഏറെ നടുക്കത്തോടെയാണ് ഐലന് കുര്ദിയുടെ ചേതനയറ്റ ശരീരം കണ്ടത്. മ്യാന്മറില് സൈനിക ആക്രമണം ഭയന്ന് പലായനം ചെയ്യുന്ന റോഹിന്ഗ്യന് മുസ്ലിംകളില് ഏറെ പേരും കടലില് മുങ്ങി മരിക്കുന്നു. ലോകം നേരിടുന്ന പ്രധാന പ്രതിസന്ധിയായ കുടിയേറ്റ വിഷയത്തില് പരിഹാരം കാണാന് ലോകനേതാക്കള്ക്ക് ഇതുവരെ സാധിച്ചിട്ടില്ല.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google