ഇന്ത്യൻ വംശജൻ തർമൻ ഷൺമുഖരത്നം സിംഗപ്പൂർ പ്രസിഡന്റ്
ഡൽഹി: ഇന്ത്യൻ വംശജനും മുൻമന്ത്രിയുമായ പീപ്പിൾസ് ആക്ഷൻ പാർട്ടി നേതാവ് തർമൻ ഷൺമുഖരത്നം സിങ്കപ്പൂരിന്റെ പുതിയ പ്രസിഡന്റായി തിരഞ്ഞെടുക്കപ്പെട്ടു. 74 ശതമാനം വോട്ട് നേടിയാണ് തർമന്റെ വിജയം. സിംഗപ്പൂർ ഗവൺമെന്റ് ഇൻവെസ്റ്റ്മെന്റ് കോർപ്പറേഷന്റെ (ജിഐസി) മുൻ ചീഫ് ഇൻവെസ്റ്റ്മെന്റ് ഓഫീസറായ എൻജി കോക്ക് സോങ്ങിനെയും പൊതുമേഖല ഇൻഷുറൻസ് കമ്പനിയായ എൻടിയുസി ഇൻകമിന്റെ മുൻ മേധാവി ടാൻ കിൻ ലിയനെയുമാണ് തർമ്മൻ പരാജയപ്പെടുത്തിയത്. സോങ്ങിന് 16 ശതമാനവും ലിയാന് 14 ശതമാനവും വോട്ടാണ് ലഭിച്ചത്.
നിലവിലെ പ്രസിഡന്റ് ഹലീമ യാക്കോബിന്റെ കാലാവധി സപ്റ്റംബർ 13 നാണ് അവസാനിക്കുന്നത്. സാമ്പത്തിക വിദഗ്ദ്ധൻ കൂടിയായ 66കാരനായ ഷൺമുഖരത്നം രാജ്യത്തെ മുൻ ഉപപ്രധാനമന്ത്രിയും ധനമന്ത്രിയുമായിരുന്നു. സിംഗപ്പൂർ പ്രസിഡന്റ് സ്ഥാനത്തെത്തുന്ന മൂന്നാമത്തെ ഇന്ത്യൻ വംശജൻ കൂടിയാണ് തർമൻ. തമിഴ് വംശജനായ സെല്ലപ്പൻ രാമനാഥൻ ( 1999 - 2011 ), മലയാളി സിവ ദേവൻ നായർ ( 1981 - 1985 ) എന്നിവരായിരുന്നു ഈ സ്ഥാനത്തേക്ക് മുൻപ് തിരഞ്ഞെടുക്കപ്പെട്ട ഇന്ത്യൻ വംശജർ.
1957 ഫെബ്രുവരി 25 ന് സിംഗപ്പൂരിൽ ജനിച്ച തർമൻ തമിഴ് വംശജനായ സിംഗപ്പൂരുകാരനാണ്. സിംഗപ്പൂർ കാൻസർ രജിസ്ട്രി സ്ഥാപകനും ക്യാൻസർ ഗവേഷണവും പാത്തോളജിയുമായി ബന്ധപ്പെട്ട നിരവധി അന്താരാഷ്ട്ര സംഘടനകൾക്ക് നേതൃത്വം നൽകുകയും ചെയ്ത സിംഗപ്പൂരിലെ 'പാത്തോളജിയുടെ പിതാവ്' എന്നറിയപ്പെടുന്ന മെഡിക്കൽ ശാസ്ത്രജ്ഞൻ എമറിറ്റസ് പ്രൊഫസർ കെ. ഷൺമുഖരത്നത്തിന്റെ മകനാണ്.ചൈനീസ്-ജാപ്പനീസ് വംശയായ സിംഗപ്പൂരിലെ അഭിഭാഷക ജെയ്ൻ യുമിക്കോ ഇട്ടോഗിയാണ് തർമ്മന്റെ ഭാര്യ. ദമ്പതികൾക്ക് ഒരു മകളും മൂന്ന് ആൺമക്കളും ഉണ്ട്.
ലണ്ടൻ സ്കൂൾ ഓഫ് ഇക്കണോമിക്സിൽ നിന്നാണ് തർമൻ സാമ്പത്തിക ശാസ്ത്രത്തിൽ ബിരുദം നേടിയത്. തുടർന്ന് അദ്ദേഹം കേംബ്രിഡ്ജ് സർവകലാശാലയിലെ വുൾഫ്സൺ കോളേജിൽ നിന്ന് സാമ്പത്തിക ശാസ്ത്രത്തിൽ ബിരുദാനന്തര ബിരുദം നേടി.2001 ലെ പൊതുതിരഞ്ഞെടുപ്പിൽ മത്സരിച്ചാണ് തർമ്മൻ രാഷ്ട്രീയ അരങ്ങേറ്റം നടത്തിയത്. 2006, 2011, 2015, 2020 വർഷങ്ങളിൽ തുടർന്നുള്ള പൊതുതെരഞ്ഞെടുപ്പുകളിൽ നാല് തവണ വീണ്ടും പാർലമെന്റിലേക്ക് തിരഞ്ഞെടുക്കപ്പെട്ടു.
ഷൺമുഖരത്നം വിവിധ ഉന്നതതല അന്താരാഷ്ട്ര കൗൺസിലുകൾക്കും പാനലുകൾക്കും നേതൃത്വം നൽകിയിട്ടുണ്ട്.2011 മുതൽ 2014 വരെ, അദ്ദേഹം അന്താരാഷ്ട്ര നാണയ നിധിയുടെ (ഐഎംഎഫ്) നയ ഉപദേശക സമിതിയായ ഇന്റർനാഷണൽ മോണിറ്ററി ആൻഡ് ഫിനാൻഷ്യൽ കമ്മിറ്റിയുടെ അധ്യക്ഷനായിരുന്നു.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google