സൗദിയില്‍ അങ്ങനെ സ്ത്രീകളും വോട്ട് ചെയ്യുന്നു... ഇതാ രണ്ട് പേര്‍

റിയാദ്: സ്ത്രീ സ്വാതന്ത്ര്യത്തിന് ഏറെ നിയന്ത്രണങ്ങളുളള രാജ്യമാണ് സൗദി അറേബ്യ. എന്നാല്‍ അവരും ഇപ്പോള്‍ മാറ്റത്തിന്റെ പാതയിലാണ്. ചരിത്രത്തിലാദ്യമായി സൗദിയിലെ സ്ത്രീകള്‍ തിരഞ്ഞെടുപ്പില്‍ പങ്കാളികളാവുകയാണ്.

ഈ വര്‍ഷം അവസാനം നടക്കാനിരിയ്ക്കുന്ന മുനിസിപ്പല്‍ തിരഞ്ഞെടുപ്പിന് വോട്ടര്‍മാര്‍ പേര് രജിസ്റ്റര്‍ ചെയ്ത് തുടങ്ങിയിരിയ്ക്കുന്നു. ഭരണകൂടം അനുകൂല നിലപാടെടുത്തിട്ടും സൗദിയിലെ സ്ത്രീകളുടെ പ്രതികരണം തികച്ചും തണുപ്പന്‍ മട്ടിലാണെന്ന് പറയാതെ വയ്യ.

രണ്ട് പേരാണ് ഇതുവരെ പേര് രജിസ്റ്റര്‍ ചെയ്തിട്ടുള്ളത്. ജമാല്‍ അല്‍ സാദിയും സഫിനാസ് അല്‍ ഷമാത്തും. മക്കയിലേയും മദീനയിലേയും തിരഞ്ഞെടുപ്പ് ഓഫീസുകളിലാണ് ഇവര്‍ പേര് രജിസ്റ്റര്‍ ചെയ്തിട്ടുള്ളത്.

21 ദിവസം മാത്രമാണ് ഇനി വോട്ടര്‍മാര്‍ക്ക് പേര് രജിസ്റ്റര്‍ ചെയ്യാന്‍ മുന്നില്‍ അവശേഷിച്ചിട്ടുള്ളത്. എത്ര പേര്‍ വോട്ടെടുപ്പില്‍ പങ്കാളികളാകാന്‍ മുന്നോട്ട് വരും എന്നതാണ് ഇനിയുള്ള ചോദ്യം. 2011 ല്‍ അബ്ദുള്ള രാജാവ് സ്ത്രീകള്‍ക്കും വോട്ടെടുപ്പില്‍ പങ്കാളികളാകാം എന്ന് വ്യക്തമാക്കിയിരുന്നെങ്കിലും അത്തവണ പങ്കാളിത്തം തീരെ ഉണ്ടായിരുന്നില്ല. ഇത് ഓണ്‍ലൈന്‍ ലോകത്ത് വലിയ ചര്‍ച്ചകള്‍ക്ക് ഇടയാക്കിയിരുന്നു.

English summary

Women are registering to vote in national elections for the first time in the history of Saudi Arabia.