സൗദി അറേബ്യ തീരുമാനം പ്രഖ്യാപിച്ചു.. മുതലെടുക്കാന് ഇന്ത്യയും: റഷ്യയുടെ വിഹിതം വീണ്ടും കുറഞ്ഞേക്കും
സൗദി അറേബ്യയില് നിന്നും ക്രൂഡ് ഓയിലിന്റെ ഇറക്കുമതി വർദ്ധിപ്പിക്കാൻ ഇന്ത്യൻ പൊതുമേഖല റിഫൈനർമാരായ ഇന്ത്യൻ ഓയിൽ കോർപ്പറേഷൻ (ഐഒസി), ഭാരത് പെട്രോളിയം കോർപ്പറേഷൻ (ബിപിസിഎൽ) എന്നിവർ സജീവമായി ശ്രമിക്കുന്നതായി അന്താരാഷ്ട്ര വാർത്താ ഏജൻസിയായ റോയിട്ടേഴ്സ് റിപ്പോർട്ട്.
ഫെബ്രുവരിയിലെ പ്രധാന കയറ്റുമതി ഗ്രേഡിന്റെ ഔദ്യോഗിക വിൽപ്പന വില 27 മാസത്തെ ഏറ്റവും താഴ്ന്ന നിലയിലേക്ക് സൗദി അറേബ്യ അടുത്തിടെ കുറച്ചിരുന്നു. ഇതോടെയാണ് സൗദിയില് നിന്നും കൂടുതല് ക്രൂഡ് ഓയില് വാങ്ങാന് ഇന്ത്യന് പൊതുമേഖല സ്ഥാപനങ്ങള് തീരുമാനിച്ചത്. ഐ ഒ സിയും ബി പി സിഎല്ലും ഫെബ്രുവരിയിൽ സൗദി അരാംകോയിൽ നിന്ന് 1 മില്യൺ ബാരൽ വീതം എണ്ണ അധികമായി വാങ്ങുന്ന കാര്യം പരിഗണിക്കുന്നതായി വാർത്താ ഏജൻസി വൃത്തങ്ങളെ ഉദ്ധരിച്ച് റോയിട്ടേഴ്സ് റിപ്പോർട്ട് ചെയ്യുന്നു.
സാധാരണഗതിയിൽ, സൗദി അരാംകോ ഏഷ്യൻ രാജ്യങ്ങളുടെ അവരുടെ പ്രതിമാസ ക്രൂഡ് വിഹിതം ഓരോ മാസവും 10-ാം തീയതിയോടെ അറിയിക്കും. സൗദി അറേബ്യയിൽ നിന്നും പശ്ചിമാഫ്രിക്കയിൽ നിന്നും കൂടുതൽ എണ്ണ വാങ്ങാനുള്ള ഐഒസിയുടെ താൽപ്പര്യത്തിന് പിന്നിലെ ഒരു പ്രധാന കാരണം പേയ്മെന്റ് ബുദ്ധിമുട്ടുകൾ കാരണം റഷ്യൻ ലൈറ്റ് സ്വീറ്റ് ക്രൂഡ് സോക്കോൾ വാങ്ങുന്നതിൽ നേരിടുന്ന വെല്ലുവിളിയാണ്.
ലോകത്തിലെ മൂന്നാമത്തെ വലിയ എണ്ണ ഇറക്കുമതിക്കാരനും ഉപഭോക്താവുമായ ഇന്ത്യ, അടുത്തിടെ റഷ്യൻ ക്രൂഡിനെ ആശ്രയിക്കുന്നത് വർദ്ധിപ്പിച്ചിരുന്നു. ഉക്രൈന് അധിനിവേശത്തിന് പിന്നാലെ റഷ്യയില് നിന്ന് പാശ്ചാത്യ രാജ്യങ്ങൾ എണ്ണ വാങ്ങാൻ വിസമ്മതിച്ചതിനെത്തുടർന്ന് ഇന്ത്യ ഉള്പ്പെടേയുള്ള രാജ്യങ്ങള്ക്ക് വലിയ വിലക്കുറവിലാണ് റഷ്യ ക്രൂഡ് ഓയില് നല്കുന്നത്. ഇതോടെയാണ്, ഇറാഖിനെയും സൗദി അറേബ്യയെയും യഥാക്രമം രണ്ടും മൂന്നും സ്ഥാനങ്ങളിലേക്ക് മാറ്റി റഷ്യ ഇന്ത്യയുടെ ഏറ്റവും വലിയ എണ്ണ വിതരണക്കാരായി മാറുന്നത്.
എന്നാല് പേയ്മെന്റിലെ ചില വിഷയങ്ങള് കാരണം നിരവധി ടാങ്കറുകൾ കഴിഞ്ഞ രണ്ട് മാസത്തിനുള്ളിൽ വഴിതിരിച്ചുവിട്ടിരുന്നു. ഇത് ഡിസംബറിൽ ഇന്ത്യയുടെ റഷ്യൻ എണ്ണ ഇറക്കുമതി 11 മാസത്തെ ഏറ്റവും താഴ്ന്ന നിലയിലേക്ക് എത്തിക്കാനും കാരണമായി. അതേസമയം, എന്നിരുന്നാലും, പേയ്മെന്റ് പ്രശ്നങ്ങളേക്കാൾ ആകർഷകമല്ലാത്ത വിലയാണ് ഇന്ത്യയുടെ റഷ്യൻ എണ്ണയുടെ ഇറക്കുമതി കുറയാൻ കാരണം എന്നാണ് കേന്ദ്ര എണ്ണ മന്ത്രി ഹർദീപ് സിംഗ് പുരി അവകാശപ്പെടുന്നത്.
റോസ്നെഫ്റ്റുമായുള്ള വാർഷിക കരാർ പ്രകാരം എല്ലാ മാസവും 6-7 ചരക്ക് സോക്കോൾ ഓയിൽ ലഭിച്ചിരുന്ന ഐഒസി, റഷ്യൻ എണ്ണ വിതരണത്തിലെ നഷ്ടം നികത്താൻ അറബ് രാഷ്ട്രങ്ങള്ക്ക് പുറമെ പശ്ചിമ ആഫ്രിക്കൻ നിർമ്മാതാക്കളായ നൈജീരിയയിൽ നിന്നും അംഗോളയിൽ നിന്നും അധിക വിതരണം ആവശ്യപ്പെട്ടേക്കാം.
Click it and Unblock the Notifications
Sign in with Google