സുധ സുന്ദരി നാരായണന് പൗരത്വം നൽകി ഡൊണാള്ഡ് ട്രംപ്, ആദരവ് വൈറ്റ് ഹൗസിലെ പ്രത്യേക ചടങ്ങിൽ
വാഷിംഗ്ടണ്: വൈറ്റ് ഹൗസില് വെച്ച് നടന്ന പ്രത്യേക ചടങ്ങില് ഇന്ത്യയില് നിന്നുളള സോഫ്റ്റ് വെയര് ഡവലപ്പര് സുധ സുന്ദരി നാരായണന് അമേരിക്കന് പൗരത്വം നല്കി അമേരിക്കന് പ്രസിഡണ്ട് ഡൊണാള്ഡ് ട്രംപ്. നിയമവിധേയമായ കുടിയേറ്റത്തെ പ്രോത്സാഹിപ്പിക്കുന്നതിന്റെ ഭാഗമായാണ് വൈറ്റ് ഹൗസില് പ്രത്യേക ചടങ്ങ് സംഘടിപ്പിച്ചത്. സുധ സുന്ദരി നാരായണന് അടക്കം 5 പേര്ക്കാണ് അമേരിക്കന് പൗരത്വം നല്കി ആദരിച്ചത്.
ആഗസ്റ്റ് 25നാണ് വൈറ്റ് ഹൗസില് ഈ ചടങ്ങ് സംഘടിപ്പിച്ചത്. റിപ്പബ്ലിക്കന് നാഷണല് കണ്വെന്ഷന് ആരംഭിച്ച ദിവസമാണ് എന്ന പ്രത്യേകത ആഗസ്റ്റ് 25നുണ്ട്. സുധ സുന്ദരി നാരായണന് അടക്കം വ്യത്യസ്ത രാജ്യങ്ങളില് നിന്നുളള അഞ്ച് പേര്ക്കാണ് ട്രംപ് വൈറ്റ് ഹൗസില് വെച്ച് പൗരത്വം നല്കിയത്. ബൊളീവിയ, ലെബനന്, സുഡാന്, ഘാന, എന്നിവയാണ് ഇന്ത്യയെ കൂടാതെയുളള മറ്റ് രാജ്യങ്ങള്.
എല്ലാ വംശങ്ങളേയും മതങ്ങളേയും നിറങ്ങളേയും ഉള്ക്കൊളളുന്ന മഹത്തായ രാജ്യത്തേക്ക് സ്വാഗതം എന്നാണ് പുതിയ പൗരന്മാരെ അമേരിക്കയിലേക്ക് സ്വാഗതം ചെയ്തുകൊണ്ട് ഡൊണാള്ഡ് ട്രംപ് പറഞ്ഞത്. 5 പേര്ക്ക് വൈറ്റ് ഹൗസില് വെച്ച് പൗരത്വം നല്കുന്ന ചടങ്ങ് വ്യാഴാഴ്ച രാത്രി റിപ്പബ്ലിക്കന് നാഷണല് കണ്വെന്ഷനില് പ്രദര്ശിപ്പിക്കുകയുമുണ്ടായി. സുധ സുന്ദരി നാരായണന് പ്രഗത്ഭയായ സോഫ്റ്റ് വെയര് ഡെവലപ്പര് ആണെന്ന് ട്രംപ് വിശേഷിപ്പിച്ചു.
Recommended Video
13 വര്ഷമായി സുധ സുന്ദരിയും കുടുംബവും അമേരിക്കയിലാണ് താമസിക്കുന്നത്. ഭര്ത്താവും രണ്ട് കുട്ടികളും അടങ്ങുന്നതാണ് സുധ സുന്ദരിയുടെ കുടുംബം. സുധ സുന്ദരി നാരായണന് പൗരത്വം നല്കാന് സാധിച്ചതില് അഭിമാനം ഉണ്ടെന്നും ട്രംപ് ചടങ്ങില് പറഞ്ഞു. വലത് കൈ ഉയര്ത്തിയും ഇടത് കൈയില് അമേരിക്കന് പതാക ഏന്തിയും സുധ അടക്കമുളളവര് ഹോം ലാന്ഡ് സെക്യൂരിറ്റ് സെക്രട്ടറി(ആക്ടിംഗ്) ആയ ചാഡ് വുള്ഫ് ചൊല്ലിക്കൊടുത്ത സത്യപ്രതിജ്ഞാ വാചകം ഏറ്റ് ചൊല്ലിയാണ് അമേരിക്കന് പൗരന്മാരായി മാറിയത്.
5 പ്രഗത്ഭരായ പുതിയ അംഗങ്ങളെ അമേരിക്കന് കുടുംബത്തിലേക്ക് സ്വീകരിക്കുന്നതില് രാജ്യം സന്തോഷിക്കുന്നുവെന്ന് പ്രസിഡണ്ട് ട്രംപ് പറഞ്ഞു. നിങ്ങളിപ്പോള് ഈ മഹത്തായ രാജ്യത്തെ പൗരന്മാരാണ്. എല്ലാവരേയും അഭിനന്ദിക്കുന്നുവെന്നും ട്രംപ് പറഞ്ഞു. ഇതൊട്ടും എളുപ്പമല്ല. നിങ്ങള് സ്വന്തമാക്കിയിരിക്കുന്നത് ലോകത്തെ തന്നെ ഏറ്റവും അമൂല്യമായ ഒന്നാണെന്നും അതാണ് അമേരിക്കന് പൗരത്വമെന്നും ഇതിനേക്കാള് മഹത്തരമായ ഒരു ബഹുമതി ഇനി ലഭിക്കാനില്ലെന്നും ട്രംപ് പറഞ്ഞു. സുധ അടക്കം 5 പേര്ക്ക് ട്രംപ് പൗരത്വ സര്ട്ടിഫിക്കറ്റ് കൈമാറി.
-
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം
Click it and Unblock the Notifications
Sign in with Google