'തന്നെ ഞെരിച്ചമര്ത്താന് ബിക്കിനി ധരിച്ച പെണ്ണ്'... ഇസ്ലാംഭൂരിപക്ഷ ഇന്തോനേഷ്യയിലെ നൂഡില്സ് വിവാദം
ജക്കാര്ത്ത: ഒരു നൂഡില്സ് എങ്ങനെ മതവിരുദ്ധമാകും എന്നാണ് ചിലര് ഇപ്പോള് ചിന്തിയ്ക്കുന്നത്. ഇസ്ലാം ഭൂരിപക്ഷ രാഷ്ട്രമായ ഇന്തോനേഷ്യയില് നിന്നുള്ള ചില വാര്ത്തകളാണ് ഇങ്ങനെ ഒരു സംശയം ജനിപ്പിയ്ക്കുന്നത്.
Read Also: ചരക്ക് വിമാനത്തില് അമേരിക്ക ഇറാന് കൊടുത്തയച്ചത് 2,700 കോടി രൂപ!!!
ഒരു നൂഡില്സ് ആണ് ഇപ്പോള് ഈ പ്രശ്നങ്ങള്ക്കെല്ലാം കാരണം. നൂഡില്സിന്റെ പേര് 'ബിക്കിനി' എന്നാണ്. സ്ത്രീകള് ധരിയ്ക്കുന്ന അല്പ വസ്ത്രം എന്നല്ല ഇന്തോനേഷ്യന് ഭാഷയില് ഇതിന്റെ പ്രാദേശിക അര്ത്ഥം. നല്ല സൂപ്പര് അരി നൂഡില്സ് എന്നാണ്.
പക്ഷേ പ്രശ്നം എന്താണെന്നല്ലേ... ആ നൂഡില്സിന്റെ കവറിലെ ചിത്രമാണ്. ബിക്കിനി ധരിച്ച ഒരു സുന്ദരിയാണ് കവറില് ഉള്ളത്. അതിനും അപ്പുറം അതില് എഴുതിവച്ച വാക്കുകളാണ് പലരേയും ചൊടിപ്പിച്ചത്.
' എന്നെ ഞെരിച്ചമര്ത്തു' എന്നോ ' പിഴിഞ്ഞെടുക്കൂ' എന്നൊക്കെ വായിക്കാവുന്ന രീതിയിലാണ് എഴുതിവച്ചിരിയ്ക്കുന്നത്. 'സ്ക്വ്യൂസ് മി' എന്ന് . ഒരു ഇസ്ലാം ഭൂരിപക്ഷ രാഷ്ട്രത്തിലല്ലെങ്കില് പോലും വിവാദം ഉണ്ടാക്കും ചിലപ്പോള് ഈ കവര് എന്ന് ഉറപ്പാണ്. പക്ഷേ ഇതിലെ സുന്ദരിയ്ക്ക് മുഖം ഇല്ല കേട്ടോ!!!
എന്തായാലും സംഗതി ഇപ്പോള് കൈവിട്ട് പോയിരിക്കുകയാണ്. ബിക്കിനി നൂഡില്സിന്റെ വില്പന നിരോധിയ്ക്കണം എന്നാണ് ആവശ്യം. വിപണിയില് നിന്ന് ഇവരുടെ നൂഡില്സ് മുഴുവന് പിന്വലിയ്ക്കുകയും വേണമത്രെ. സംഗതി ശുദ്ധ അശ്ലീലമാണെന്നാണ് അധികൃതരും പറയുന്നത്.
(വണ്ഇന്ത്യയിലേക്ക് നിങ്ങള്ക്കും വാര്ത്തകളും ഫോട്ടോകളും അയയ്ക്കാം. ഉചിതമായവ പ്രസിദ്ധീകരിക്കും. അയയ്ക്കേണ്ട വിലാസം [email protected])