Click it and Unblock the Notifications
Just In
Don't Miss
-
കൊളസ്ട്രോള് കൂടിയാല് പെട്ടെന്ന് തിരിച്ചറിയാം; ആരും ശ്രദ്ധിക്കാത്ത ഈ ലക്ഷണങ്ങളിലൂടെ -
മാരുതി ഏരിയയിലേ ഇല്ല, ഇന്ത്യയില്‍ ഏറ്റവും കൂടുതല്‍ വിറ്റഴിക്കുന്ന എസ്യുവികള് രണ്ടും ടാറ്റയുടേത് -
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
IPL 2024: എല്ലാം തിരക്കഥ? 17ാം സീസണിലെ തട്ടിപ്പിന് തെളിവുണ്ട്? സഞ്ജുവിന്റെ രാജസ്ഥാനും പങ്ക്! -
50 രൂപയിൽ താഴെയുള്ള പവർ സ്റ്റോക്ക്, ഒരു വർഷത്തെ നേട്ടം 400%, ഓഹരി കയ്യിലുണ്ടെങ്കിൽ വിൽക്കണോ...? -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും.. -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം
സൗദിയിലേക്ക് ഇന്ത്യ കൊറോണ വാക്‌സിന്‍ അയക്കും; വിദേശ രാജ്യങ്ങള്‍ക്ക് ആശ്വാസം പകരും
ദില്ലി/റിയാദ്: വിദേശരാജ്യങ്ങള്‍ക്ക് ഇന്ത്യ നിര്‍മിച്ച കൊറോണ വാക്‌സിന്‍ നല്‍കാന്‍ തീരുമാനം. നേപ്പാളിന് വാക്‌സിന്‍ നല്‍കി തുടങ്ങി. കാഠ്മണ്ഡു വിമാനത്താവളത്തില്‍ ഇന്ത്യയില്‍ നിന്നുള്ള വാക്‌സിനുകള്‍ എത്തി. ബ്രസീല്‍, മൊറോക്കോ എന്നീ രാജ്യങ്ങളിലേക്കും അയക്കും. ശേഷം സൗദി അറേബ്യ, ദക്ഷിണാഫ്രിക്ക എന്നീ രാജ്യങ്ങള്‍ക്കും കൊറോണ വാക്‌സിന്‍ നല്‍കാന്‍ ഇന്ത്യയ്ക്ക് പദ്ധതിയുണ്ട്. സൗദിയില്‍ ഫൈസര്‍ വാസ്‌കിന്‍ വിതരണം നടക്കുന്നുണ്ട്. അതിന് പുറമെയാണ് മറ്റു രാജ്യങ്ങളില്‍ നിന്നുള്ളവ ഇറക്കുമതി ചെയ്യാന്‍ ആലോചിക്കുന്നത്. സൗദിയില്‍ സൗജന്യമായിട്ടാണ് വാക്‌സിനേഷന്‍ നടക്കുന്നത്.
കൊറോണ വാക്‌സിന്‍ പ്രതിരോധ വിഷയത്തില്‍ ലോക രാജ്യങ്ങളുമായി സഹകരിച്ചു പ്രവര്‍ത്തിക്കുമെന്ന് ഇന്ത്യ നേരത്തെ വ്യക്തമാക്കിയിരുന്നു. വൈറസിനെ തുരത്തുന്നതില്‍ ഇന്ത്യ മുഖ്യപങ്ക് വഹിക്കുമെന്ന് പ്രധാനമന്ത്രി നരേന്ദ്ര മോദി പ്രഖ്യാപിക്കുകയും ചെയ്തിരുന്നു. ഇന്ത്യയില്‍ നിന്നുള്ള വാക്‌സിനുകള്‍ വിദേശ രാജ്യങ്ങള്‍ കൂടുതലായി ആവശ്യപ്പെടുന്നുണ്ടെന്ന് വിദേശകാര്യ സെക്രട്ടറി ഹര്‍ഷ് ശ്രിംഗ്ല പറഞ്ഞു. ആരോഗ്യ മേഖലയില്‍ ഇന്ത്യ വിദേശ രാജ്യങ്ങളുമായി കൂടുതല്‍ സഹകരിച്ചു പ്രവര്‍ത്തിക്കുമെന്ന് അദ്ദേഹം വ്യക്തമാക്കി.
രണ്ടു വാക്‌സിനുകളാണ് ഇന്ത്യ തദ്ദേശീയമായി ഉല്‍പ്പാദിപ്പിച്ചത്. കൊവാക്‌സിനും കൊവിഷീല്‍ഡും. കൊവിഷീല്‍ഡിന്റെ പരീക്ഷണം അന്തിമഘട്ടം കഴിയും മുമ്പ് കുത്തിവയ്പ്പിന് അനുമതി കൊടുത്ത കേന്ദ്ര സര്‍ക്കാര്‍ നടപടി വിവാദമായിരുന്നു. പ്രതിപക്ഷം ഇതിനെതിരെ രംഗത്തുവന്നിരുന്നു. അതേസമയം, കൊവാക്‌സിന്‍ വിതരണം തകൃതിയായി നടക്കുന്നുണ്ട്. ഇതുവരെ ഗുരുതരമായ പാര്‍ശ്വഫലങ്ങള്‍ റിപ്പോര്‍ട്ട് ചെയ്തിട്ടില്ല.
ഇന്ത്യയില്‍ ആദ്യ ഘട്ടത്തില്‍ ആരോഗ്യ പ്രവര്‍ത്തകര്‍, ശുചീകരണ തൊഴിലാളികള്‍, സൈനികര്‍ എന്നിവര്‍ക്കാണ് വാക്‌സിന്‍ നല്‍കുന്നത്. രണ്ടാംഘട്ടത്തില്‍ പ്രധാനമന്ത്രി നരേന്ദ്ര മോദിയും സംസ്ഥാന മുഖ്യമന്ത്രിമാരും മറ്റു ജനപ്രതിനിധികളും വാക്‌സിന്‍ സ്വീകരിക്കുമെന്ന് റിപ്പോര്‍ട്ടുണ്ട്. ഈ ഘട്ടത്തില്‍ 50 വയസിന് മുകളിലുള്ളവര്‍ക്കാണ് മുന്‍ഗണന നല്‍കുക. പിന്നീടായിരിക്കും എല്ലാവര്‍ക്കും നല്‍കുന്ന ഘട്ടം. അമേരിക്ക, റഷ്യ, ചൈന തുടങ്ങിയ രാജ്യങ്ങളും സ്വന്തമായി വാക്‌സിന്‍ ഉല്‍പ്പാദിപ്പിച്ചിട്ടുണ്ട്. പല രാജ്യങ്ങളിലും ഉല്‍പ്പാദ ശ്രമങ്ങള്‍ നടക്കുകയാണ്.
Recommended Video
