അമേരിക്കയില് വീണ്ടും വംശീയാതിക്രമം!!ഇന്ത്യക്കാരന് വെടിയേറ്റ് മരിച്ചുഭീതിയില് ഇന്ത്യന് സമൂഹം
വാഷിംഗ്ടണ്: ഇന്ത്യക്കാരന് അമേരിക്കയില് വെടിയേറ്റ് മരിച്ചു. അമേരിക്കയിലെ സൗത്ത് കരോലിനയിലെ ലാന്കാസ്റ്ററിലെ വീടിന് മുമ്പില് വച്ചായിരുന്നു സംഭവം. ഇന്ത്യന് ബിസിനസുകാരന് ഹര്ണിഷ് പട്ടേല് കൊല്ലപ്പെട്ട സംഭവം വംശീയാതിക്രമമാണെന്ന് സൂചനയുണ്ട്. ജോലി കഴിഞ്ഞ് വീട്ടിലെത്തിയപ്പോഴായിരുന്നു ആക്രമണമെന്നും റിപ്പോര്ട്ടുണ്ട്. വ്യാഴാഴ്ച രാത്രിയായിരുന്നു സംഭവം.
43കാരനായ ഹര്ണിഷ് പട്ടേല് 11.24ന് കട പൂട്ടി വീട്ടിലെത്തിയെന്നും പിന്നീട് വീടിന് മുറ്റത്തുവച്ച് ആക്രമിക്കപ്പെട്ടുവെന്നുമാണ് പോലീസ് നല്കുന്ന വിവരം. വെടിയേറ്റ് മരിച്ച നിലയില് വീട്ടുമുറ്റത്തുനിന്നാണ് മൃതദേഹം കണ്ടെടുത്തത്. കുടുംബത്തോടൊപ്പം അമേരിക്കയില് കഴിയുന്ന പട്ടേല് സ്പീഡീ മാര്ട്ടിന്റെ ഉടമസ്ഥനാണ്. എന്നാല് സംഭവത്തില് ആരുടെയും അറസ്റ്റ് രേഖപ്പെടുത്തിയിട്ടില്ല.
ഇന്ത്യന് എന്ജിനീയര് ശ്രീനിവാസ കുച്ച്ഭോട്ട്ലെ വെടിയേറ്റ് മരിച്ച സംഭവത്തില് അമേരിക്കന് പ്രസിഡന്റ് അപലപിച്ച് രണ്ട് ദിവസത്തിന് ശേഷമാണ് ഇന്ത്യക്കാരന് അമേരിക്കയില് വച്ച് ആക്രമിക്കപ്പെടുന്നത്. കന്സാസിലെ ഒലാത്തെ ബാറില് വച്ച് ഫെബ്രുവരി 22ന് ശ്രീനിവാസ കുച്ച്ഭോട്ട്ലെ ആക്രമിക്കപ്പെടുന്നത്.