ലിബിയയില്‍ ഇന്ത്യക്കാരെ ഐസിസ് തട്ടിക്കൊണ്ടുപോയി, കാണാതായത് തെക്കേ ഇന്ത്യക്കാരെ

By വിക്കി നഞ്ചപ്പ

Updated: Friday, July 31, 2015, 12:08 [IST]

ദില്ലി: വടക്കന്‍ ആഫ്രിക്കന്‍ രാജ്യമായ ലിബിയയില്‍ നാല് ഇന്ത്യക്കാരെ കാണാനില്ല. മുസ്ലിം ഭീകരവാദ സംഘടനയായ ഐസിസാണ് ഇവരെ തട്ടിക്കൊണ്ടുപോയത് എന്നാണ് സംശയിക്കുന്നത്. വിദേശകാര്യ മന്ത്രാലയവും ഇന്റലിജന്‍സ് വിഭാഗവും ഇടപെടലുകള്‍ നടത്തുന്നുണ്ട് എന്നാണ് വിവരം. ഈ വിഷയത്തില്‍ വേണ്ട കാര്യങ്ങള്‍ ഉടന്‍ ചെയ്യുമെന്ന് ഒരു മുതിര്‍ന്ന ഉദ്യോഗസ്ഥന്‍ വണ്‍ഇന്ത്യയോട് പറഞ്ഞു.

ഐസിസ് ഭീകരവാദികളാണ് ഇന്ത്യക്കാരെ തട്ടിക്കൊണ്ടുപോയത് എന്ന കാര്യം സ്ഥിരീകരിക്കാന്‍ അധികൃതര്‍ തയ്യാറായിട്ടില്ല. എന്നാല്‍ പ്രദേശത്ത് ഐസിസുകാര്‍ വളരെ സജീവമാണ്. ഐസിസിന്റെ ശക്തിപ്രദേശമാണിത്. ഏതാനും വര്‍ഷങ്ങള്‍ക്ക് മുമ്പ് വിവിധ രാജ്യക്കാരായ മുന്നൂറോളം പേരെ ഐസിസ് ഇവിടെനിന്നും തട്ടിക്കൊണ്ടുപോയിരുന്നു.

കാണാതായ നാല് പേരുെ അധ്യാപരകാണ്. ഗോപീരകൃഷ്ണ, ബല്‍റാം, ലക്ഷ്മി കാന്ത്, വിജയ് കുമാര്‍ എന്നിവരെയാണ് ഐസിസ് തട്ടിക്കൊണ്ടുപോയത്. കര്‍ണാടക, ഹൈദരാബാദ് സംസ്ഥാനങ്ങളില്‍ നിന്നുള്ളവരാണ് ഇവര്‍. സിര്‍ത്തി സര്‍വകലാശാലയിലെ അധ്യാപകരാണ് എന്നാണ് വിദേശകാര്യമന്ത്രാലയം വക്താക്കള്‍ പറയുന്നത്.

ഇന്ത്യന്‍ സര്‍ക്കാര്‍ ഇക്കാര്യം സംബന്ധിച്ച് ലിബിയന്‍ സര്‍ക്കാരുമായി ബന്ധപ്പെട്ടുകൊണ്ടിരിക്കുകയാണ്. ഇതുവരെ ആരും മോചനദ്രവ്യമോ മറ്റെന്തിങ്കിലുമോ ആവശ്യപ്പെട്ട് രംഗത്തെത്തിയിട്ടില്ല. തലസ്ഥാനമായ ട്രിപ്പോളിക്ക് സമീപത്തുള്ള സിര്‍തെ ടൗണില്‍ നിന്നാണ് ഇന്ത്യക്കാരെ തട്ടിക്കൊണ്ടുപോയത്. പ്രദേശത്തുള്ള ഇന്ത്യക്കാരോട് തിരിച്ചുവരാനായി സര്‍ക്കാര്‍ ഉപദേശം നല്‍കിയതായി അറിയുന്നു.